გიორგი მამარდაშვილი განცხადებას ავრცელებს - რას წერს ფეხბურთელი მას შემდეგ, რაც "ლივერპულმა" მისი გადასვლა დაადასტურა
საქართველოს ეროვნული ნაკრების მეკარე გიორგი მამარდაშვილი ესპანური "ვალენსიადან", ინგლისში "ლივერპულში გადავიდა. ინფორმაცია უკვე ოფიციალურად გამოაქვეყნდა "ლივერპულის" ვებგვერდზე. მერსისაიდელებს გიორგი მომდევნო წლის მაისში შეუერთდება, მანამდე კი კვლავ "ვალენსიას" შემადგენლობაში გააგრძელებს ასპარეზობას.
ამ თემასთან დაკავშირებით ქართველი მეკარე ოფიციალურ განცხადებას ავრცელებს.
"მოგესალმებით
ვალენსიაზე და ამ კლუბზე საუბარს მადლიერების გამოხატვის გარეშე ვერ დავიწყებ. მინდა მადლობა გითხრათ, სამი წლის განმავლობაში უწყვეტი მხარდაჭერისთვის და სიყვარულისთვის, რომელსაც კლუბში მოსვლის პირველი დღიდან, ყველა ეტაპზე ვგრძნობ.
სიტყვები არ არის საკმარისი,გამოვხატო მადლიერება იმ ყველაფრისთვის რაც ვალენსიამ, ამ დიდმა საფეხბურთო ოჯახმა მომცა.
ვალენსიამ შეცვალა ჩემი ცხოვრება და შექმნა ჩემი კარიერა. სწორედ ამიტომ, გადავწყვიტე დავრჩე კიდევ ერთი წელი ვალენსიაში და დავეხმარო გუნდს თავისი მიზნის მიღწევაში.ყველამ ვიცით,როგორი რთული წელი გველოდება და როგორი გარდამტეხია ეს პერიოდი თავად კლუბისთვისაც.
ამიტომ, როგორც არასდროს ისე უნდა დავდგეთ ერთად და ვიბრძოლოთ ბოლომდე!", - წერს მამარდაშვილი.