თავისუფლების მოედანზე მარში - “საქართველო ირჩევს ევროკავშირს“, მიმდინარეობს - რა ხდება ამ წუთებში ადგილზე (ფოტო/ვიდეო)

მარშის “საქართველო ირჩევს ევროკავშირს“ მონაწილეები სხვადასხვა ლოკაციიდან თავისუფლების მოედანზე შეკრებილებს შეუერთდნენ.

კერძოდ, მარშს უკვე შეუერთდნენ გმირთა მოედანზე, მარჯანიშვილის მოედანზე და რესპუბლიკის მოედანზე შეკრებილი მოქალაქეები.

აქციის მონაწილეებს საქართველოსა და ევროკავშირის დროშები, ევროკავშირის მხარდამჭერი ლოზუნგები და პლაკატები აქვთ.

მარშის შემაჯამებელი ღონისძიება სწორედ თავისუფლების მოედანზე შედგება. თავისუფლების მოედანზე დაგეგმილია კონცერტიც, რომელში მონაწილეობას მიიღებენ მუსიკოსები: ჯგუფი “ყველა“, LOUDSPEAKERS, ნიაზ დიასამიძე, “გამოუვალი მდგომარეობა“, ბექა გოჩიაშვილი და თემურიკო დიასამიძე, ნინო ქათამაძე, ჯგუფი “ინსაითი“ და ნიკოლოზ რაჭველი. კონცერტი თავისუფლების მოედანზე, 19:00 საათზე დაიწყება.