ქეთა თოფურიამ დაბადების დღე საქართველოში, ქმართან და მეგობრებთან ერთად, აღნიშნა - ფოტოები წვეულებიდან
ქეთა თოფურია მესამე შვილის გაჩენის შემდეგ, საზოგადოებაში ამ ცოტა ხნის წინ პირველად გამოჩნდა. მომღერალმა სწავლის დაწყების პირველ დღეს, 2 სექტემბერს პირველი შვილი ოლივია სკოლაში გააცილა. ეს მოსკოვში მოხდა, თუმცა, როგორც ჩანს, რამდენიმე დღეში რუსეთი დატოვა და 9 სექტემბერს, დაბადების დღის აღნიშვნა სამშობლოში გადაწყვიტა.
მოკლედ, გუშინ თოფურიამ 38 წლის იუბილე საქართველოში იზეიმა. ფოტოებზე, რომლებიც სოციალური ქსელის საშუალებით მოვიპოვეთ, ჩანს, რომ საღამოს თიკა ბალანჩინის ცოცხალი ბენდი აფორმებდა.
დაბადების დღეზე ცნობილი ქართველი ვარკვლავებიდან თითქმის არავინ ჩანდა. კადრებში ჩანს მხოლოდ კომპოზიტორი გიგა კუხიანიძე. თოფურია დაბადების დღის ასაღნიშნად რუსეთიდან მარტო არ ჩამოსულა, მას თან ახლდა მეუღლე ლევ ძენგოვი.
შეგახსენებთ, რომ მიუხედავად იმისა, რომ მას ოკუპაციის შესახებ კანონი დარღვეული აქვს (აფხაზეთში იყო რამდენჯერმე) საქართველოში სტუმრობისას პრობლემა არასოდეს შექმნია.
"ყოველ დღე მადლობას ვუხდი ბედს შენთვის! ყოველთვის ბედნიერი იყავი, ჩემო სულო... გილოცავ დაბადების დღეს...“ - წერს სოციალურ ქსელში თოფურიას ქმარი და მეუღლესთან ერთად გადაღებულ ფოტოს აქვეყნებს.
ქეთა თოფურიამ ჯერ კიდევ რამდენიმე წლის წინ აიშენა წყნეთში აგარაკი, სადაც პერიოდულად, შვილებთან ერთად, ისვენებს. მიუხედავად იმისა, რომ ცოტა ხნის წინ ვწერდით, რომ წყვილმა დუბაიში ძვირადღირებული ბინა შეიძინა, როგორც ჩანს, მომღერალი დაბადების დღის აღნიშვნას აქ ამჯობინებს. ეს პირველი შემთხვევა არ არის, როდესაც დაბადების დღის ასაღნიშნად თოფურიამ საქართველო შეარჩია.
წაიკითხეთ ასევე: