"მონა ლიზა" აგრესიული თავდასხმის სამიზნე კვლავ გახდა - აქტივისტმა ქალებმა ნახატს გოგრის წვნიანი შეასხეს: "რა უფრო მნიშვნელოვანია, ხელოვნება თუ ჯანსაღი კვების უფლება?!"
მომიტინგეებმა საფრანგეთში "მონა ლიზას" ნამუშევარს გოგრის წვნიანი შეასხეს და ჯანსაღი კვების უფლებების დაცვა და მდგრადი სასურსათე ლოჯისტიკა მოითხოვეს. ლეონარდო და ვინჩის მე-16 საუკუნის გენიალური ტილო, რომელიც ლუვრის მუზეუმში ინახება, უკვე არაერთხელ გამხდარა აქტივისტების თავდასხმის სამიზნე, თუმცა ძლიერი დაცვის წყალობით ნახატი 1950 წლის შემდეგ აღარ დაზიანებულა.
<iframe width="400" height="500" frameborder="0" src="https://www.bbc.com/news/av-embeds/68121654/vpid/p0h7lwmq"></iframe>- მუზეუმის თანამშრომლები აცხადებენ, რომ "მონა ლიზა" დამცავი შუშის შიგნით იყო მოთავსებული და არ დაზიანებულა.
თვითმხილველების გადაღებულ ვიდეოში ჩანს ორი მომიტინგე ქალი, რომლებიც და ვინჩის ყველაზე ცნობილი ნამუშევრის წინ დგანან და ამბობენ: "რა უფრო მნიშვნელოვანია, ხელოვნება თუ იმის უფლება, რომ ჯანსაღი საკვები გვქონდეს? თქვენი სასოფლო-სამეურნეო სისტემა საძაგლობაა. ჩვენი ფერმერები მუშაობისას იხოცებიან".
მომხდარის შესახებ პასუხისმგებლობა ჯგუფმა სახელად Riposte Alimentaire-მ აიღო. მათ მიერ X-ზე გამოქვეყნებულ პოსტში ნათქვამია, რომ ქვეყანაშ არსებული სასურსათე ლოჯისტიკის ამჟამინდელი მოდელი საერთოდ არ ითვალისწინებს ადამიანის ერთ-ერთ ფუნდამენტურ უფლებას, მივირთვათ ჯანსაღი საკვები. ამ მიზეზით, ჯგუფმა მოითხოვა, რომ მოქალაქეებს ყოველთვიურად 150-ევროიანი სასურსათო ბარათი გადაეცეთ.
- აღსანიშნავია, რომ ბოლო დღეების განმავლობაში პარიზში ფერმერების საპროტესტო აქციები იმართება. ისინი საწვავის გაიაფებას და რეგულაციების გამარტივებას მოითხოვდნენ.
მომხდარს საფრანგეთის კულტურის მინისტრი რაჩიდა დატი გამოეხმაურა. მან განაცხადა, რომ "მონა ლიზას" მიზანში ამოღებას ვერაფერი გაამართლებდა". "როგორც სხვა დანარჩენი მემკვიდრეობა, მონა ლიზაც მომავალი თაობების საკუთრებაა",- დაწერა მან X-ზე.
"მონა ლიზა" დამცავი შუშის მიღმა 1950-იანი წლების დასაწყისიდან მოათავსეს, მას შემდეგ, რაც ის ერთ-ერთმა ვიზიტორმა მჟავის შესხმის შედეგად დააზიანა. 2019 წელს კი მუზეუმმა მის დასაცავად ტყვიაგაუმტარი, უფრო გამჭვირვალე მინა დაამონტაჟა.
წყარო: bbc
მოამზადა: ანა სიბოშვილმა
ასევე იხილეთ: