გათავისუფლდი მუცლის სპაზმისგან
მუცლის ტკივილი, წელიწადის ნებისმიერ დროს, არცთუ იშვიათად გვახსენებს თავს. ეს დისკომფორტია მუცლის არეში, რომელიც ადამიანების შრომისუნარიანობაზე, ცხოვრების წესსა და განწყობაზე დიდ გავლენას ახდენს. მუცლის ტკივილს თან სდევს სტრესი, ნერვიულობა, მოუსვენრობა და სხვა.
მუცლის ტკივილი ხასიათის, სიმწვავის და ლოკალიზაციის მიხედვით განსხვავდება. ხშირად გენერალიზებული, არამწვავე ხასიათის მუცლის ტკივილი გვხვდება, როცა პაციენტი ტკივილის წერტილის ზუსტ იდენტიფიცირებას ვერ ახდენს, რადგან ის მუცლის დიდ ნაწილს მოიცავს. მუცლის ასეთი გენერალიზებული ტკივილის ყველაზე ხშირი მიზეზი: საკვების ჭარბი მიღება, შებერილობა, კუჭ-ნაწლავის ფუნქციური დარღვევები, ნაწლავის ანთებითი დაავადება, ყაბზობა და სხვა გახლავთ.
ლოკალური ტკივილის დროს, პაციენტი ზუსტად ახდენს ტკივილის ლოკალიზაციის იდენტიფიცირებას და ის როგორც წესი, უეცრად განვითარებული, მწვავე ტკივილია და შესაძლოა, სანაღვლე და შარდ-სასქესო გზების სპაზმურ მდგომარეობებს, კუჭისა და თორმეტგოჯა ნაწლავის წყლულოვან დაავადებას უკავშირდებოდეს. ქალებში მუცლის ტკივილი ხშირად მენსტრუალურ ციკლთანაა დაკავშირებული და ასეთ მდგომარეობას ალგოდისმენორეა, ანუ მტკივნეული მენსტრუაცია ჰქვია.
ყველა ზემოთ ჩამოთვლილ შემთხვევაში მუცლის ტკივილი სპაზმური გენეზისაა და ის მუცლისა და მენჯის ღრუს ორგანოების გლუვი მუსკულატურის სპაზმურ შეკუმშვებს უკავშირდება. ამიტომ, მუცლის ტკივილის შესამსუბუქებლად სპაზმოლიზური საშუალებების გამოყენება უფრო ეფექტურია, ვიდრე სტანდარტული ტკივილგამაყუჩებლების. იმისთვის, რომ დისკომფორტმა არ შეგვაწუხოს და მუცლის ტკივილთან გამკლავება მარტივად შევძლოთ, GM PHARMA სპაზმოლიზურ საშუალებას ანასპანს (ჰიოსცინის ბუთილბრომიდი) გთავაზობთ.
ანასპანი – ახალი თაობის, სელექციური მოქმედების სპაზმოლიზური საშუალებაა, რომელიც მიზანმიმართულად მოქმედებს მხოლოდ სპაზმურად შეკუმშულ გლუვ მუსკულატურაზე და ამცირებს სპაზმით გამოწვეულ მუცლის ტკივილსა და დისკომფორტს, აუმჯობესებს მუცლის ტკივილით, მათ შორის ქალებში მენსტრუალური ტკივილით, დაქვეითებულ ცხოვრების ხარისხს და შესაბამისად ზრდის შრომისუნარიანობას.
ანასპანი მოქმედებს სპაზმის განვითარების ადრეულ ეტაპზე და შესაბამისად, აქვს სწრაფი კლინიკური ეფექტი – ანასპანის სპაზმოლიზური მოქმედება იწყება მიღებიდან 15 წუთში.
ანასპანის მიღების წესი და დოზირება:
მოზრდილები – 1-2 ტაბლეტი 4-ჯერ დღეში;
ბავშვები 6 წლის ასაკის ზევით – 1 ტაბლეტი 3-ჯერ დღეში.
მკურნალობის ხანგრძლივობა ინდივიდუალურია. ანასპანი შესაძლოა გამოყენებულ იქნას ხანმოკლე კურსით, როგორც სიმპტომური, სპაზმის მომხსნელი საშუალება; ხოლო კუჭ-ნაწლავის ტრაქტის ქრონიკული დაავადებების კომპლექსურ თერაპიაში შესაძლებელია მისი ხანგრძლივი გამოყენებაც.
ახალი თაობის სპაზმოლიზური საშუალება ანასპანი გაიცემა ურეცეპტოდ. გამოყენებისას გაეცანით ინსტრუქციას, გვერდითი მოვლენების შესახებ დეტალური ინფორმაციის მისაღებად მიმართეთ ექიმს.
ქართველი მომხმარებელი უკვე თითქმის 25 წელია კარგად იცნობს პირველ საერთაშორისო, მულტინაციონალურ ფარმაცევტულ კომპანიას საქართველოდან – GM PHARMA-ს, რომლის მედიკამენტები და ბიოლოგიურად აქტიური საკვები დანამატები (ბად) იწარმოება დასავლეთ ევროპის ქვეყნებისა (გერმანია, ესპანეთი, იტალია, პორტუგალია, საბერძნეთი, შვედეთი, შვეიცარია) და საქართველოს GMP-სერტიფიცირებულ საწარმოებში.
GM PHARMA-ს მედიკამენტებს და საკვებ დანამატებს საქართველოსა და კომპანიის საერთაშორისო ბაზრებზე (საექსპორტო ქვეყნებში) დაახლოებით 12 მილიონი პაციენტი ყოველწლიურად მოიხმარს, რაც მომხმარებლებისა და ჯანდაცვის სპეციალისტების მხრიდან კომპანიის აღიარებაზე მეტყველებს.
R