ფიზიკური დაპირისპირება გლდანში - N60 საარჩევნო უბანთან მამაკაცების ჯგუფი ერთმანეთს სასტიკად გაუსწორდა: რა დეტალები ხდება ცნობილი (ვიდეო)
გლდანში N60 საარჩევნო უბანთან მამაკაცების ჯგუფი ერთმანეთს დაუპირისპირდა.
გარდა დაპირისპირებული მხარეებისა, ადგილზე იმყოფებოდნენ “ქართული ოცნების“ მხარდამჭერი, შაკო კუჭაშვილი და “ნაციონალური მოძრაობის“ ლიდერი, ირაკლი ეძგვერაძე.
- ზუსტი მიზეზი, თუ რამ გამოიწვია ხელჩართული ჩხუბი, ამ დროისთვის უცნობია. თუმცა, ტელეკომპანია "პირველის“ მიერ გავრცელებულ ვიდეოში ჩანს, რომ ვითარება იმ დროს დაიძაბა, როდესაც ეძგვერაძე ჟურნალისტებთან საუბრობდა.
“მინდა საზოგადოებას ვუთხრა რომ ეს კონკრეტული პიროვნება არის მომაგრებული ამ უბნებზე. იციან რომ ოპოზიცია იგებს არჩევნებს და ეს ადამიანი დილიდან, კანონის დარღვევით, მიდის ადამიანებთან და აყენებს შეურაცხყოფას,“ - განაცხადა ეძგევრაძემ.
პარალელურად საარჩევნო უბნის ეზოში, მამაკაცების ჯგუფი თავს დაესხა იქ მყოფ რამდენიმე ადამიანს და ფიზიკურად გაუსწორდა.
დაპირისპირების დროს ერთ-ერთი დამკვირვებელი დაშავდა. ადგილზე გამოძახებულია სასწრაფო დახმარების ბრიგადა, რომელიც დაშავებულს დახმარებას უწევს.
საარჩევნო უბანთან მობილიზებული არიან სამართალდამცავებიც.
„ადამიანები, რომლებიც ფიზიკურად მარტო მე არა, ძალიან ბევრ ჩემს თანატოლ დამკვირვებელს გაუსწორდნენ, არიან „ქართული ოცნების“ ახალგაზრდული ორგანიზაციის წევრები. ისინი სუს-ის მიერ მიცემულ დავალებებს ასრულებენ. იციან,რომ ეს არჩევნები წაგებული აქვთ და ცდილობენ საარჩევნო პროცესი შეაფერხონ“, - აცხადებს დამკვირვებელი.
იხილეთ ასევე:
- ისანში, ერთ-ერთ საარჩევნო უბანზე დაპირისპირება იყო - რა დეტალები ხდება ცნობილი (ვიდეო)
- ნაცემი პირები, ხმაური და ფიზიკური დაპირისპირება - უახლესი ცნობები მარნეულიდან, სადაც 2 საარჩევნო უბანზე დაძაბულობა იყო