23
აპრილიდღის ზოგადი ასტროლოგიური პროგნოზი
ტრაგედია დატრიალდა სვანეთში, სადაც მწვერვალ შხელდაზე ექსპედიციისას ცნობილი, ქართველი ალპინისტი, 34 წლის არჩილ ბადრიაშვილი გარდაიცვალა.
არჩილს ექსპედიციაში სამი ადგილობრივი მოყვარული ალპინისტი ჰყავდა წაყვანილი.
- გავრცელებული ინფორმაციით, 10 აგვისტოს საღამოს ამინდი მოულოდნელად გაუარესდა. მწვერვალიდან დაშვების პროცესში მეხი ახალგაზრდა სპორტსმენთან ახლოს დაეცა და არჩილი კლდიდან გადააგდო. გადარჩენილმა სამმა ახალგაზრდამ რუსული სიგნალის დაჭერა შეძლო და მომხდარი იქაურმა მხარემ შეატყობინა საქართველოს შინაგან საქმეთა სამინისტროს.
მაშველებმა სამი ალპინისტის გადარჩენა შეძლეს, ხოლო ვერტმფრენმა არჩილ ბადრიაშვილის ცხედარს გუშინ, 11 აგვისტოს საღამოს მიაგნო, თუმცა რთული რელიეფიდან გამომდინარე, გარდაცვლილი სპორტსმენის ამოყვანა ჯერ ისევ ვერ ხერხდება.
სვანეთიდან გარდაცვლილი ალპინისტის ცხედარი ცოტა ხნის წინ გადმოასვენეს. სოციალურ ქსელში ვრცელდება უმძიმესი ვიდეოკადრები, სადაც სვანური დატირებაა ასახული.
- "ასე ღირსეულად გამოაცილა სვანეთმა არჩილი.. სვანური ზარი... სვანური დატირება... დედას შვილი გამოატანეს ბიჭებმა" - წერს ვიდეოს ავტორი.
არჩილ ბადრიშვილმა 2022 წელს ალპინიზმის უმაღლესი ჯილდო, "ოქროს ძალაყინი" ორ ქართველთან, გიორგი ტეფნაძესა და ბაქარ გელაშვილთან ერთად პაკისტანის იქამდე დაუპყრობელ მწვერვალ სარაგარზე (ზღვის დონიდან 7223 მეტრი) ასვლის გამო მიიღო. არჩილი ამ პრესტიჟულ პრიზზე კიდევ სამჯერ იყო წარდგენილი. გასულ თვეში ბადრიაშვილმა კიდევ ერთი აუსვლელი მწვერვალი - ინდოეთში მდებარე ნანდა შორი დაიპყრო.
- ambebi.ge ძალიან წუხს მომხდარის გამო და უსამძიმრებს გარდაცვლილის ოჯახსა და მეგობრებს
წაიკითხეთ ასევე:
