რას ნიშნავდა გენო პეტრიაშვილის ჟესტი, რომელმაც გულშემატკივრებში სხვადასხვა ემოცია გამოიწვია?
თავისუფალი სტილით მოჭიდავე ქართველი გენო პეტრიაშვილი (125 კგ) პარიზის 2024 წლის ოლიმპიადის ჩემპიონი გახდა. ფინალში პეტრიაშვილმა ირანელ ამირ ჰოსეინ ზარეს დრამატულ ბრძოლაში 10:9 მოუგო, ბრძოლის დასრულების შემდეგ კი გენომ მეტოქეს "გვირგვინის" ჟესტი უჩვენა.
საქმე იმაში გახლავთ, რომ 2023 წელს ზარემ გენო მსოფლიო ჩემპიონატის ფინალში დაამარცხა და ქართველს გვირგვინის ჟესტი უჩვენა. ჩვენდა საბედნიეროდ, ოლიმპიადის ფინალში გამარჯვება გენოს დარჩა... (Sportall.ge)
- შეგახსენებთ, გენო პეტრიაშვილს უკვე ჰქონდა ოლიმპიური ვერცხლის (2020 წლის ტოკიოს ოლიმპიური თამაშები) და ბრინჯაოს (2016 წლის რიო-დე-ჟანეიროს ოლიმპიური თამაშები) მედლები, ახლა კი ოქროს მფლობელიც არის.
ემოციური იყო კომენტარი, რომელიც გენომ გამარჯვების შემდეგ გააკეთა. მან "პირველ არხს" უთხრა, რომ ჯერ "სიზმარში ჰგონია თავი". ოლიმპიურმა ჩემპიონმა მადლობა გადაუხადა გულშემატკივარს.
"მამაჩემი ნეტა რას შვრება? ცოცხალია? არ გამეღვიძოს, თორემ დამერხევა. ემოციებს ვერ გეტყვი, მძინავს და მგონია სიზმარში ვარ, მადლობა გულშემატკივარს. ერთი მინდა ვთქვა, რომ უფალს მადლობა, რომ დავბრუნდი და თან მაგრად დავბრუნდი" - თქვა გენომ.
წაიკითხეთ ასევე: