ქაღალდის ქართული საწარმო „კრიალა“ 2023 წელს აჯამებს - როგორ იქცა ის ბაზრის ლიდერად?

ადგილობრივი წარმოება ეკონომიკის ზრდის ერთ-ერთი მთავარი ფაქტორია. ადგილობრივი კომპანიები ქმნიან სამუშაო ადგილებს, გადასახადებს იხდიან ბიუჯეტში და მომხმარებელს კონკურენტულ ფასს სთავაზობენ.

ამის მაგალითია კომპანია „კრიალა“, რომელიც 2014 წელს პროექტის ფარგლებში - „აწარმოე საქართველოში“ შეიქმნა და დაარსებიდან 9 წლის თავზე ბაზრის ერთ-ერთი ლიდერი გახდა. ამ დროისთვის კომპანიას ბაზრის 20% უჭირავს. „კრიალა“ „პალიტრა ჰოლდინგის“ ერთ-ერთი წევრი კომპანიაა და სხვადასხვა სახეობის ჰიგიენურ ქაღალდს აწარმოებს.

„კრიალას“ ქარხანა აღჭურვილია თანამედროვე დანადგარებით, რაც საშუალებას აძლევს, მაღალი ხარისხის პროდუქცია აწარმოოს. მისი საქმიანობის სფეროებია: ქაღალდის გადამუშავება, წარმოება და საყოფაცხოვრებო ქაღალდის ნაწარმი (ხელსახოცი, პირსახოცი, ჰიგიენური ქაღალდი, დაკეცილი ხელსახოცი, ერთ ფენიანი და ორ ფენიანი ხელსახოცები, ტუალეტის ქაღალდები, სამედიცინო გადასაფარებელი ზეწარი, მარათონის ხელსახოცი, ზეტ ტიპის ხელსახოცი, სამზარეულოს ხელსახოცი და სხვა.)

კომპანია მომხმარებლებს სთავაზობს სადისტრიბუციო სერვისსაც, რაც მთელი საქართველოს მასშტაბით ნებისმიერი მოცულობის ტვირთის მიწოდებას უზრუნველყოფს პირდაპირ ქარხნიდან ობიექტამდე.

უფრო დეტალურად, როგორ მოიპოვა „კრიალამ“ ლიდერის პოზიცია, რას სთავაზობს მომხმარებლებს და როგორია მისი სამომავლო გეგმები კომპანიის კორპორაციული გაყიდვების მენეჯერი ლუკა აწყვერელი საუბრობს:

„კრიალას“ პროდუქცია წარმოდგენილია როგორც ქსელურ, ისე არაქსელურ მარკეტებში და ხარისხითა და ხელმისაწვდომი ფასით გამოირჩევა. თქვენმა პროდუქტმა თითქმის სრულად ჩაანაცვლა იმპორტირებული ჰიგიენური ქაღალდები. რა გახდა ამის მიზეზი?

სრული პასუხისმგებლობით შემიძლია ვთქვა, რომ ადგილობრივი წარმოება შესაძლებლობას გვაძლევს, მომხმარებელს ხელმისაწვდომი ფასი და მაღალი ხარისხი შევთავაზოთ.

წლების წინ ადგილობრივი ბაზრის უდიდესი ნაწილი იმპორტირებულ პროდუქციას ეჭირა, თუმცა დღეს ის თითქმის სრულად არის ჩანაცვლებული. ჩვენი პროდუქციის ხარისხისა და ხელმისაწვდომი ფასის გამო მომხმარებლისგან უკვე წლებია, დადებით უკუკავშირს ვიღებთ. ამასთან მნიშვნელოვანია, რომ ჩვენს პროდუქციაში გადახდილი თითოეული თეთრი რჩება ქვეყანაში და როგორც ჩვენ, ისე ჩვენს მომხმარებლებს ეკონომიკის განვითარებაში მნიშვნელოვანი წვლილი შეგვაქვს.

