მნიშვნელოვანი ინფორმაცია
10
აპრილიდღის ზოგადი ასტროლოგიური პროგნოზი
ხუთშაბათი, მთვარის მეცამეტე დღე დაიწყება 18:38-ზე, მთვარე ქალწულშია
ნუ წამოიწყებთ ახალ საქმეებს. უმჯობესია, დრო დაშვებული შეცდომების გამოსასწორებლად გამოიყენოთ. მოაგვარეთ ფინანსური საკითხები. უძრავ ქონებასთან დაკავშირებული პრობლემები განხილვა სხვა დღისთვის გადაიტანეთ. კარგი დღეა სწავლისთვის, ცოდნის მისაღებად. კარგია საქმეების შესრულება თანამოაზრებთან ერთად, კოლექტივში. მოერიდეთ საოჯახო საქმეების საჯაროდ განხილვას, ურთიერთობის გარჩევას. მოერიდეთ მგზავრობას, მოგზაურობის დაწყებას; საქმის, საქმიანობის შეცვლას. ნუ იშიმშილებთ, მაგრამ ნურც კუჭს გადატვირთავთ. მოერიდეთ რთულად გადასამუშავებელი საკვების მიღებას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ირაკლი ბერაიას ცალყბად გაკეთებული ბოდიში არაფერში მჭირდება, კომიტეტიდან არ წავალ, ამ სიამოვნებას არ მივანიჭებ" - თეონა აქუბარდია
21:18 / 31-10-2023
მისი [ირაკლი ბერაიას] ცალყბად გაკეთებული ბოდიში არაფერში მჭირდება -კომიტეტიდან არ წავალ, რა თქმა უნდა, გავაგრძელებ მუშაობას, მე მას ამ სიამოვნებას არ მივანიჭებ , - ამის შესახებ ოპოზიციონერმა დეპუტატმა, თეონა აქუბარდიამ "პალიტრანიუსის" გადაცემა "პოლიტიკურ სივრცეში“ განაცხადა.
როგორც მან აღნიშნა, მმართველი გუნდი "სასაცილო და საცოდავი პასუხებით ცდილობს ქალების დისკრედიტაციას“.
„ნამდვილად რბილი შეფასებაა „პატარა კაცები“ იმასთან შედარებით, რაც მან დღეს იკადრა. მე ამით არაფერი დამაკლო. საკუთარ თავს ავნო, ისე როგორც „ქართულ ოცნებას“. მისი ცალყბად გაკეთებული ბოდიში არაფერში მჭირდება. ეს კიდევ აჩვენებს, რომ მათ ქალების ეშინიათ, სწორედ ასეთი სასაცილო, საცოდავი პასუხებით ცდილობენ ქალების დისკრედიტაციას. ვერ გამაჩუმებენ, გავაგრძელებ იმას, რასაც აქამდე ვაკეთებდე, საუბარია დეოკუპაციაზე, რუსეთის აგრესიის საპასუხო ზომებზე, თავდაცვისადა უსაფრთხოებაზე. თუ პასუხი არ აქვს ბერაიას, ან სხვას, გამოვიდნენ და პასუხი გამცენ, იკაცონ და გაბედონ, რომ არგუმენტირებული პასუხი იყო და არა ის, რაც მათ იკადრეს“, - აღნიშნა აქუბარდიამ.
მისივე თქმით, საპარლამენტო უმრავლესობის დეპუტატი ირაკლი ბერაია ემოციურად გაუწონასწორებელია.
„ბერაიამ თავისი გამოსვლა დაასრულა იმით, რომ მე არ ვიმსახურებ არც კომიტეტის თავმჯდომარის მოადგილეობას და არც კომიტეტის წევრობას. ბერაიასთან არაფერი პირადი არ მაქვს. მთავარი პრობლემაა ის, რომ ემოციურად გაუწონასწორებელია კომიტეტის თავმჯდომარე, ეს ხომ პირველი შემთხვევა არ არის. გახსოვთ, როგორ გამაგდო კომიტეტიდან ჩემი კრიტიკული პოზიციის გამო და არა იმის გამო, რომ ბოთლი ვესროლე, ან შეურაცხყოფა მივაყენე. ამბობს, რომ აქუბარდია მატყუარაა. მე როდესაც ვაკეთებ კომენტარს და პოზიციას, ციტირებებს ვკითხულობ. თუ არ მოსწონს, ის რასაც ამბობს და ვახმოვანებ, მისი პრობლემაა. ფაქტია, რომ დეოკუპაციაზე და ოჩამჩირის პორტში რუსეთის სამხედრო ბაზაზე ერთიანი პოზიცია არ გვაქვს, ეს „ქართული ოცნების“ დამსახურებაა და არა ჩემი. რა თქმა უნდა, პირადად ბოდიში მომიხადა, როდესაც მატყუარა მეძახა, ახლა საჯაროდ მოიხადა. ეს არ ცვლის იმას, რომ ის ემოციურად არ არის გაწონასწორებული პიროვნება, კომიტეტს არ უნდა ხელმძღვანელობდეს. მე კომიტეტიდან არ წავალ, რა თქმა უნდა, გავაგრძელებ მუშაობას, მე მას ამ სიამოვნებას არ მივანიჭებ. ყველაფერს გავაკეთებ, რომ მისი განცხადებები იცოდეს ჩვენმა დასავლელმა პარტნიორებმა, მათ შორის იქ, სადაც ის დადის ხოლმე. მათ შორის იცოდნენ, თუ რა მეთოდებით უპირისპირდება საკუთარ მოადგილეს კომიტეტში“,- აღნიშნა აქუბარდიამ.
ცნობისთვის, პარლამენტის პლენარულ სხდომაზე საპარლამენტო უმრავლესობის დეპუტატმა ირაკლი ბერაიამ პარლამენტის დამოუკიდებელ დეპუტატ თეონა აქუბარდიას შეურაცხმყოფელი რეპლიკებით მიმართა. გარდა ამისა, სიტყვიერი დაპირისპირება იყო ალუდა ღუდუშაურსა და ანა წითლიძეს შორისაც. წითლიძემ ღუდუშაურს „დებილი", "ქართული ოცნების" დეპუტატმა კი პარლამენტის ოპოზიციონერ წევრს "ბანძი" უწოდა: „შენ ხარ ბანძი ადამიანი, ჩვეულებრივი ბანძი ქალი ხარ”, - მიმართა ღუდუშაურმა წითლიძეს.
ამასთან, შემდგომ, ირაკლი ბერაია თეონა აქუბარდიას მისამართით გაკეთებული შეურაცხმყოფელი განცხადების გამო ბოდიში მოიხადა.
მკითხველის კომენტარები /
41 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქარიშხალი ამერიკის შეერთებულ შტატებში - უცხოური მედიების ცნობით, სტიქიურ მოვლენას, სულ მცირე, 24 ადამიანის სიცოცხლე ემსხვერპლა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ფემინიზმი მატრიარქტი არაა!!!!!!
ეს უნამუსოები ნახეთ, რა! თურმე უცხოეთში რომ დადიან, იქაც აცდენენ სხდომებს და ბაირამობენ! აქ ხომ სანახევროდ ჩავარდნილია საპარლამენტო მუშაობა და იქაცო, კაცო, იქაც, ბიუჯეტის ფულით დაფრინავენ და გულაობენ.. და ეს როგორ წამოაძახეს და გაუბედეს აქუს.. მე რომ ეგრე ვაცდინო სამსახური , მგონი 100 როზგი დამკრან, და ეს დედააფრიალებულები ტყუილად იჯიბავენ ჩემს წონა ჯამაგირს..