მედია ისევ ტომ კრუზისა და რუსი პოლიტიკოსის ქალიშვილის დაშორებაზე წერს - მათი ცნობით, ტომი ელსინაზე დაქორწინებას ჩქარობდა, თუმცა...
In Touch Weekly ტომ კრუზზე წერს, რომ 62 წლის ჰოლივუდის ვარსკვლავი რუსი პოლიტიკოსის ქალიშვილზე დაქორწინებას ჩქარობდა, რადგან დიდ ბრიტანეთში ფეხის მოკიდებას საერთო შვილების საშუალებით აპირებდა.
36 წლის ელსინას ტომი მიმდინარე წლის თებერვლამდე ხვდებოდა, ქალმა მას პირველ ქორწინებაში შეძენილი შვილები გააცნო, თუმცა მალე ცნობილი გახდა, რომ წყვილი დაშორდა.
"დიდ ბრიტანეთში ბავშვის გაჩენა იდეალური გზა იქნებოდა ტომისთვის ქვეყანაში ფეხის მოსაკიდებლად. ეს არის ერთ-ერთი მიზეზი, რის გამოც იგი ასე ჩქარობდა ელსინას ცოლად მოყვანას. მას ასევე უნდოდა, რომ მალევე შესძენოდათ შვილები", - ამტკიცებს წყარო მედიასთან.
მისივე მტკიცებით, ისინი სკანდალების გარეშე დაშორდნენ. "მათ შორის არანაირი მტრობა არ არსებობს. მათ უბრალოდ განსხვავებული წარმოდგენები ჰქონდათ იმაზე, თუ როგორი იქნებოდა მათი ურთიერთობა".
ელსინასთან წარუმატებლობის მიუხედავად, ტომ კრუზი მაინც ეძებს ქალს, ვისთან ერთადაც ოჯახის შექმნას შეძლებს. "სამწუხაროა, რომ მას არ გამოუვიდა, მაგრამ ეს მაინც კრუზის გეგმის ნაწილია, მას კიდევ ერთი შვილი უნდა და ელოდება, ვიდრე შესაფერის ქალს შეხვდება."
შეგახსენებთ, რომ ტომ კრუზს მსახიობ ქეთი ჰოლმსისგან ქალიშვილი სური ჰყავს. გოგონა მამასთან წლებია არ ურთიერთობს.
"ინსაიდერი" აღნიშნავს, რომ კრუზს შვილების გაჩენა სურს დიდ ბრიტანეთში. როგორც ჩანს, სწორედ ამიტომ თქვა მსახიობმა, რომ არ აინტერესებს ირინა შეიკთან ურთიერთობა, რომელმაც ის თავის "პოტენციურ საყვარლების სიაში“ დაამატა.
წაიკითხეთ ასევე: