!["როცა ადამიანს შეუძლია, პატიმარ ქალს [მზია ამაღლობელს] ცილისწამებით შეეხოს, არაკაცობაა" - ანდრო ჭიჭინაძე ირაკლი კობახიძეზე](https://cdn.ambebi.ge/media/__thumbs__/images/2025/04-24/chichinadze10-51179.webp)
მნიშვნელოვანი ინფორმაცია
24
აპრილიდღის ზოგადი ასტროლოგიური პროგნოზი
ხუთშაბათი, მთვარის ოცდამეექვსე დღე დაიწყება 05:06-ზე, მთვარე თევზებშია
საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. თავი შეიკავეთ მოწევისა და ალკოჰოლისგან. გაუფრთხილდით ფეხებს. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"საპენსიო ასაკის პედაგოგები სისტემიდან გავიდნენ, მაგრამ ბევრი მათგანი უკან დაბრუნდა, რადგან სკოლებმა შემცვლელები ვერ იპოვეს" - გია მურღულია
13:12 / 25-01-2024
საპენსიო ასაკს მიღწეული პრაქტიკოსი პედაგოგების ნაწილი, რომელიც, განათლებისა და მეცნიერების მინისტრის გადაწყვეტილებით, სისტემიდან ფულადი კომპენსაციის სანაცვლოდ გავიდა, სკოლებში ისევ დაბრუნდა.
როგორც "ინტერპრესნიუსთან“ ინტერვიუში განათლების, მეცნიერებისა და ახალგაზრდობის მინისტრის კონსულტანტმა ზოგადი განათლების საკითხებში გია მურღულიამ განაცხადა, მიზეზი ის გარემოებაა, რომ სკოლებმა აღნიშნული პედაგოგების შემცვლელები ვერ იპოვეს.
მისივე თქმით, 5-6 წელიწადში, შესაძლოა, მასწავლებლების დეფიციტი შეიქმნას.
"ჩვენი სურვილია, რომ ახალ ხედვებს სკოლაში დახვდნენ ის მასწავლებლები, რომლებიც ამ ახლებური ამოცანების კარგად გადაწყვეტას შეძლებენ, თუმცა ეს მარტივი ან ხანმოკლე პროცესი არ და ვერ იქნება. რომ დააკვირდეთ მასწავლებლების საშუალო ასაკს, 52-53 წელია. მართალია, წლების წინ, საპენსიო ასაკის პედაგოგები სისტემიდან გავიდნენ, მაგრამ ბევრი მათგანი კვლავ დაბრუნდა უკან, იმიტომ, რომ სკოლებმა ვერ იპოვეს შემცვლელები. თავიდანვე იყო გათვალისწინებული, თუ კადრი გყავს, მიიღებ, მაგრამ სანამ იპოვი ამ კადრს, გყავდეს ძველი. მაინცდამაინც დიდი შედეგი ამან არ გამოიღო. 5-6 წელიწადში ჩვენ შეიძლება სერიოზული დეფიციტი გვქონდეს მთელი რიგი მიმართულებით. მასწავლებელთა მომზადების არსებული მასშტაბი, როგორც ჩანს, ჩვენი სრული საჭიროებისთვის საკმარისი არ არის. ვიწყებ ლობირებას იმ აზრის, რომ საქართველოს შეიძლება სჭირდებოდეს პედაგოგიკური უნივერსიტეტი - ამაზე სერიოზული დაფიქრება გვმართებს“, - განაცხადა მურღულიამ.
ამასთან, როგორც მან აღნიშნა, ზოგადი განათლების ახალი სტანდარტი პედაგოგებისთვისაც, შესაბამისად, განსხვავებულ მოთხოვნებს ადგენს.
"უნივერსიტეტებმა მასწავლებლების მომზადების დროს ეს ახალი სტანდარტები უნდა გაითვალისწინონ და მოსამზადებელ პროგრამებში ასახონ. თქვენ ახლა ახალი სტანდარტი მისცეთ, ახალი სახელმძღვანელოები და მასწავლებლები კი ძველებური მიდგომით მოემზადონ, არასწორია“,- განაცხადა მურღულიამ.
ინტერვიუს სრული ვერსია იხილეთ ბმულზე.
მკითხველის კომენტარები /
10 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიუ ჯერსიში მასშტაბურ ტყის ხანძარს ებრძვიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
სანამ კიდევ არსებობს ფიზიკურად რესურსი, ვისგანაც შეიძლება ისწავლოს და მიიღოს გამოცდილება დამწყებმა მასწავლებელმა , უნდა დროულად მოხდეს ამის დაორგანიზება, თანაც ისე ,რომ არ დაენანოთ ფულის ჩადება ამ მეტად მნიშვნელოვან საქმეში, თორემ გაივსო ქვეყანა არაპროფესიონალი და უწიგნური "სპეციალისტებით". ბევრი ფული იხარჯება სახელმწიფო ბიუჯეტიდან უმიზნო/უაზროდ. არადა ყვ ელა წამყვან ქვეყანაში განათლებაში სერიოზული რესურსები იდება. დროა აზრზე მოვიდეს ჩვენი განათლების სისტემაც თუ ასეთი არსებობს. ყველა მაჩვენებლებით ბოლო ათეულ ადგილს ვიკავებთ განათლების ხაზით.😒
დეფიციტი შეიძლება იყოს ფიზიკის ან ქიმიის მასწავლებლებზე. ჩემი გოგო ინგლისურის პედაგოგია თსუს შემდეგ მაგისტრატურა და სპეციალური პედაგოგობის კურსები გაიარა, მაგრამ რამდენი წელია სამსახურს ვერ შოულობს. სკოლები ვაკანსიებს ტყუილად აცხადებენ. ყველგან შერჩეული ყავთ უკვე ვინმე შინაური