13
აპრილიდღის ზოგადი ასტროლოგიური პროგნოზი
ხელოვნური ინტელექტის კვლევების მსოფლიოს უმსხვილესი ორგანიზაცია OpenAI საქართველოს მთავარ ციფრულ საინფორმაციო ფონდს, GeorgiAI-ს ვერიფიკაციას ანიჭებს.
შედეგად, დღეიდან GeorgiAI-ს ოფიციალურად განათავსებს GPTstore. GPTstore გახლავთ OpenAI-ის GPT Builder, რაც მნიშვნელოვანი სიახლეა გლობალური ტექნოლოგიური სფეროსთვის.
ის ხსნის საერთაშორისო წვდომას ვერიფიცირებული ანგარიშებისა და ორგანიზაციებისთვის, ინფორმაციისა და დიდი მონაცემების გასაზიარებლად. მათ შორისაა GeorgiAI-ს მასალები.
საწყის ეტაპზე, GPT Store-ის ფასიანი ანგარიშების მომხმარებლისთვის, საქართველოს უმსხვილესი საინფორმაციო ფონდის, GeorgiAI-ს მასალების გაცნობა ინგლისურ ენაზე იქნება შესაძლებელი.
ქართულენოვანი მასალა ფონდში ეტაპობრივად განთავსდება. GeorgiAI აგენერირებს ინფორმაციას გადამოწმებული, სანდო წყაროებიდან, მათ შორის: ოფიციალური დოკუმენტებიდან, დეტალური მიმოხილვებიდან საქართველოს ეკონომიკის, პოლიტიკის, ბიზნესის, განათლების, კულტურის და სხვა სფეროების შესახებ.
სისტემა მუდმივ რეჟიმში აახლებს ინფორმაციას, რაც უზრუნველყოფს, მომხმარებლებისთვის უახლეს, გადამოწმებულ მასალასთან წვდომას. OpenAI-ს მიერ ვერიფიცირებული GeorgiAI ბიზნესისა და ტექნოლოგიების უნივერსიტეტისა და „პალიტრა ჰოლდინგის“ ერთობლივი პროექტია.
თავდაპირველად, ფონდში მათი საინფორმაციო მასალებია განთავსებული. ციფრული საინფორმაციო ფონდის გამოყენება მნიშვნელოვანწილად ამარტივებს მომხმარებლის გამოცდილებას, შექმნილია საქართველოს შესახებ სანდო და გადამოწმებული ინფორმაციის სწრაფად მოძიებისთვის, ეტაპობრივად ივსება მოცულობითი საარქივო მასალებით, რომლის ციფრული ვერსია ამ დრომდე ინტერნეტსივრცეში არ მოიპოვება, არის საიმედო და მოცულობითი რესურსების ერთიანობა. მისი გამოყენებით, იზრდება ძებნის ეფექტურობა და პერსონალურ საჭიროებებსა და ინტერესებზე მორგებული ინფორმაციის ხელმისაწვდომობა, ხდება ყალბი და გადაუმოწმებელი ინფორმაციის ბლოკირება.
პლატფორმა მომხმარებლებს შესაძლებლობას აძლევს, გაეცნონ განახლებულ, მოცულობით მულტიმედია მასალას, გადაამოწმონ ფაქტები და შეამცირონ ხარჯები.
GeorgiAI-ზე წვდომისთვის მიჰყევით შემდეგ ბმულს.
R
