მნიშვნელოვანი ინფორმაცია
24
აპრილიდღის ზოგადი ასტროლოგიური პროგნოზი
ხუთშაბათი, მთვარის ოცდამეექვსე დღე დაიწყება 05:06-ზე, მთვარე თევზებშია
საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. თავი შეიკავეთ მოწევისა და ალკოჰოლისგან. გაუფრთხილდით ფეხებს. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
5 მიზეზი, თუ რატომ უნდა წახვიდეთ „ქართული ღვინის ფესტივალზე“
11:06 / 01-10-2024
„ქართული ღვინის ფესტივალის“ ტრადიცია გრძელდება. ღონისძიებას 12 ოქტომბერს 12:00 საათიდან 19:00 საათამდე სიონის ქუჩა უმასპინძლებს. მასში მონაწილეობას მიიღებენ ღვინის კომპანიები, მცირე საოჯახო მარნები, ადგილობრივი ბიოპროდუქციის მწარმოებლები და პოლიგრაფიული საწარმოები.
ფესტივალი რამდენიმე წელია ტარდება და ის უკვე იქცა თბილისელების საყვარელ საშემოდგომო ღონისძიებად. ადგილობრივებთან ერთად, წელს ორგანიზატორები ტურისტების განსაკუთრებულ სიმრავლეს ელოდებიან.
ჩვენ კი გაგაცნობთ რამდენიმე მიზეზს, რატომ უნდა ესტუმროთ 12 ოქტომბერს „ქართული ღვინის ფესტივალს“.
ღვინის დეგუსტაცია
„ქართული ღვინის ფესტივალში“ რამდენიმე ათეული ღვინის მწარმოებელი კომპანია მონაწილეობს. თითოეული მათგანი მოაწყობს საკუთარ სადეგუსტაციო სივრცეს, სადაც ნებისმიერ მსურველს შეეძლება ღვინის დაგემოვნება და სურვილის შემთხვევაში შეძენა.
აღსანიშნავია, რომ ფესტივალში მონაწილეობას მიიღებს ოთხი წამყვანი სომელიე, რომლებიც წარმოდგენილ ღვინოებს დააგემოვნებენ, მათ შესახებ იმსჯელებენ და შეაფასებენ. 17:00 საათზე კი მთავარ სცენაზე გამოვლენ და გამოავლენენ რამდენიმე საუკეთესო ღვინოსა და მწარმოებელს, რომელთაც სპეციალური სერტიფიკატები გადაეცემათ.
ღონისძიებაზე მისულ სტუმრებს შესაძლებლობა ექნებათ, სომელიეების შეფასებებს მოუსმინონ და შერჩეული ღვინო ადგილზევე შეიძინონ.
კონცერტი
სტუმრების განწყობაზე იზრუნებენ ცეკვისა და სიმღერის ფოლკლორული ანსამბლები. სცენაზე წარდგებიან სხვადასხვა ასაკის შემსრულებლები. მათ შორის იქნებიან როგორც ახალი თაობის წარმომადგენლები, ისე საზოგადოებისთვის უკვე კარგად ცნობილი ანსამბლები.
ღვინის მუზეუმი
„ქართული ღვინის ფესტივალის“ სტუმრებისთვის მთელი დღის განმავლობაში ღია იქნება ღვინის მუზეუმი, რომლის დათვალიერებასაც უფასოდ შეძლებენ. მუზეუმში, რომელიც ასევე სიონის ქუჩაზე მდებარეობს, დამთვალიერებლები იხილავენ ღვინის უძველეს ნიმუშებს, ჭურჭელსა და სხვა არტეფაქტებს, დაათვალიერებენ მისტიკურ სივრცეებს და მოისმენენ ისტორიებს საინტერესო აღმოჩენების შესახებ.
ღვინის ნაყინი და შოკოლადი
ფესტივალი სტუმრებს ყოველწლიურად განსაკუთრებულ სიახლეებს სთავაზობს. წელს კი ერთ-ერთი ასეთი გამორჩეული სიახლე იქნება ღვინის ნაყინი და შოკოლადი. ღვინის ნაყინს ღონისძიების სტუმრებს სანაყინე „ბურატინო“ შესთავაზებს. „ბურატინოში“ ნაყინის როლები ტაილანდური ტექნოლოგიით მზადდება. ღვინის ფესტივალზე წარმოდგენილი იქნება როგორც თეთრი ისე წითელი ღვინის ნაყინი. წითელი იქნება საფერავის ნაყინი ბროწეულისა და მოცვის კომბინაციით, ხოლო თეთრი - ტვიშის ნაყინი კრემყველის დანამატით. რაც შეეხება ღვინის შოკოლადს, ხელნაკეთი ნატურალური პროდუქტი არ შეიცავს დანამატ შაქრებს და მისი მწარმოებლის, „ღვინის ბარის“ კონცეპციიდან გამომდინარე, თეთრი ან წითელი ღვინის ბაზაზე მზადდება. ასორტიმენტში არის ასევე ჭაჭის და სხვა ალკოჰოლურ ბაზაზე დამზადებული შოკოლედებიც.
ჩურჩხელა
„ქართული ღვინის ფესტივალის“ სტუმრებს ღვინის დეგუსტაციისა და შეძენის პარალელურად, სხვა ქართული პროდუქტის შეძენის შესაძლებლობაც ექნება. მათ შორის იქნება ქართული ჩურჩხელა, ჩირი და სხვა პროდუქტები.
შეგახსენებთ, რომ სიონის ქუჩაზე ღონისძიება 12:00 საათზე გაიხსნება და 19:00 საათამდე გაგრძელდება. დასწრება თავისუფალია.
R
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ემუქრება თუ არა საფრთხე ევროკავშირთან უვიზო მიმოსვლის შეჩერებას ?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
