მნიშვნელოვანი ინფორმაცია
24
აპრილიდღის ზოგადი ასტროლოგიური პროგნოზი
ხუთშაბათი, მთვარის ოცდამეექვსე დღე დაიწყება 05:06-ზე, მთვარე თევზებშია
საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. თავი შეიკავეთ მოწევისა და ალკოჰოლისგან. გაუფრთხილდით ფეხებს. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ღამის სერენადების" პირველ გალაკონცერტს ბორჯომმა უმასპინძლა
15:21 / 22-08-2024
ლიანა ისაკაძის სახელობის საერთაშორისო ფესტივალი „ღამის სერენადები“ 21 აგვისტოს ბორჯომში საზეიმოდ გაიხსნა. ფესტივალის პირველ კონცერტს სასტუმრო ბორჯომი ლიკანმა უმასპინძლა. კონცერტის დასასრულს არ წყდებოდა აპლოდისმენტები, მონაწილეები მსმენელმა ბისზე გაიყვანა და ხანგრძლივი ოვაციებით დააჯილდოვა.
გახსნითი კონცერტის შემდეგ ფესტივალი გადაინაცვლებს ბათუმში და 23 და 25 აგვისტოს ილია ჭავჭავაძის სახელობის დრამატულ თეატრში ორ კონცერტს გამართავს.
ოთარ არბოლიშვილი, ქალაქ ბორჯომის მერი:
„უკვე მეორედ, ტრადიციად იქცა, რომ ლიანა ისაკაძის სახელობის საერთაშორისო ფესტივალი „ღამის სერენადები“ ბორჯომში ღია ცის ქვეშ გრანდიოზული გალა კონცერტით გაიხსნა. ჩვენს ქალაქს ესტუმრნენ ქართველი და უცხოელი ვარსკვლავები და დაუვიწყარი საღამო გვაჩუქეს. ბორჯომელები წლიდან წლამდე მოუთმენლად ელიან ამ ფესტივალს და ბორჯომის მერია მოხარულია, რომ ასეთი მაღალი დონის ფესტივალის მასპინძელია.“
გიორგი ისაკაძე, „ღამის სერენადების“ სამხატვრო ხელმძღვანელი:
„წლევანდელი ფესტივალი შესანიშნავი სოლისტების კონცერტით გაიხსნა: მარიო სტეფანო პიეტროდარკი და ელვინ ხოჯა განიევი, ანსამბლი „ბორჯომი“ და მარიამ კიკალეიშვილი, გიორგი და მარიამ ბუგიანიშვილები, ფესტივალის საბაზო ორკესტრი საქართველოს ვირტუოზები (პირველი ვიოლინო ლელა მჭედლიძე). ამ არაჩვეულებრივმა ხელოვანებმა შეასრულეს ანტონიო ვივალდის, ბელა ბარტოკის, ასტორ პიაცოლას, ენიო მორიკონეს, კარლოს გარდელის, ფრანც შუბერტის, ვაჟა აზარაშვილისა და რევაზ ლაღიძის ნაწარმოებები. მადლობა ჩვენი ფესტივალის მხარდამჭერებს: საქართველოს კულტურის და სპორტის სამინისტროს, აჭარის განათლების, კულტურისა და სპორტის სამინისტროს, ქალაქ ბორჯომის მერიას, ქალაქ თბილისის მერიას, ქალაქ ბათუმის მერიას, იტალიის საელჩოს საქართველოში, ბრაზილიის საელჩოს საქართველოში, ჩეხეთის საელჩოს საქართველოში. მასპინძელი სასტუმროს: ჰილტონ გარდენ ინნ თბილისი. ასევე ფესტივალის პარტნიორებს: ეროვნულ სიმფონიურ ორკესტრს, სასტუმროს ბორჯომი ლიკანი. მადლობა ბორჯომელ მსმენელს განსაკუთრებული დახვედრისთვის.“
ნინა ცაგარელი,“ღამის სერენადების“ დირექტორი:
„ქალაქ ბორჯომში მნიშვნელოვანი და საინტერესო გახსნის შემდეგ, ჩვენი ფესტივალი 23 და 25 აგვისტოს ბათუმში ილია ჭავჭავაძის სახელობის დრამატულ თეატრში გადაინაცვლებს.
ერთი თვის განმავლობაში სამ ქალაქში ვმართავთ 7 კონცერტს. წლევანდელ ფესტივალში მონაწილეობენ საერთაშორისოდ აღიარებული შემსრულებლები და ახალგაზრდა წარმატებული მუსიკოსები: მარიო სტეფანო პიეტროდარკი – ბანდონეონი, იტალია; ელვინ-ხოჯა განიევი – ვიოლინო, აზერბაიჯანი/თურქეთი; ბეატრიჩე ვენეცი – დირიჟორი, იტალია; სანდრო ნებიერიძე – ფორტეპიანო, საქართველო; ანდრეს გაბეტა – ვიოლინო, საფრანგეთი; მორის შტიგერი – ბლოკ ფლეიტა, შვეიცარია; გიორგი შავერზაშვილი – ფორტეპიანო, საქართველო; გიორგი ხაინდრავა – ვიოლინო, საქართველო; ლიზი რამიშვილი – ჩელო, საქართველო; მარიამ როინიშვილი – სოპრანო, საქართველო; გიორგი ოიკაშვილი – კლარნეტი, საქართველო; ეროვნული სიმფონიური ორკესტრი. დასკვნითი კონცერტები კი 15, 17, 18 და 20 სექტემბერს თბილისის სახელმწიფო კონსერვატორიაში ჩატარდება. ერთი თვის განმავლობაში შესთავაზებს მსმენელს შვიდ კონცერტს, ქართველი მხატვრების გამოფენებს, დარგობრივ მასტერკლასებსა და ვორქშოპებს მოსწავლე ახალგაზრდებისა და შშმ/სსსმ პირებისთვის.”
