13
აპრილიდღის ზოგადი ასტროლოგიური პროგნოზი
ძველი ეგვიპტის ფარაონის ამენჰოტეპ I-ის მუმიფიცირებული სხეულის შესწავლა კომპიუტერული ტომოგრაფიის სკანირების მეშვეობით მოხდა, მეცნიერებმა კომპიუტერული ტექნოლოგიების გამოყენებით მისი რეალური სახის მოდელის შექმნაც მოახერხეს.
ფარაონის სახის აღსადგენად გამოიყენეს კომპიუტერული ტომოგრაფიის მონაცემები, რათა გამოევლინათ მისი სახის სავარაუდო ფორმა.
როგორც გაირკვა, ფარაონი გარდაცვალებისას 35 წლის იყო და მისი სიმაღლე 1.69 მეტრს აღწევდა. ჰქონდა ჯანსაღი კბილები და ხვეული თმა. მკვლევრების თქმით, მას წინადაცვეთაც ჰქონდა ჩატარებული. როგორც ჩანს, ამენჰოტეპ I ფიზიკურად მამას ჰგავდა: ჰქონდა წვეტიანი ნიკაპი, პატარა, ვიწრო ცხვირი, ხვეული თმა და ოდნავ წინ წამოწეული ზედა კბილები.
მის სხეულზე სიკვდილის შემდგომ მიყენებული დაზიანებებიც აღინიშნებოდა, რაც, სავარაუდოდ, მძარცველების დამსახურება უნდა ყოფილიყო.
აღსანიშნავია, რომ ამენჰოტეპ I-ის სარკოფაგი არ გაუხსნიათ. დაკრძალვიდან დაახლოებით 3000 წლის შემდეგ მკვლევართა ჯგუფმა პირველად გამოიყენა კომპიუტერული ტომოგრაფია მისი სხეულის ციფრულად შესასწავლად. სწორედ ასე გახდა შესაძლებელი მრავალი ფენის დასკანერება, რათა უფრო ცხადი გამხდარიყო მისი რეალური სახე.
“CT სკანირება ამენჰოტეპ I-ის მუმიის დაზიანების ხარისხს გვიჩვენებს, რომელიც მოიცავდა კისრის მოტეხილობებს, მუცლის წინა კედლის დიდ დეფექტს და კიდურების დისოციაციას” - ამბობენ მკვლევარები.
