"ამ მატარებელმა დიდი ხნის წინ ჩაიარა. აფხაზეთი და სამხრეთ ოსეთი საქართველოს არ დაუბრუნდება" - კონსტანტინ ზატულინი
"აფხაზეთი და სამხრეთ ოსეთი არ დათმობენ დამოუკიდებლობას საქართველოსთან ურთიერთობის დასამყარებლად", - ამის შესახებ რუსეთის სახელმწიფო სათათბიროს, დუმის დსთ - ს საქმეთა კომიტეტის თავმჯდომარის პირველმა მოადგილემ, კონსტანტინ ზატულინმა Gazeta.ru-სთან განაცხადა.
- მისი თქმით, საპარლამენტო არჩევნების მოახლოების ფონზე, თბილისმა კვლავ დაიწყო საუბარი სოხუმთან და ცხინვალთან სიტუაციის მოწესრიგებაზე.
"არჩევნების წინა დღეებში მმართველმა პარტიამ "ქართულმა ოცნებამ“ გადაწყვიტა გამოაცხადოს თავისი ახალი მიდგომა. კერძოდ - ბოდიშის მოხდა ოსებისთვის, 2008 წელს საქართველოს ყოფილი პრეზიდენტის, მიხეილ სააკაშვილის აგრესიის გამო. ასე ცდილობენ ამომრჩევლის ყურადღება მიიპყრონ.
ამ მატარებელმა დიდი ხნის წინ ჩაიარა. აფხაზეთისა და სამხრეთ ოსეთის საქართველოსთვის დაბრუნება არ მოხდება. რუსეთი არანაირად არ მოახდენს გავლენას ამ რესპუბლიკების გადაწყვეტილებაზე და არ მოახდენს მათზე ზეწოლას, რისი იმედიც შეიძლება ვინმეს ჰქონდეს.
ჩვენ სრულიად განსხვავებული მორალი და დამოკიდებულება გვაქვს აფხაზეთისა და სამხრეთ ოსეთის აღიარების მიმართ. არ არსებობს და არ შეიძლება იყოს რაიმე გეგმა, რომელიც ამ გადაწყვეტილებას რაიმე სარგებლის სანაცვლოდ შეცვლის", - აღნიშნა ზატულინმა.