მარიო სტეფანო პიეტროდარკი:
„პირველად ვარ ბორჯომში და აღფრთოვანებული ვარ ამ არაჩვეულებრივი ქალაქითა და მისი საოცარი მსმენელით. საერთოდ, ქართველი მსმენელი განსაკუთრებულია. მიყვარს ეს ფესტივალი და მისი აუდიტორია. მინდა ყველა ბათუმის კონცერტზე მივიწვიო.“
ელვინ ხოჯა განიევი:
„ღამის სერენადების“ მონაწილე პირველად ვარ. ჩემს ოჯახსა და ქალბატონ ლიანა ისაკაძეს დიდი ხნის ისტორია აკავშირებთ, ამიტომ მისი სახელობის ფესტივალში მონაწილეობა ჩემთვის განსაკუთრებული პატივია. ყველა კონცერტი ეძღვნება მის ხსოვნას. მადლობა ორგანიზატორებს, რომ მომცეს საშუალება ამ ფესტივალში მიმეღო მონაწილეობა. ბორჯომის შემდეგ, ბათუმში დავუკრავ და ყველას დიდი სიამოვნებით ვეპატიჟები.“
საერთაშორისო ფესტივალი „ღამის სერენადები“, რომელიც მსოფლიოში სახელგანთქმულმა მევიოლინემ და დირიჟორმა ლიანა ისაკაძემ 1982 წელს დააარსა საქართველოს უმშვენიერეს მხარეში – აფხაზეთში, ჩვენი ქვეყნის ყველაზე ხანგრძლივი ისტორიის მქონე ტრადიციული ფესტივალია. 1991 წელს განვითარებული მოვლენების გამო ფესტივალმა დროებით არსებობა შეწყვიტა და 2002 წელს, აღდგა „ხელოვნების ზეიმის“ სახელით ქალაქ ბორჯომში, ხოლო 2009 წლიდან დაუბრუნდა შავიზღვისპირეთს, გადაინაცვლა ულამაზეს ქალაქ ბათუმში ისევ „ღამის სერენადების“ სახელით. 2023 წლიდან საფესტივალო ქალაქებს დაემატა ბორჯომი. წელს ფესტივალი აღდგენიდან მეთექვსმეტედ ჩატარდება და მას ლიანა ისაკაძის სახელი მიენიჭა.
ფესტივალის ორგანიზატორია კომპანია არტ ალიანსი, ფესტივალის დირექტორი – ნინა ცაგარელი, 2018 წლიდან ფესტივალის სამხატვრო ხელმძღვანელია გიორგი ისაკაძე – მუსიკოსი და პედაგოგი, ინგოლშტადტში მუსიკისა და ცეკვის აკადემიის და სკოლის დამფუძნებელი და დირექტორი, ლიანა ისაკაძის ძმისშვილი.
ფესტივალის მხარდამჭერები არიან: საქართველოს კულტურის და სპორტის სამინისტრო, აჭარის განათლების, კულტურისა და სპორტის სამინისტრო, ქალაქ თბილისის მერია, ქალაქ ბათუმის მერია, ქალაქ ბორჯომის მერია, იტალიის საელჩო საქართველოში, ბრაზილიის საელჩო საქართველოში, ჩეხეთის საელჩო საქართველოში. მასპინძელი სასტუმრო: ჰილტონ გარდენ ინნ თბილისი.
ფესტივალის პარტნიორი: ეროვნული სიმფონიური ორკესტრი, სასტუმრო ბორჯომი ლიკანი.
ფესტივალის მხარდამჭერი კომპანიები: “ჯიპისი აფთიაქი”, მცენარეული კოსმეტიკის ფუძემდებელი საფრანგეთიდან „ივ როშე“, პრემიუმ კოსმეტიკის ვეგანური, ქართული ბრენდი “პიელ ნატურალსი”. ძმები ხუციშვილების „ღვინის მარანი“, ღვინის კომპანია „GEORGIAN LEGEND”
ფესტივალის საინფორმაციო მხარდამჭერები: აჭარის საზოგადოებრივი მაუწყებელი, საქართველოს პირველი არხი, ტელეკომპანია „რუსთავი2“, ტელეკომპანია „იმედი“, „პოს ტვ“, „ევრონიუს ჯორჯია“, მედიაჰოლდინგი „ჯორჯიან ტაიმსი“, საპატრიარქოს ტელევიზია „ერთსულოვნება“, მედია და ციფრული კომუნიკაციების სააგენტო“კლიპ არტი“, “პალიტრა ჰოლდინგი”, საინფორმაციო სააგენტო „პრაიმ ტაიმი“, ინგლისურენოვანი გაზეთი „Today“, ინგლისურენოვანი ყოველდღიური გაზეთი “Messenger”, ჟურნალი „სარკე“, გაზეთი „აჭარა“, ონლაინ მედია “აჭარა თაიმსი”, რადიო „ფორტუნა“ და ვებ პლატფორმა „ფორტუნა.ჯი“.
ბილეთები შეიძინეთ tkt.ge-ზე.
R
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ემუქრება თუ არა საფრთხე ევროკავშირთან უვიზო მიმოსვლის შეჩერებას ?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
