პოლარული დათვების თავდასხმა კანადაში - გარდაცვლილია ერთი ადამიანი
კანადაში, ჩრდილოეთ ნუნავუტის ტერიტორიაზე, არქტიკული რადარის სადგურზე ორი პოლარული დათვი მუშას დაესხა თავს, რაც ფატალურად დასრულდა...
გარდაცვლილი, რომლის სახელიც არ დასახელებულა, Nasittuq Corporation-ისთვის მუშაობდა - ეს ლოჯისტიკური კომპანიაა, რომელიც კანადის მთავრობის სახელით რადარის თავდაცვის ობიექტებს მართავს.
კომპანიის განცხადებით, ადგილზე მყოფმა სხვა თანამშრომლებმა რეაგირება მოახდინეს და ერთ-ერთი დათვი მოკლეს.
"ჩვენ მჭიდროდ ვთანამშრომლობთ ადგილობრივ ხელისუფლებასთან და მარეგულირებელ სააგენტოებთან, რათა ამ ინციდენტის გარემოებებთან დაკავშირებით საფუძვლიანი გამოძიება ჩავატაროთ", - განაცხადა კომპანიამ, - ჩვენი თანამშრომლების უსაფრთხოება და კეთილდღეობა ჩვენი უმაღლესი პრიორიტეტია და ვალდებულნი ვართ, უსაფრთხო სამუშაო გარემო უზრუნველვყოთ".
ადამიანებზე პოლარული დათვების თავდასხმები უკიდურესად იშვიათია, მაგრამ 2023 წლის შემდეგ ეს კანადაში, სულ მცირე, მეორე დაფიქსირებული ფატალური შემთხვევაა.
გასულ წელს, ალასკის სოფელში პოლარულმა დათვმა ქალისა და მისი 1 წლის ვაჟის სიცოცხლე იმსხვერპლა.
კანადის მთავრობის თანახმად, ქვეყანაში დაახლოებით 17 000 პოლარული დათვი ცხოვრობს, რაც ამ სახეობის გლობალური პოპულაციის დაახლოებით ორ მესამედს შეადგენს.
სახეობა ბოლოხანს მცირდება, რასაც მეცნიერები გლობალური დათბობით გამოწვეულ ზღვის ყინულის კარგვას მიაწერენ, რაც დათვებისთვის სანადირო და გამრავლების ადგილების შემცირებასთანაა კავშირში.