მნიშვნელოვანი ინფორმაცია
18
მარტიდღის ზოგადი ასტროლოგიური პროგნოზი
ოთხშაბათი, მთვარის მეოცე დღე დაიწყება 01:03-ზე, მთვარე მორიელშია
დღეს დაწყებული ნებისმიერი საქმე წარმატებას მოგიტანთ. კარგი დღეა მიზანდასახული და მიზანსწრაფული ადამიანებისთვის, ორატორთა და ლიდერთათვის. გარშემო მყოფებთან საქმეების გარჩევას არ გირჩევთ. კარგი დღეა სამსახურის, საქმიანობის შესაცვლელად. უმჯობესია, შინ დარჩეთ, სულიერ განათლებს მიხედოთ, წმინდა ტექსტები იკითხოთ. მოერიდეთ ფიზიკურ გადაღლას. ქორწინება და ნიშნობა სხვა დღისთვის გადადეთ. მოერიდეთ ალკოჰოლისა და სიგარეტის მიღებას. არ გადატვირთოთ კუჭი. ნუ მიირთმევთ ხორციან კერძებს. მატულობს ვენერიული დაავადებების რისკი. მოსალოდნელია ტრავმები, ქირურგიული ჩარევის ალბათობა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ჩრდილოეთ კორეაში მობილიზაციაა და "წმინდა ომისთვის" ემზადებიან - ფხენიანში აცხადებენ, რომ 1.4 მილიონი ახალგაზრდა არმიას შეუერთდა
11:53 / 17-10-2024
ჩრდილოეთ კორეაში მობილიზაციაა. ქვეყნის სახელმწიფო მედიის ცნობით, მიმდინარე კვირაში დაახლოებით 1.4 მილიონმა ახალგაზრდამ გადაწყვიტა, არმიას შეუერთდეს და შესაბამისი მიმართვა გააკეთა.
ჩრდილოეთ კორეაში აცხადებენ, რომ ეს სამხრეთ კორეის პროვოკაციული მოქმედებებით არის გამოწვეული, რამაც "დაძაბული სიტუაცია ომის ზღვრამდე მიიყვანა".
- როგორც გასულ კვირას ფხენიანში თქვეს, სეულმა ფხენიანის თავზე დრონები გაუშვა, საიდანაც ჩრდილოეთ კორეის საწინააღმდეგო პროკლამაციები ჩამოყარეს. ამის შემდეგ ფხენიანმა ორ კორეას შორის არსებული საგზაო და სარკინიგზო ხაზები ააფეთქა და სამხრეთი გააფრთხილა, რომ ის "დიდ ფასს გადაიხდის".
ჩრდილოეთ კორეის სახელმწიფო სააგენტო KCNA-ს ცნობით, ახალგაზრდები, მათ შორის სტუდენტები და "ახალგაზრდული ლიგის" წარმომადგენლები, რომლებმაც არმიაში შესვლა გადაწყვიტეს" მზად არიან, "წმინდა ომში მტრის განადგურებისთვის, რევოლუციის იარაღით" იბრძოლონ.
"თუ ომი დაიწყება, სამხრეთ კორეა რუკიდან გაქრება. რადგან ომი სურთ, მზად ვართ, მისი არსებობა დავასრულოთ", - აცხადებენ ფხენიანში.
- ჩრდილოეთ კორეას დაძაბულობის პერიოდებში ახალგაზრდების არმიაში მასობრივად ჩაწერის შესახებ მსგავსი განცხადებები ადრეც გაუკეთებია, თუმცა იზოლირებული სახელმწიფოს ასეთი განცხადებების გადამოწმება რთულია.
გასულ წელს სახელმწიფო მედიამ გაავრცელა ინფორმაცია 800,000 მოქალაქის შესახებ, რომლებმაც ამერიკის შეერთებული შტატების წინააღმდეგ საბრძოლველად ჩრდილოეთის არმიაში შესვლა მოხალისეობრივად გადაწყვიტეს. ასევე, 2017 წელს იყო ცნობა, რომ თითქმის 3.5 მილიონმა მუშამ, პარტიის წევრმა და ჯარისკაცმა გამოთქვა არმიაში მსახურების სურვილი.
საერთაშორისო სტრატეგიული კვლევების ინსტიტუტის (IISS) მონაცემებით, ჩრდილოეთ კორეას 1.28 მილიონი აქტიური ჯარისკაცი და დაახლოებით 600,000 რეზერვისტი ჰყავს.
- სეულის თავდაცვის სამინისტროს ამ თემაზე კომენტარი არ გაუკეთებია, მაგრამ აღნიშნა, რომ თუ ჩრდილოეთ კორეა სამხრეთ კორეელების უსაფრთხოებას ზიანს მიაყენებს, ის დღე "მისი რეჟიმის დასასრული იქნება".
მოგვიანებით, სამხრეთ კორეის, ამერიკის შეერთებული შტატებისა და იაპონიის ვიცე საგარეო საქმეთა მინისტრებმა სეულში მოლაპარაკებების შემდეგ პრესკონფერენცია გამართეს და ჩრდილოეთის მხრიდან "დაძაბულობის განზრახ გაზრდა" მკაცრად დაგმეს.
- დასავლეთის ქვეყნები დიდი ხანია ადანაშაულებენ ჩრდილოეთ კორეას რუსეთისთვის უკრაინაში საბრძოლველად იარაღის მიწოდებაში. ოთხშაბათს უკრაინის პრეზიდენტმა ვოლოდიმირ ზელენსკიმ განაცხადა, რომ ჩრდილოეთ კორეა ასევე აგზავნის პერსონალს, რაც მას ფაქტობრივად ომის მონაწილედ აქცევს.
ამ საკითხზე კითხვის დასმისას, აშშ-ის სახელმწიფო მდივნის მოადგილემ, კურტ კემპბელმა განაცხადა, რომ ჩრდილოეთის მხრიდან რუსეთისთვის გაძლიერებული მატერიალური მხარდაჭერის ნიშნები არსებობს, "რაც საბრძოლო ველზე იგრძნობა", თუმცა ვაშინგტონი ამ ანგარიშებს ჯერ კიდევ აფასებს.
- გარდა ამისა, ჩრდილოეთ კორეამ დაადასტურა, რომ ქვეყნის ახალი კონსტიტუცია სამხრეთ კორეას "მტრულ სახელმწიფოდ“ ოფიციალურად აღიარებს, - ამის შესახებ ინფორმაციას კორეის ცენტრალური საინფორმაციო სააგენტო ავრცელებს.
სააგენტოს ინფორმაციით, გზების და რკინიგზის ჩრდილოეთ მონაკვეთების ბოლოდროინდელი განადგურება, რომლებიც ადრე ჩრდილოეთ და სამხრეთ კორეას აკავშირებდნენ, ჩრდილოეთ კონსტიტუციის მოთხოვნების შესაბამისად განხორციელებული "გარდაუვალი და კანონიერი ზომა“ იყო, რომელიც "სამხრეთ კორეას მკაფიოდ განსაზღვრავს, როგორც მტრულ სახელმწიფოდ“.
"ამრიგად, ჩრდილოეთ კორეამ ოფიციალურად თქვა უარი სეულთან გაერთიანების იდეაზე“, - აღნიშნულია ინფორმაციაში.
სააგენტო არ აკონკრეტებს დეტალებს ჩრდილოეთ კორეის შეცვლილი კონსტიტუციის შესახებ.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ტრამპის სატარიფო ქაოსი - გაძვირდება თუ არა საქართველოში ამერიკიდან ავტომობილების შემოყვანა?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
