!["როცა ადამიანს შეუძლია, პატიმარ ქალს [მზია ამაღლობელს] ცილისწამებით შეეხოს, არაკაცობაა" - ანდრო ჭიჭინაძე ირაკლი კობახიძეზე](https://cdn.ambebi.ge/media/__thumbs__/images/2025/04-24/chichinadze10-51179.webp)
25
აპრილიდღის ზოგადი ასტროლოგიური პროგნოზი
თბილისში წუხელ განვითარებულ მოვლენებს არაერთი უცხოური გამოცემა აშუქებს, მათ შორის BBC, The Guardian, Politico, New York Times, Al Jazeera, Associated Press, Euronews და Reuters.
Guardian-ი ასე აღწერს გუშინდელ აქციას: "ნიღბიანი სპეცრაზმი მშვიდობიანი აქციის წევრებს ძალადობრივად დაესხა თავს, სცემეს და დააკავეს უამრავი ადამიანი. ისინი ფიზიკურად გაუსწორდნენ რამდენიმე ჟურნალისტს, მათ შორის AFP-ის ფოტოგრაფს, რომელიც რეზინის ხელკეტით სცემეს, იმის მიუხედავად, რომ აშკარად იდენტიფიცირებული იყო, როგორც პრესის წევრი."
საპროტესტო აქციის შესახებ წერს BBC-ც: "საქართველოში სპეცრაზმმა მომიტინგეების დასაშლელად ცრემლსადენი გაზი და წყლის ჭავლი გამოიყენა... თბილისში, პარლამენტის წინ მყოფმა აქციის მონაწილეებმა პოლიციას კვერცხები და ბოთლები დაუშინეს. შეტაკებები რუსთაველის მთავარ გამზირზე გვიანობამდე გაგრძელდა. გავრცელებული ინფორმაციით, რამდენიმე ადამიანი დაშავდა, ზოგი კი დააკავეს.
ე.წ. რუსული კანონის მიღების შემთხვევაში, საქართველოს იუსტიციის სამინისტროს მონიტორინგის ქვეშ ეყოლება "უცხო ძალის ინტერესების მატარებელი ორგანიზაციები" და შესაძლოა, ისინი იძულებულები გახადონ, სენსიტიური ინფორმაცია გააზიარონ. იმ შემთხვევაში, თუ წინააღმდეგობას გაუწევენ, მათ სოლიდური (25 000 ლარამდე) ჯარიმა დაემუქრებათ", - წერს გამოცემა.
BBC-ის სამხრეთ კავკასიის კორესპონდენტი, რაიჰან დემიტრი ამბობს, რომ კანონი საქართველოს კიდევ უფრო დააშორებს ევროკავშირს. მას აშშ-ს ეროვნულ-დემოკრატიული ინსტიტუტის გამოკითხვის შედეგები მოჰყავს იმის დასამტკიცებლად, რომ ევროკავშირში გაწევრიანებას ქართველების თითქმის 80% უჭერს მხარს.
"საქართველოს მთავრობა არაერთმა ევროპელმა ლიდერმა გააფრთხილა, რომ შემოთავაზებული კანონპროექტი ევროპულ ნორმებსა და ღირებულებებთან შეუთავსებელია, მაგრამ საქართველოს პრემიერ-მინისტრის, ირაკლი კობახიძის მთავრობა მტკიცედ დგას. კობახიძემ არასამთავრობო ორგანიზაციები საქართველოში რევოლუციების ორჯერ მოწყობის მცდელობაში, "გეი პროპაგანდის" ხელშეწყობაში და საქართველოს მართლმადიდებელ ეკლესიაზე თავდასხმაში დაადანაშაულა", - წერს BBC.
საინფორმაციო სააგენტო Reuters კი აღნიშნავს, რომ თვითმხილველებმა დაინახეს, როგორ დაესხა თავს რამდენიმე პოლიციელი მომიტინგეებს და მათ ფიზიკურად გაუსწორდა.
აქციის შესახებ წერს Al Jazeera-ც: "პოლიციამ ცრემლსადენი გაზი და რეზინის ტყვიები გამოიყენა საქართველოში, სადაც ათასობით მომიტინგე უკვე მესამე კვირაა საკამათო "უცხოური გავლენების" კანონს ეწინააღმდეგება.
