უკრაინული სპეცსამსახურების უნიკალური სპეცოპერაცია და "შუაზე გაწყვეტილი" რუსეთი - დივერსია 5 ათასი კილომეტრის სიღრმეში

• "არსენალი" - ირაკლი ალადაშვილის ბლოგი

უკრაინის არმიის კონტრშეტევების წარუმატებლობის ფონზე, უკრაინული სპეცსამსახურები წერტილოვან, მაგრამ ძალზე მტკივნეულ დარტყმებს აყენებენ აგრესორ რუსეთს, მისსავე ტერიტორიაზე, თანაც - ღრმა ზურგში...

რუსეთის ყველაზე გრძელი - 15 343 მ სიგრძის სევერომუისკის სარკინიგზო გვირაბი ბაიკალ-ამურის მაგისტრალზე მდებარეობს, ბურიატიის რესპუბლიკაში და ის უკრაინის ფრონტიდან არანაკლებ 5 ათასი კმ-ითაა დაშორებული, მაგრამ ეს არ გამხდარა პრობლემა იმისთვის, რომ უკრაინელებს ამ გვირაბში მასშტაბური აფეთქება მოეწყოთ...

რა თქმა უნდა, უკრაინის არმიას არ აქვს შეიარაღებაში საკონტინენტთაშორისო ბალისტიკური რაკეტები, რომ 5 ათას კმ-მდე მისწვდენოდნენ რუსეთის ამ სტრატეგიული მნიშვნელობის ობიექტს, მაგრამ უკრაინელმა დივერსანტებმა მოახერხეს იმ სარკინიგზო შემადგენლობის დანაღმვა, რომელსაც რუსეთისთვის ეს ძალზე მნიშვნელოვანი გვირაბი უნდა გაევლო...

თავად რუსეთის ოფიციალური წყაროები იხტიბარს არ იტეხენ და არ აღიარებენ ამ გვირაბში აფეთქებას, თუმცა აცხადებენ, რომ გვირაბში დიდი ხანძარი მოკლე ჩართვამ გამოიწვია, რაც არ ესადაგება სატვირთო მატარებლის მემანქანის განცხადებას, რომლის მიხედვითაც ხანძრის გაჩენას წინ აფეთქების ხმა უძღოდა...

სევერომუისკის სარკინიგზო გვირაბი სტრატეგიული მნიშვნელობის ობიექტს წარმოადგენს, რუსეთის დასავლეთი და აღმოსავლეთი ნაწილების დასაკავშირებლად... თავად უკრაინული მასმედია, უკრაინის უშიშროების სამსახურის ინკოგნიტო წარმომადგენლებზე დაყრდნობით, ამტკიცებს, რომ უკრაინელმა დივერსანტებმა ოთხი ასაფეთქებელი მოწყობილობა დაამონტაჟეს სარკინიგზო შემადგენლობის ცისტერნა-ვაგონებზე, რომლებსაც საწვავი გადაჰქონდათ...

აფეთქებების შედეგად დაიწვა ამ გვირაბის არანაკლებ 200 მ სიგრძის მონაკვეთი, რომლის აღდგენას გარკვეული დრო დასჭირდება, რაც მნიშვნელოვნად შეაფერხებს რუსეთის სარკინიგზო მიმოსვლას აღმოსავლეთიდან (ვლადივოსტოკიდან) დასავლეთით (მოსკოვისკენ), თუმცა ბოლომდე არ გაწყვეტს, რადგან ამ მონაკვეთზე არსებობს შემოვლითი, ძალიან რთული სარკინიგზო მონაკვეთიც, რომელიც მანამდეც ფუნქციონირებდა, ვიდრე სევერომუისკის სარკინიგზო გვირაბს გაჭრიდნენ... 26 წლის განმავლობაში...

სევერომუისკის სარკინიგზო გვირაბის ისტორია იმდენად საინტერესოა, რომ ამ ბლოგის ერთგულ მკითხველს მინდა, გავაცნო...

მეფის რუსეთის პერიოდიდან მოყოლებული, რუსეთის სტრატეგიული პრობლემა გახლდათ დასავლეთი და აღმოსავლეთი ნაწილების სარკინიგზო დაკავშირება, რაც 1904-1905 წლების რუსეთ-იაპონიის ომშიც კარგად გამოჩნდა, რადგან რუსეთის წაგებით დამთავრდა. გააგრძელეთ კითხვა