მნიშვნელოვანი ინფორმაცია
2
მაისიდღის ზოგადი ასტროლოგიური პროგნოზი
პარასკევი, მთვარის მეექვსე დღე დაიწყება 08:23-ზე, მთვარე კირჩხიბშია
მოაგვარეთ წვრილ-წვრილი საქმეები. სერიოზულები სხვა დროისთვის გადადეთ. კარგი დღეა კოლექტიური მუშაობისთვის, ბიზნესისთვის. მოაგვარეთ ფინანსური საკითხები. თუ არ გეჩქარებათ, უძრავ ქონებასთან დაკავშირებული საკითხები სხვა დღისთვის გადადეთ. ნეიტრალური დღეა ვაჭრობისა და სასამართლო საქმეებისთვის. კარგი დღეა სწავლისა და გამოცდების ჩასაბარებლად; ურთიერთობის გარჩევისათვის; ქორწინების, ნიშნობისთვის. ნეიტრალურია სამსახურის, საქმიანობის, საცხოვრებლის შეცვლა. მოერიდეთ ალკოჰოლს, ქიმიური პრეპარატების მიღებას. ნუ მიირთმევთ მძიმე საკვებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
როგორ აჩუქოთ საუკეთესო წიგნი
16:49 / 22-04-2024
ინფორმაციული ტექნოლოგიების ეპოქაში, როდესაც ჩვენ გარშემორტყმული ვართ ტექსტების სიმრავლით, ფრაზა: „წიგნი საუკეთესო საჩუქარია“ შეიძლება მოძველებულად მოგვეჩვენოს. თუმცა, ამ ბრძნული გამონათქვამის ღირებულება აუცილებლად უნდა დავაფასოთ!
დღეს ჩვენ გვაქვს წვდომა უამრავ წიგნზე ელექტრონული ფორმით. ჩვენ შეგვიძლია მათი წაკითხვა სმარტფონებზე, ტაბლეტებსა და კომპიუტერებზე. მაგრამ როგორც არ უნდა განვითარდეს ტექნოლოგიები, არაფერი შეედრება იმ გრძნობას, რომ ხელში გიჭირავს ნამდვილი ქაღალდის წიგნი და მის სურნელს შეიგრძნობ.
სასიამოვნო შრიალი ფურცლების გადაშლისას, საბეჭდი მელნის სუნი, ბუნებაში კითხვის და ეპიზოდების მონიშვნის შესაძლებლობა - ეს ყველაფერი ქმნის უნიკალურ ატმოსფეროს, რაც კითხვას არა მხოლოდ ინფორმაციის მოხმარებას, არამედ ნამდვილ მოგზაურობას ხდის მწერლის სამყაროში. მაგრამ არ უნდა დაგვავიწყდეს, რომ წიგნებში მთავარია არა მათი რაოდენობა, არამედ ხარისხი. ბევრი წიგნის ნაკრები შეიძლება შთამბეჭდავ საჩუქრად მოგეჩვენოს, მაგრამ თუ ისინი არ ემთხვევა ადამიანის გემოვნებას და ინტერესებს, ნაკლებად სავარაუდოა, რომ ის დააფასებს მათ. გაცილებით მნიშვნელოვანია ისეთი წიგნის არჩევა, რომელიც ნამდვილად მოხიბლავს ადამიანს, დააფიქრებს, ახალ კარს გაუხსნის ჯადოსნურ სამყაროში.
ზოგჯერ ერთი პატარა, მაგრამ ღრმა წიგნი საკმარისია სამყაროსადმი თქვენი შეხედულების შესაცვლელად. აპრილი წიგნის ჩუქების თვეა! აჩუქეთ წიგნი გონივრულად, ჩადეთ თქვენი სული მათში და მაშინ, თქვენი საჩუქარი ნამდვილად ფასდაუდებელი გახდება.