საქართველოში მიმდინარე მოვლენებს New York Times-იც გამოეხმაურა: "ორშაბათს მთავრობამ თბილისის ცენტრში ათიათასობით მხარდამჭერი შეკრიბა. იშვიათ საჯარო გამოსვლაში ოლიგარქმა ბიძინა ივანიშვილმა, რომელიც ყოფილი პრემიერ-მინისტრი და ქართული ოცნების არაოფიციალური ლიდერია, პროდასავლური ორგანიზაციები საქართველოში სიტუაციის არევაში დაადანაშაულა. მისი თქმით, მათ ქვეყნის რუსეთთან ომში ჩათრევა სურთ."
მაქსიმ კრუპსკი, ამერიკელი ადვოკატი, რომელიც რუსეთში არსებულ უცხოელი აგენტების კანონს სწავლობს, ამბობს, რომ რუსული კანონი და საქართველოში შემოთავაზებული კანონპროექტი მკვეთრად განსხვავდება დასავლეთში მიღებული ზომებისგან. მაგალითად ის მოჰყავს, რომ აშშ-ში მთავრობა ვალდებულია დაამტკიცოს, რომ "აგენტი" უცხო ძალის ან ინდივიდის მითითებით მოქმედებდა: "მხოლოდ უცხოეთიდან თანხების მიღებით ვერ გახდებით აგენტი. თუ თქვენ მთავრობის მიერ უცხოელ აგენტად დარეგისტრირდით, დამოუკიდებელ სასამართლოშიც შეგეძლებათ ბრძოლა",- თქვა მან და დასძინა, რომ რუსეთში ამ კანონის მიღების შემდეგ არც ერთი შემთხვევა არ დაფიქსირებულა, რომ სასამართლოს მთავრობის მიერ დასახელებული ორგანიზაციის აგენტად დარეგისტრირება გაეუქმებინა."
NYT-მა სტატიის დასასრულს პაატა ზაქარეიშვილის ციტატაც მოიყვანა: "ისინი ყველაფერს აკეთებენ იმისთვის, რომ ევროპამ საქართველოზე უარი თქვას".
მოვლენებს Politico-ც გამოეხმაურა: "ქვეყნის პრეზიდენტი შსს-ს მიმართავს, სპეცრაზმი გაიყვანოს და მტკიცედ გმობს ახალგაზრდების წინააღმდეგ მიმართულ შემარცხვენელ ქმედებებს: "აშკარა იყო, რომ დემონსტრაცია მშვიდობიანი იყო, არანაირი საფრთხე არ შექმნილა და საზოგადოებრივი წესრიგი არ ირღვეოდა. სირცხვილია ჩვენი ახალგაზრდების წინააღმდეგ ბრძოლა", - ციტირებს სალომე ზურაბიშვილის სიტყვებს გამოცემა.
წყარო: nytimes
მოამზადა: ანა სიბოშვილმა
New York Times-ის შეფასებამ ხომ საერთოდ დაგლიჯა. ბიჯო, თქვენთან, თქვენს გვერდით პოლიციამ შტურმით აიღო უნივერსიტეტები, ურტყა მომიტინგეებს, ცრემლსადენი გაზი და ყველა საშუალება გამოიყენა, თან ასობით დემონსტრანტი დააპატიმრა და იმის მაგივრად ეგ დარბევა რომ აღწეროთ თბილისში მიმდინარე აქციებზე წერთ. თან ჩვენთან პირიქით, ის ბრბო პოლიციელებს ბოთლებს, ქვებს ესვრიან, პირიქით აქეთ უტევენ და თქვენ კი ყველაფერს თავდაყირა აღწერთ. თქვენთან მომიტინგემ ბოთლი რომ ესროლოს პოლიციას ტყვიას, თან ნამდვილს, მიიღებს შუბლში. ესე იგი თქვენთან ეგ წესრიგის დაცვად ითვლება თურმე ჩვენთან კი პოლიციას უფლება არა აქვს რომ წესრიგი დაიცვას, ხომ? ჰოდა ეგრე თუ გააგრძელეთ მაშინ საერთოდ რაში გვინდიხართ
🤣😂 ნუუ სრული საგიჟეთია რაა, ამერიკის უნივერსიტეტებში მართლაც მშვიდობიანი სტუდენტები დაარბიეს, ეზოებში შეუვარდნენ დაწამლეს და 400 ამდე დააკავეს, თან ტერორისტებს შეადარეს ფაქტობრივად და საქართველოს უუუმცირესობის ნაწილს მშვიდობიან, მოცეკვავე ყვავილებად ასაღებენ, თურმე ლამაზად და კულტურულად იბრძვიან თავისუფლებისთვის😂🤣. ბნელა რა სამყაროში, ადეკვატურად აზროვნება იკრძალება.