როგორც აღმოჩნდა, ქალები უკეთესი მძღოლები არიან, ვიდრე მამაკაცები - რა აჩვენა ახალმა კვლევამ?
მრავალწლიან დებატებს, ქალი უფრო კარგად მართავს ავტომობილს, თუ კაცი - პასუხი გაეცა. telegraph-მა კვლევის შედეგები გამოაქვეყნა, რომლის მიხედვითაც ქალები საჭესთან შედარებით ყურადღებით არიან და ნაკლებ ავარიულ სიტუაციებს ქმნიან, ვიდრე მამაკაცები.
“ეჭვი არ მეპარება, რომ ქალები უფრო უსაფრთხო მძღოლები არიან. მე 39 წელი გავატარე ამ სფეროში. ვფიქრობ, საქმე დამოკიდებულებაშია - მამაკაცებს შეუძლიათ ცოტათი “მაჩოები“ იყვნენ საჭესთან, ქალები ამას არ აკეთებენ.
მაგრამ როდესაც საქმე ეხება უკან სვლას, სივრცის აღქმას და პარალელურ პარკირებისას ხარვეზებას, ქალების უმეტესობა აბსოლუტურად უიმედოა“, - აცხადებს მართვის ინსტრუქტორი სტიუარტ უოკერი.
- The Telegraph-ის მონაცემთა ექსპერტის ბენ ბაჩერის თქმით, “გასული ათწლეულის განმავლობაში, ავარიის დროს გარდაცვლილი მძღოლების 5284 შემთხვევიდან, სამი მეოთხედი მამაკაცი იყო.“
როგორც გამოცემა წერს, არაფხიზელი მართვის შემთხვევებში 83% მამაკაცები იყვნენ, 86%-ს საჭესთან მობილური ეკავა, ხოლო სიჩქარის გადაჭარბების შემთხვევების 78% მაშინ ფიქსირდება, როდესაც საჭესთან მამაკაცი ზის.
თუმცა, აღსანიშნავია ისიც, რომ ყველა ასაკობრივ ჯგუფში, 2021/2022 წლებში მამაკაცების 51 პროცენტმა პირველივე ცდაზე ჩააბარა პრაქტიკული მართვის გამოცდა, ქალების შემთხვევაში ეს მაჩვენებელი 47 პროცენტია.