მნიშვნელოვანი ინფორმაცია
13
აპრილიდღის ზოგადი ასტროლოგიური პროგნოზი
კვირა, მთვარის მეთექვსმეტე დღე დაიწყება 21:28-ზე, მთვარე 17:54-ზე გადაბრძანდება მორიელში
მშვიდობიანი საქმეები წარმატებით დასრულდება. კაპიტალდაბანდებებს მოერიდეთ. კარგი დღეა იურიდიული საკითხების მოსაგვარებლად, სასამართლო პროცესების დასაწყებად; შემოქმედებითი საქმიანობისთვის. გარშემო მყოფებთან ურთიერთობისას გამოიჩინეთ ტაქტი. უფროსს მნიშვნელოვან საკითხებზე საუბრისთვის ნუ შეხვდებით; წვრილ-წვრილი საკითხები მოაგვარეთ. კარგი დღეა დასვენების, მოგზაურობის, ფიზიკური დატვირთვისა და საოჯახო საქმეების შესრულებისთვის. მოერიდეთ ალკოჰოლის მიღებას, მოწევას; ცხარე და ცხიმიან საკვებს; ცხოველური საკვების მიღებას. ნებადართულია თევზი და სოკო. მოიმატებს სტრესული და სარისკო ქმედებების რაოდენობა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"მამამ ხელი ხელზე მომკიდა, გამომხედა და მითხრა, რამე რომ დამემართოს, ჩემს შეყვარებულს გაუფრთხილდიო... ამატირეთ მაინც რა" - პაატა გულიაშვილის ემოციური ინტერვიუ
17:50 / 16-01-2024
მსახიობმა პაატა გულიაშვილმა, რუსთავი 2-ის ეთერში მშობლების შესახებ ისაუბრა. ინტერვიუ ემოციური გამოდგა და მსახიობმა საუბრისას ცრემლები ვერ შეიკავა.
- პაატა გულიაშვილი:
"მახსოვს, მამას პირველი სერიოზული შეტევა ჰქონდა (მაშინ გადარჩა) და სასწრაფოს მანქანაში საკაცით შევიყვანეთ. თვალები ჰქონდა დახუჭული. მე ვედექი თავზე და ხელი ხელზე მომკიდა, გამომხედა და მითხრა, რამე რომ დამემართოს, ჩემს შეყვარებულს გაუფრთხილდიო...ვუფრთხილდები (გულისხმობს დედას - რედ.)
მე როცა გავჩნდი, დედა 16 წლის იყო, ახლა, 5 იანვარს ჰქონდა დაბადების დღე და 63 წლის გახდა. მეხსიერებაში როგორიც მახსოვს, არის სულ პატარა, ერთად გავიზარდეთ.
რაც მამა გარდაიცვალა, რადიკალურად შეიცვალა ჩვენი ურთიერთობა. ახლა მარტოა, თელავში. ვეუბნები, წამოდი, ცოტა ხნით ჩემთან, უკადრისობს... ძალიან აქტიური ქალია, თეატრში მუშაობს, ძალიან ბევრი პროფესია აქვს. ამ ასაკშიც კი სწავლობს, ერთადერთი ადამიანი არის დღეს თეატრში, რომელიც არის გრიმიორი თეატრალური მიმართულებით და არც არის კახეთში ვინმე სხვა ამ პროფესიის და ძალიან მეამაყება.
თაობები გაზარდა, არაქართულენოვან ბავშვებს ასწავლა ქართული ანა-ბანა, ისინი უკვე დიდი ბიჭები და გოგოები არიან, ზოგი თურქეთშია წასული და ზოგი სად, ურეკავენ იქიდან, მოიკითხავენ.
ინსტიტუტში დადგმებს აკეთებს, ბოლო ზარებს ამზადებს, ძალიან აქტიური ქალია. მიხარია ასე რომ არის, დიდხანს უნდა მყავდეს, მართლა სტიმულს მაძლევს", - ამბობს პაატა გულიაშვილი.
კითხვას, - რაზე გწყდებათ გული დედასთან ურთიერთობაში, მსახიობი ასე პასუხობს:
"ხომ არიან ადამიანები - ჩაეხუტებიან ერთმანეთს, ლოყაზე აკოცებენ, რაღაც შებოჭილი ვარ და ვერ ვამბობ ამას, მერე ვნანობ ხოლმე და ვამბობ, რა მოხდებოდა ახლა რომ ჩავხუტებოდი?!.
საქმეზე ვიყავი თელავში ჩასული, გვიან მივედი სახლში, დავწექი ჩემი ბავშვობის ოთახში, ძილ-ბურანში ვარ და გავიგე ფეხის ხმა, თავი მოვიმძინარე, მივხვდი რომ შემოდიოდა, დაველოდე, მეთქი რას გააკეთებს, ხომ შეიძლება ან ფარდა გასწიოს ან რაღაც... მოვიდა და საბანი შემომიკეცა, იმ წუთას ისე მინდოდა რომ ჩავხუტებოდი, მაგრამ ვერ გავაკეთე.
მან ადამიანების სიყვარული მასწავლა, სულ ეხმარებოდა ადამიანებს. მახსოვს, კერძს რომ გააკეთებდა ხოლმე სახლში, გამოიტანდა და გაუტანდა ხოლმე რომელიმე მეზობელს. პატიება მასწავლა, გაბრაზება არ ვიცი, არ ვიცი წყენის ჩადება, ეს დედაჩემისგან მაქვს.
შარშან ამ დროს, გულის პრობლემები ჰქონდა და შუნტირება გავუკეთეთ. სანამ თელავიდან აქ ჩამოიყვანდა სასწრაფო დახმარების ბრიგადა, ყველაფერმა თვალწინ გამიარა.
რომ არა დედა, ჩემი ცხოვრება ასე ლამაზი არ იქნებოდა.
ამატირეთ მაინც რა...მეორე ინტერვიუა რომ მეტირება, მგონი, დავბერდი და მზად ვარ ტრაგედია ვითამაშო“, -ამბობს პაატა გულიაშვილი.
მკითხველის კომენტარები /
18 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქარიშხალი ამერიკის შეერთებულ შტატებში - უცხოური მედიების ცნობით, სტიქიურ მოვლენას, სულ მცირე, 24 ადამიანის სიცოცხლე ემსხვერპლა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ამას რომ არ ეხსენებინა, თურმე მშობლები არ ხსომებია ზოგს. მერე უკვირთ რატო ვართ ასეთ დღეში.
მამებსაც ჩაეხუტეთ.