რა აჩუქოთ:
მოქმედება ნიუ-იორკში, 1960 წლის ზამთარში ხდება. ისტორიკოსი რუბენ ბლუმი, კორბინის კოლეჯის ერთადერთი ებრაელი აკადემიკოსი, რომელიც წლებია, ამერიკაში ცხოვრობს ცოლ-შვილთან ერთად, იძულებით, სრულიად წარმოუდგენელი და თითქმის კატასტროფული გარემოებების დამთხვევით, სხვა ებრაელის - ასევე ისტორიკოსის, ბენ-სიონ ნეთანიაჰუს ოჯახის მას პინძლად იქცევა. პოლიტიკა, ისტორია, ეროვნული იდენტობა, მკაცრი აკადემიური გარემოს სატირულობა - ეს ყველაფერი გასდევს ფონად რეალურ ამბავზე დამყარებულ, ბრწყინვალე ოსტატობით აგებულ თავბრუდამხვევ რომანს, რომელიც ძალი ან სასაცილო და მელანქოლიური მომენტების მონაცვლეობით გვიყვება ადამიანებისა და ქვეყნების ურთიერთობის ორაზროვნებაზე.
2. უნდა გიღალატო- რუტა სეპეტისი
1989 წელი. მთელ ევროპაში ერთიმეორის მიყოლებით ემხობა კომუნისტური რეჟიმები, მაგრამ კვლავ მყარად დგას რუმინეთის სისხლიანი დიქტატორის ნიკოლაე ჩაუშესკუს რეჟიმი. ქვეყანაში მკაცრი კონტროლია, საყოველთაო თვალთვალი, ხალხი შიმშილობს. მას თავისუფლება სურს, მაგრამ დიქტატორის სპეცსამსახურის, სეკურიტატეს მარწუხებში მოქცეული ვერაფერს ბედავს - აკრძალულია ყოველივე ადამიანური, სულ მცირე გადაცდომისთვისაც კი ადამიანს ციხეში აგდებენ, აწამებენ, კლავენ. 17 წლის მოსაწვლემ კრისტიან ფლორესკუმ იცის, რომ მისი გაჩანაგებული ქვეყნის საზღვრებს გარეთ თავისუფალი სამყაროა და უნდა გადაწყვიტოს - იყოს სეკურიტატეს იძულებითი ინფორმატორი თუ შეებრძოლოს რეჟიმს.
3. არასოდეს გამიშვა - კაზუო იშიგურო
ანტიუტოპიური რომანი უმანკოების, მოგონებებისა და დანაკარგების შესახებ. ისტორია - სადაც ადამიანად ყოფნის იდეა სამი ბავშვის ცხოვრების მაგალითზეა წარმოდგენილი. რუთი, ქეითი და ტომი ინგლისის განაპირას მდებარე პანსიონის, ჰეილშემის მოსწავლეები არიან. ეს თითქოს გარესამყაროსგან მოწყვეტილი ადგილია, სადაც უცნაური, მისტიკური წესები მოქმედებს; სადაც მათი ცხოვრება დაგეგმილია, ბედი - წინასწარ განსაზღვრული; სადაც მასწავლებლები მუდმივად შთააგონებენ მოსწავლეებს, რომ ისინი განსაკუთრებულნი არიან. რატომ არიან ისინი განსაკუთრებულნი? რა გამოარჩევს "ჰეილშემის შვილებს" სხვებისგან? - ბავშვებისთვის პასუხი უცნობია. ისინი კლონები არიან, სამომავლოდ კი დონორები უნდა გახდნენ. უამრავი ტკივილი, იმედგაცრუება... წლების შემდეგ კი ყველაფერი იცვლება. ქეითი უკვე ახალგაზრდა ქალია, როდესაც რუთი და ტომი კვლავ ჩნდებიან მის ცხოვრებაში. და პირველად, ამდენი წლის შემდეგ, ჩნდება იმედიც. ქეითი იხსენებს მათ საერთო წარსულს. ის ხვდება, თუ რა აქცევს მათ განსაკუთრებულად და რა გავლენა აქვს ბედის ამ "საჩუქარს" მათ მომავალ ცხოვრებაზე.
#გააზიარელიტერატურადასიყვარული
R
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხანგრძლივი ზრდის შემდეგ, თბილისში პარკირების ჯარიმები შემცირდა, თანაც თითქმის 60%-ით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
