მნიშვნელოვანი ინფორმაცია
24
აპრილიდღის ზოგადი ასტროლოგიური პროგნოზი
ხუთშაბათი, მთვარის ოცდამეექვსე დღე დაიწყება 05:06-ზე, მთვარე თევზებშია
საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. თავი შეიკავეთ მოწევისა და ალკოჰოლისგან. გაუფრთხილდით ფეხებს. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ამ ტიპის ღონისძიებები გამოცდილებისა და ცოდნის გაზიარების ერთ-ერთი საუკეთესო გზაა“ – აგრონომიის ფაკულტეტის სტუდენტი "ბაიარენაზე"
12:16 / 19-09-2024
2 სექტემბერს, ლაგოდეხის რაიონის სოფელ ჭიაურში „აგროსფეროს“ ორგანიზებით Dekalb-ს სიმინდის მინდვრის დღე, „ბაიარენა“ გაიმართა. ღონისძიებაზე საქართველოს სხვადასხვა რეგიონიდან მოწვეული ფერმერები და სოფლის მეურნეობით დაინტერესებული პირები დეტალურად გაეცნენ Dekalb-ის ახალ ჰიბრიდებს, მათ მახასიათებლებსა და უპირატესობებს. ამასთანავე, სიმინდის მოყვანისთვის საჭირო აგროტექნიკურ სამუშაოებსა და ინოვაციურ პრეპარატებს. „ბაიარენას“ დაესწრნენ „აგროსფეროს“ სტაჟიორი სტუდენტებიც, რომლებიც აგრარული უნივერსიტეტის აგრონომიის ფაკულტეტის მე-3 კურსზე სწავლობენ.
რით იყო საინტერესო „ბაიარენა“ მათთვის და რატომ არის მნიშვნელოვანი მსგავსი ღონისძიებები მათი განვითარებისთვის? – ამ და სხვა საკითხებზე სტუდენტებს ვესაუბრეთ.
რამდენად საინტერესო აღმოჩნდა ეს შეხვედრა თქვენთვის?
ნიკა ბერიაშვილი: ეს შეხვედრა ძალიან საინტერესო აღმოჩნდა ჩემთვის, რადგან ბევრი საინტერესო და საჭირო ინფორმაცია მივიღე. ასევე, გავეცანი კომპანია „აგროსფეროს“ დასახულ მიზნებსა და მათ მიღწევებს რეგიონში, რამაც დიდი შთაბეჭდილება მოახდინა ჩემზე.
შეხვედრის განმავლობაში ორგანიზატორებმა განიხილეს ჰიბრიდული ჯიშის სიმინდი, გაგვაცნეს ისიც, თუ რა აგროტექნიკური სამუშაოები ჩატარდა მცენარის ვეგეტაციის პერიოდში. ყველაზე შთამბეჭდავი იყო ის ფაქტი, რომ სიმინდის ნაწილი დათესილი იყო ურწყავ ზონაში, მაგრამ, მიუხედავად ამისა, ძალიან მაღალი იყო მოსავლიანობა. ეს კი იმ კონკრეტული ჰიბრიდის უპირატესობაზე მეტყველებს.
მნიშვნელოვანი იყო მოწვეულ ფერმერებთან კომუნიკაციაც, რაც ქართველ ფერმერებზე შეხედულების ჩამოყალიბებაში დამეხმარა. კერძოდ, შევიტყვე ის, თუ რას ანიჭებენ უპირატესობას და როგორ უდგებიან სამეურნეო საქმიანობას.
ლუკა პავლიაშვილი: პირადად ჩემთვის ეს ღონისძიება მნიშვნელოვანი იყო იმით, რომ ბევრი რამ შევიტყვე Dekalb-ის ჰიბრიდების შესახებ, ასევე, ზოგადად, სიმინდის კულტურის მოყვანაზე. შემექმნა წარმოდგენა აგროტექნიკურ სამუშაოებზე, ხარჯებზე, რეალიზაციის გზებზე და იმ გამოწვევებსა და სირთულეებზე, რაც შეიძლება ამ პროცესს ახლდეს.
ნანიკო საბელაშვილი: ღონისძიებაზე მქონდა შესაძლებლობა, გავცნობოდი სიმინდის სხვადასხვა ტიპის ახალ სათესლე მასალას, გამეგო მათი უპირატესობების შესახებ და, რაც მთავარია, უშუალოდ დავკვირვებოდი ამ ჰიბრიდებისგან მიღებულ მოსავალს.
როგორ შეიტყვეთ „ბაიარენაზე“ და რამდენად ხშირად ესწრებით მსგავს ღონისძიებებს?
ალექსანდრე კოშაძე: „ბაიარენას“ შესახებ უნივერსიტეტში „აგროსფეროს“ წარმომადგენლებისგან გავიგე, დამაინტერესა და გადავწყვიტე მონაწილეობა მიმეღო. შეხვედრა ძალიან ინფორმატიული იყო და ბევრი ახალი რამ შევიტყვე სიმინდის კულტურაზე, რაც ჩემს პროფესიულ განვითარებას მნიშვნელოვნად შეუწყობს ხელს. შესაბამისად, ვფიქრობ, სამომავლოდ უფრო ხშირად დავესწრები ამ ტიპის ღონისძიებებს.
ლუკა პავლიაშვილი: „ბაიარენაზე“ მეც „აგროსფეროს“ დახმარებით გავიგე და პირველად მოვხვდი მსგავს ღონისძიებაზე. შეხვედრაზე დავრწმუნდი, რამდენად მნიშვნელოვანია ასეთი ღონისძიებების ხშირად ჩატარება და სტუდენტებისთვის მათზე დასწრების შესაძლებლობის მიცემა.
მაინც რატომ არის მნიშვნელოვანი ამ ტიპის ღონისძიებები სტუდენტებისთვის?
ნანიკო საბელაშვილი: ვფიქრობ, რომ ამ ტიპის ღონისძიებები გამოცდილებისა და ცოდნის გაზიარების ერთ-ერთი საუკეთესო გზაა. ეს განსაკუთრებით მნიშვნელოვანია ჩემთვის, როგორც დამწყები აგრონომისთვის, რომელიც ახლა იწყებს ამ სფეროში გზის გაკვალვას.
ნიკა ბერიაშვილი: ისინი პროფესიულ სფეროსთან დაახლოების შესაძლებლობას გვაძლევს და გვიქმნის წარმოდგენას, თუ როგორ მუშაობს სოფლის მეურნეობა საქართველოში, რა ინოვაციები ინერგება დარგში და ა.შ. ასევე, უშუალოდ ვხდებით პროფესიონალებსა და ფერმერებს, რაც დამწყებ აგრონომებს მეტ მოტივაციას გვაძლევს.
NS
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ემუქრება თუ არა საფრთხე ევროკავშირთან უვიზო მიმოსვლის შეჩერებას ?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
