მნიშვნელოვანი ინფორმაცია
22
მარტიდღის ზოგადი ასტროლოგიური პროგნოზი
შაბათი, მთვარის ოცდამესამე დღე დაიწყება 04:51-ზე, მთვარე მშვილდოსანშია
კარგი დღეა ძველი საქმეების დასასრულებლად. ახლებს ნუ წამოიწყებთ. ნუ განახორციელებთ სერიოზულ ფინანსურ ოპერაციებს. სწავლისთვის ნეიტრალური დღეა, მაგრამ გამოცდა სხვა დროისთვის გადადეთ. უმჯობესია ეს დღე განმარტოებით, ბუნებაში გაატაროთ. მაქსიმალურად შეამცირეთ კონტაქტები, გულითადი საუბრები. მოერიდეთ ხელმძღვანელობასთან კონფლიქტს. სამსახურის, საქმიანობის შეცვლას. გათავისუფლდით უსარგებლო ნივთებისგან. არასასურველი დღეა ქორწინებისა და ნიშნობისთვის. მოერიდეთ ხორციან კერძებს. გაუფრთხილდით ღვიძლს. მოერიდეთ ღვიძლისა და ნაღვლის ბუშტის ოპერაციას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ცნობილია მეთიუ პერის გარდაცვალების შოკისმომგვრელი დეტალები: უახლოესი გარემოცვის 5 წევრს ბრალი წარედგინა - "მათ მოისურვეს გამდიდრება და..."
12:26 / 16-08-2024
პოლიციის განცხადებით, ჰოლივუდის მსახიობის, მეთიუ პერის გარდაცვალებასთან დაკავშირებით ხუთ ადამიანს წარედგინა ბრალი. მათ შორის არიან ორი ექიმი და მსახიობის პირადი ასისტენტი.
გამოძიებამ, რომელიც მაისში დაიწყო, აღმოაჩინა ნარკოტიკების მომწოდებლების "ფართო მიწისქვეშა კრიმინალური ქსელი", რომლებიც ავრცელებდნენ დიდი რაოდენობით კეტამინს.
54 წლის პერი შარშან, ოქტომბერში ლოს-ანჯელესის საკუთარ სახლში გარდაცვლილი იპოვეს. ექსპერტიზამ მის სისხლში კეტამინის მაღალი კონცენტრაცია დაადგინა და დაასკვნა, რომ იგი ნივთიერების "მწვავე ეფექტმა" მოკლა.
“ბრალდებულებმა ისარგებლეს მისტერ პერის დამოკიდებულებით და მოისურვეს გამდიდრება. მათ იცოდნენ, რასაც აკეთებდნენ. ამ დოზით კეტამინის მიწოდება დიდ საფრთხეს უქმნიდა მისტერ პერის, მაგრამ მაინც გააკეთეს", - განაცხადა ადვოკატმა მარტინ ესტრადამ.
- სამმა ბრალდებულმა - მათ შორის პერის პირადმა თანაშემწემ უკვე აღიარა დანაშაული. ხოლო ორი სხვა - ექიმი და ქალი, რომელიც ცნობილია როგორც "კეტამინის დედოფალი", ხუთშაბათს დააკავეს.
ძლიერი საანესთეზიო საშუალება - კეტამინი გამოიყენება დეპრესიის, შფოთვისა და ტკივილის სამკურნალოდ. პერის ახლობლებმა ჯერ კიდევ გამოძიების დაწყების დროს განუცხადეს ადვოკატებს, რომ ის კეტამინის ინფუზიურ თერაპიას გადიოდა.
თერაპიის მისი ბოლო სესია მის გარდაცვალებამდე ერთი კვირით ადრე შედგა. სამედიცინო ექსპერტიზის ცნობით, კეტამინის დონე მის სხეულში ისეთივე მაღალი იყო, როგორც ზოგადი ანესთეზიის დროს მიცემული რაოდენობა.