რა თქმა უნდა, ჩვენ ამ მიღწევებით არ ვკმაყოფილდებით და ვაპირებთ, რომ ასევე აქტიურად გადავიდეთ ბიზნესის მხარდაჭერაზე, რომელიც მოიაზრებს ყველა იურიდიულ ობიექტს, იქნება ეს რესტორნები, ბარები, სასადილოები, სავაჭრო მოლები, კლინიკები, სალონები და სხვა ყველა ის დაწესებულება, რომელიც ყოველდღიურად იყენებს ჰიგიენურ ქაღალდს.

რა უპირატესობები აქვს „კრიალას“ საწარმოს და რატომ უნდა გააკეთოს თქვენზე არჩევანი ბიზნესმა?

მოგეხსენებათ, ბაზარი საკმაოდ დიდია, ამასთან, ჩვენს პროდუქციაზე მოთხოვნა მუდმივად იზრდება. ჩვენი თანამედროვე დანადგარებით აღჭურვილი საწარმოს მეშვეობით შეგვიძლია დავაკმაყოფილოთ როგორც ინდივიდუალური მომხმარებლების, ისე ბიზნესის ნებისმიერი მოთხოვნა, იქნება ეს ქაღალდის მეტრაჟობა, სიგრძე, სიგანე, დაბრენდვა ან ნებისმიერი სახის სპეციფიკაცია.

საწარმოს მასშტაბები უკეთ რომ წარმოიდგინოთ, წარმადობა დღეში საშუალოდ 7-8 ტონამდეა, ხოლო თვიურად 200 ტონაზე მეტი.

საინტერესოა, რა სპეციალური შეთავაზებები გაქვთ ბიზნესისთვის? რამდენად აქტიურად თანამშრომლობთ როგორც საჯარო, ისე კერძო სექტორთან?

თითქმის არ მოიძებნება ბიზნესი, რომელსაც ჰიგიენური საშუალებები არ სჭირდება. აქედან გამომდინარე, ჩვენი გუნდი აქტიურად გადაერთო ბიზნესისთვის მისაღები შეთავაზებების დამუშავებაზე. მინდა, ვისაუბრო ჩვენი კომპანიის უპირატესობებზე:

• ჩვენი ქარხნის ტერიტორია არის გადაჭიმული 1 ჰექტარზე მეტ ფართობზე, რომელშიც მოიაზრება როგორც წარმოება ასევე დასაწყობებაც;
• ნებისმიერ დაინტერესებულ პირს შეუძლია, მოვიდეს ჩვენს ქარხანაში და დაესწროს წარმოების პროცესს, რათა ჩვენი პროდუქციის ხარისხში დარწმუნდეს;
• ჩვენი მიწოდების სერვისი ბიზნესს მაქსიმალურ კომფორტს უქმნის, რადგან პროდუქციის მიტანა პირდაპირ საწარმოდან ობიექტამდე ხდება;
• ჩვენი საწარმოს დანადგარების მეშვეობით შესაძლებელია პროდუქციის დაბრენდვა ნებისმიერი ტიპის ქაღალდზე, იქნება ეს ზეტ ტიპის ქაღალდი, მაგიდის ხელსახოცი, ლაზერის ხელსახოცი თუ სხვა. შეგვიძლია პროდუქტზე დავიტანოთ თქვენი ბიზნესის ლოგო, სახელი ან რა გამოსახულებასაც მოისურვებთ;
• სანდოობა - მოგეხსენებათ კრიალა არის უდიდესი გაერთიანების, „პალიტრა ჰოლდინგის“ წევრი კომპანია, რაც სტაბილურობისა და სანდოობის გარანტია.

თქვენთვის საინტერესო შეთავაზების შერჩევად ეწვიეთ „კრიალას“ გვერდს ან დაუკავშირდით ნომერზე: 577 68 79 45

R