23
აპრილიდღის ზოგადი ასტროლოგიური პროგნოზი
ლექტორი როსტომ ცხვედიანი ბიძინა ივანიშვილის მეუღლეს, ეკა ხვედელიძეს მიმართავს და სთხოვს, რომ საზოგადოების შესარიგებლად თავისი როლი შეასრულოს.
"მინდა მივმართო ეკა ხვედელიძეს, შვილო, ეკა, მე მაქვს უფლება ასე მოგმართო, მოგმართავ ასე იმიტომ რომ ხელში აყვანილი მყავხარ ნატარები ბავშვობაში, შენც და ირმაც, შენი უფროსი და. გაიხსენე კრილოვის ხუთ ნომერში, როცა მამაშენი, სულკურთხეული ფედია 40 წლის გახდა, ქალბატონ ლუდას გაწყობილ სუფრასთან ოთხი კაცი ვისხედით, თამადა მე ვიყავი, იმ ოთხიდან მარტო მე ვარ ცოცხალი.შვილო.
ეკა, გადი და იკითხე, მამაშენის ნამდვილი სახელი რამდენმა კაცმა იცის საქართველოში, ერთ-ერთი მე ვარ, მე შენი სიყვარული მალაპარაკებს, არ მაქვს უფლება, რომ არ მიყვარდე. იმიტომ რომ ფედია ხვედელიძის მანქანის ნომერი მახსოვს ეკა, შვილო, ასეთი ახლობელი ვარ შენი შვილო, დღეს საისტორიო ფორტუნამ მოგცა საშუალება რომ საქართველოს ისტორიაში დაიმკვიდრო ისეთი ადგილი როგორიც ბევრმა ქართველმა ქალმა დაიმკვიდრა.
გაიხსენე კრავაი ჯაყელი, ხვაშაქ ცოქალი. მე მჯერა, რომ შენს ოჯახში ხმა გაქვს და სიტყვა გეთქმის. ვინაიდან ერთხელ მოვისმინე, შენმა მეუღლემ, წიგნი რომ მიართვეს, თქვა, ამას ეკა წაიკითხავს და მერე მეტყვისო. ჩააგდე მანდილი დაპირისპირებულ მხარეებს შორის. დღეს საქართველოს ეს სჭირდება ყველაზე მეტად.
ხომ ხედავ, შვილო, ეკა, რომ არავითარ მწვავე განცხადებას არ ვაკეთებ, თხოვნა მაქვს, და თუ შენ, შენ ოჯახში სიტყვა არ გეთქმის და ამ სიტუაციის განტვირთვისთვის ვერაფერს აკეთებ, მაშინ შუშანიკი გაიხსნე, დღეს საქართველოში სხვა გზა არ გვაქვს, უნდა გადავრჩეთ, გადარჩენისთვის შერიგებაა საჭირო, უნდა დათმონ, საქართველო რუსეთისკენ არ წავა.
გთხოვ, ეკა, შვილო, მუხლზე დაჩოქილი გემუდარები, გააკეთე ის, რაც ქართველ ქალს, რაც ქალბატონ ლუდას და ფედიას შვილს ეკუთვნის", - ამბობს როსტომ ცხვედიანი.