ფედერალურ სასამართლოში წარდგენილ საბრალდებო დასკვნაში დეტალურადაა აღწერილი ნარკოტიკების შეძენის სქემა, რომელიც პროკურორების თქმით, საბოლოოდ პერის გარდაცვალებამდე მიგვიყვანს.
პროკურორების თქმით, მსახიობის სიკვდილამდე რამდენიმე კვირით ადრე, პერის თანაშემწემ, კენეტ ივამასამ 50,000 დოლარზე მეტის ღირებულების გარიგება აწარმოა ორ ექიმთან, რათა მსახიობისთვის კეტამინი შეეძინა
პოლიციის თქმით, ისინი, ვინც ჩართული იყო სქემაში, ცდილობდნენ სარგებლის მიღებას და ბოროტად სარგებლობდნენ პერის მდგომარეობით. ერთ-ერთმა ბრალდებულმა ექიმმა, სალვადორ პლასენსიამ, სავარაუდოდ, ტექსტურ შეტყობინებაში დაწერა: "მაინტერესებს რამდენს გადაიხდის ეს დებილი".
- “42 წლის ბ-ნმა პლასენსიამ პერის კეტამინი "პროფესიული პრაქტიკის ჩვეული კურსის მიღმა და ლეგიტიმური სამედიცინო მიზნის გარეშე" მიაწოდა. სავარაუდოდ, მანვე ასწავლა ივამასას, როგორ მიეღო პერის კეტამინი სათანადო უსაფრთხოების პროცედურებისა და მეთვალყურეობის გარეშე“, - ნათქვამია საბრალდებო დასკვნაში.
პროკურორების მტკიცებით, გარდაცვალებამდე ოთხი დღით ადრე, ივამასამ პერის მინიმუმ 27 ცალი კეტამინი მისცა.
სკანდალური დეტალები
პროკურორების მტკიცებით, მეთიუ პერის გარდაცვალებამდე 16 დღით ადრე, ექიმმა მას კეტამინის იმდენად დიდი დოზა მისცა, რომ მსახიობს კრუნჩხვები განუვითარდა.
ასევე, მიუხედავად იმისა, რომ უმძიმეს მდგომარეობაში იყო, სახლში დარჩენილ პერის და მის თანაშემწეს წამლის რამდენიმე ფლაკონი მაინც დაუტოვა.
საქმეში ბრალდებულები არიან ეგრეთ წოდებული "კეტამინის დედოფალი"- ჯასვენ სანგა, რომელმაც პლასენციას ორი სხვა თანაბრალდებულის, ერიკ ფლემინგისა და ექიმი მარკ ჩავესის დახმარებით წამალი მიაწოდა. ცნობილი ხდება, რომ სულ რაღაც ხუთ დღეში, პერის 27 ფლაკონი კეტამინი გაუკეთეს.
სან დიეგოს ექიმმა 54 წლის მარკ ჩავესმა აღიარა, რომ თავისი კლინიკიდან მარაგები ყალბი რეცეპტების შევსებით გაიტანა.
ექსპერტიზა აცხადებს, რომ პირადი ასისტენტი პერის ინექციას დღეში ექვსჯერ უკეთებდა. მას შემდეგ კი, რაც 28 ოქტომბერს აბაზანაში გარდაცვლილი იპოვა, სქემაში ჩართულებს უბრძანა, “ყველა შეტყობინება წაეშალათ“.
აგენტებმა აღმოაჩინეს "არალეგალური ნარკოტიკების მნიშვნელოვანი რაოდენობა, მათ შორის დაახლოებით 1,978 გრამი ნარინჯისფერი აბი, რომელიც მეტამფეტამინი აღმოჩნდა, 79 ბოთლი კეტამინი და სხვა საეჭვო ნარკოტიკები".
თითოეულ ბრალდებულს ერთ ეპიზოდზე მინიმუმ 10 წლიანი პატიმრობა ემუქრება.
იხილეთ ასევე:
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს ფარულ ჩანაწერებს აქვეყნებს - დაკავებულია 3 პირი: კადრებში ჩანს, როგორ ყიდიან ნარკოტიკს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
