მნიშვნელოვანი ინფორმაცია
27
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"სააკაშვილი ქვეყნის პოლიტიკური ცხოვრების ბოროტებად მიმაჩნია, მაგრამ ერთადერთი გონიერი ნაბიჯია მისი პრემიერობის კანდიდატად გამოცხადება" - თინა ხიდაშელი
23:45 / 22-11-2023
დღეს საქართველოში ყველზე ძლიერი პოლიტიკური ინსტინქტის მატარებელი პოლიტიკოსი არის მიხეილ სააკაშვილი, - ამის შესახებ თავდაცვის ყოფილმა მინისტრმა, თინა ხიდაშელმა "პალიტრანიუსის“ გადაცემაში "360 გრადუსი“ განაცხადა.
როგორც მან აღნიშნა, მიხეილ სააკაშვილი თავისი პოლიტიკური ამოცანის შესრულებისთვის ძალიან სწორად მოქმედებს.
"მე მას ხმას არ ვაძლევ, პატივს არ ვცემ, როგორც პოლიტიკოსს, ამ ქვეყნის პოლიტიკური ცხოვრების უბედურებად და ბოროტებად მიმაჩნია, მაგრამ ის არის ერთადერთი სწორი ინსტინქტების პოლიტიკოსი ამ მდგომარეობით, როგორც პოლიტიკური პროცესი მიმდინარეობს. თავისი პოლიტიკური ამოცანისთვის ძალიან სწორად მოქმედებს“, - განაცხადა ხიდაშელმა.
მისი შეფასებით, ჯერჯერობით, "ნაციონალური მოძრაობა“ უშეცდომოდ მოქმედებს.
"ჯერჯერობით, "ნაციონალური მოძრაობა“ უშეცდომოდ მოქმედებს იმის მიუხედავად, მე რას ვფიქრობ. ამ წუთის მდგომარეობით, "ნაციონალური მოძრაობა“ არის ერთადერთი პოლიტიკური ძალა, ხელისუფლების გარდა, რომლის სარჩევნო ხედვები, ნაბიჯები უკვე სახეზეა. მან კოალიცია გააკეთა. არის საზოგადოებაში კოალიციაზე მოთხოვნა? მან შემოიერთა სხვა პარტია და თქვა: აგერ ბატონო, ჩემი კარი ღიაა, დავიწყეთ კოალიციის შენება და ვისაც გინდათ მობრძანდით“, - განაცხადა ხიდაშელმა.
თავდაცვის ყოფილი მინისტრის თქმით, აქვს მოლოდინი, რომ 23 ნოემბერს რამდენიმე ამბავს შეიტყობს საზოგადოება "ნაციონალური მოძრაობის“ პარტიული თუ საარჩევნო სუბიექტის სტრუქტურის შესახებ.
"როგორც ჩანს, ერთხელ და სამუდამოდ გავიგებთ, პარტია იყოფა კიდევ ერთხელ თუ არა. ასევე მაქვს მოლოდინი, რომ ლიდერს გამოაცხადებენ. არ ვიცი, დაარქმევენ თუ არა პრემიერ-მინისტრობის კანდიდატს, მაგრამ მაქვს მოლოდინი, რომ საარჩევნო ლიდერსაც გამოუცხადებენ“, - განაცხადა ხიდაშელმა.
როგორც მან განმარტა, მიხეილ სააკაშვილის გარდა, თუ სხვა ვინმეს გამოაცხადებენ პრემიერ-მინისტრობის კანდიდატად, ეს "მათი მხრიდან ძალიან უგუნური ნაბიჯი იქნება“.
"როდესაც ვამბობ იმას, რომ ძალიან სწორ და ჭკვიანურ ნაბიჯებს დგამენ თავიანთი პოლიტიკური ამოცანებისთვის, ერთადერთი სწორი და გონიერი ნაბიჯი მათი მხრიდან არის მიხეილ სააკაშვილის პრემიერ-მინისტრობის კანდიდატად გამოცხადება იმიტომ, რომ "ნაციონალურ მოძრაობას“ ვინც შერჩა ამომრჩევლად, ის სააკაშვილის ამომრჩეველია, ხაბეიშვილის ამომრჩეველი არ არის. ეს მგონი, ყველამ იცის“, - განაცხადა ხიდაშელმა.
მისი შეფასებით, "ნაციონალური მოძრაობის“ საარჩევნო შესაძლებლობები ლიმიტირებულია, მაგრამ პოზიტიურია საარჩევნო ბარიერის თვალსაზრისით.
"ნაციონალური მოძრაობა შემდეგ პარლამენტში წარმოდგენილი იქნება, მაგრამ ის არის შეზღუდული. არ აქვს განსაკუთრებულად რაიმე ზრდის პოტენციალი. ამიტომ, ახლა მათი მთავარი ამოცანა არის ის, რომ პარტიაში მორიგი გახლეჩა, განხეთქილება არ მოხდეს და მათი ამომრჩევლის თუნდაც მცირე ნაწილის დაბნეულობა არ გამოიწვიონ“,- განაცხადა ხიდაშელმა.
ამასთან, როგორც მან აღნიშნა, ამჟამინდელი მონაცემებით, 2024 წლის არჩევნებზე პარტია "ლელოს“ აძლევს ხმას.
"ყოფილი და მოქმედი ხელისუფლება მეთორმეტე წელია მუდმივად იმის მტკიცებაში არიან, ვის უფრო დიდი რქები აქვს. ამასობაში, "ნაციონალური მოძრაობის“ სუპერ დიდი რქები თანდათან დაპატარავდა იმ ფონზე, რასაც "ქართული ოცნება“ ახერხებს და სჩადის ამ წლების განმავლობაში“, - განაცხადა ხიდაშელმა.
00:00 / 00:00
მკითხველის კომენტარები /
35 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ისეა გასუქებული, ქ-ნი, არა მგონია ინდოეთში ნაჩუქარი სარი მოერგოს!
საწყალი, გაგიჟებულა.