თავდასხმა პარიზში, ეიფელის კოშკთან - არის მსხვერპლი: რა მოხდა ერთ-ერთ ყველაზე ტურისტულ ადგილას
პარიზში, ცენტრალურ ქუჩაზე, ეიფელის კოშკთან დანითა და ჩაქუჩით შეიარაღებული მამაკაცი გამვლელებს თავს დაესხა, რის შედეგადაც, ერთი მამაკაცი დაიღუპა, ხოლო ორი დაშავდა. საფრანგეთის შს მინისტრის, ჟერალდ დარმანინის თქმით, თავდამსხმელის სამიზნე ტურისტების თავშეყრის ადგილი იყო.
მისივე ინფორმაციით, დაკავებული საფრანგეთის მოქალაქე, 26 წლის მამაკაცია. შს მინისტრი აცხადებს, რომ ბრალდებული ტურისტების წყვილს მიუახლოვდა და სასიკვდილო ჭრილობა მიაყენა გერმანიის მოქალაქეს.
მამაკაცს პოლიცია დაედევნა, რომელიც დევნის პარალელურად, ორ სხვა ადამიანს ჩაქუჩით დაესხა თავს. სამართალდამცველებმა მისი შეჩერება და დაკავება მოახერხეს. დაშავებულებს კი სასწრაფო სამედიცინო დახმარება გაეწიათ.
თავდამსხმელი ყვიროდა სიტყვებს - "ალაჰ აკბარ“, მოგვიანებით კი პოლიციას განუცხადა ,რომ შეწუხებული იყო იმით, რომ "ამდენი მუსლიმი იღუპება ავღანეთსა და პალესტინაში“.
როგორც ცნობილი გახდა, ბრალდებული 2016 წელსაც დააკავეს და მაშინ 4 წლით თავისუფლების აღკვეთა მიუსაჯეს თავდასხმის დაგეგმვისთვის. ი
ყო საფრანგეთის უსაფრთხოების სამსახურების მეთველყურეობის ქვეშ. საფრანგეთის შს მინისტრის ცნობით, დაკავებულს წარსულში ფსიქიკური აშლილობა ჰქონდა.