მნიშვნელოვანი ინფორმაცია
23
აპრილიდღის ზოგადი ასტროლოგიური პროგნოზი
ოთხშაბათი, მთვარის ოცდამეხუთე დღე დაიწყება 04:59-ზე, მთვარე 09:03-ზე გადავა თევზების ზოდიაქოში
ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. ამ დღის რთული ორგანოა ყურები, მოერიდეთ მათ გახვრეტას, ოპერაციას, გაწმენდას. არ გირჩევთ ოპერაციის ჩატარებას ღვიძლზე, ფეხებზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ისრაელის მიზანი მიღწეულია, "ჰეზბოლას" ლიდერი ნასრალა ლიკვიდირებულია - მორიგი მასშტაბური დარტყმა, საგანგებო სხდომა ირანში და ბოლო ცნობები ცხელი წერტილიდან
11:47 / 28-09-2024
"ჰეზბოლას“ ლიდერი, ჰასან ნასრალა ლიკვიდირებულია. ამის შესახებ განცხადებას ისრაელის თავდაცვის ძალები ავრცელებს.
- ისრაელის თავდაცვის ძალების განცხადებით, ჰასან ნასრალა გუშინ, ბეირუთში „ჰეზბოლას“ მთავარი შტაბის დაბომბვის შედეგად დაიღუპა. ასევე, ისრაელის თავდაცვის ძალების ცნობით, ბეირუთში განხორციელებულ საჰაერო იერიშებს დაჯგუფების უფროსი მეთაური, ალი კარაკიც ემსხვერპლა.
პარასკევს ისრაელის შეიარაღებულმა ძალებმა ჰეზბოლას საკვანძო ობიექტებზე, მათ შორის ლიდერების შტაბ-ბინაზე, საჰაერო იერიში განახორციელეს, სადაც, მათი თქმით, იმალებოდა დაჯგუფების ერთ-ერთი ლიდერი, ჰასან ნასრალა.
საღამოს 5 საათზე რამდენიმე რაკეტა ჩამოვარდა ჰეზბოლას შტაბ-ბინაზე, რომელიც მდებარეობს ბეირუთში საცხოვრებელი კორპუსების ქვეშ. თავდაპირველად გავრცელდა ვარაუდი იმის შესახებ, რომ ნასრალა და მისი უმაღლესი მეთაურები ცოცხლები იყვნენ ან სასიკვდილოდ დაიჭრნენ.
ნასრალას დაღუპვით დასტურდება, რომ ეს ბოლო ათწლეულების ერთ-ერთი უმძიმესი დარტყმაა, რომელსაც ისრაელი "ჰეზბოლას" აყენებს. ჰასან ნასრალა ჰეზბოლას 1992 წლიდან მართავს, მას შემდეგ, რაც ისრაელმა ორგანიზაციის ყოფილი ლიდერი მოკლა.
ინტენსიური დაბომბვა დაიწყო მას შემდეგ, რაც პრემიერ-მინისტრი ბენიამინ ნეთანიაჰუ პარასკევს ნაშუადღევს ნიუ-იორკში სიტყვით გამოვიდა და პირობა დადო, რომ გააგრძელებს ბრძოლას "ტერორისტული ორგანიზაციის" წინააღმდეგ.
თავდასხმის შედეგად დაშავდა 90-ზე მეტი ადამიანი. ლიბანის ჯანდაცვის სამინისტროს მტკიცებით, დაღუპულია ექვსი, თუმცა ვარაუდობენ, რომ მათი რიცხვი საგრძნობლად გაიზრდება.
ლიბანის ჯანდაცვის სამინისტრომ ბეირუთისა და მისი მიმდებარე ტერიტორიის საავადმყოფოებს უბრძანა, პაციენტების მისაღებად მოემზადონ. ირანის ლიდერმა აიათოლა ალი ხამენეიმ საკუთარ სახლში ირანის ეროვნული უშიშროების უმაღლესი საბჭოს საგანგებო სხდომა მოიწვია.
ბოლო რამდენიმე დღის განმავლობაში ისრაელისა და ჰეზბოლას დაპირისპირებას ლიბანში დაახლოებით 700 ადამიანი შეეწირა, 90000-ს კი სახლის დატოვება მოუწია.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ემუქრება თუ არა საფრთხე ევროკავშირთან უვიზო მიმოსვლის შეჩერებას ?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
