ყველაზე ძლიერი ქარიშხალი წყნარი ოკეანის აღმოსავლეთით - დაღუპული და დაკარგული ადამიანები, განადგურებული ინფრასტრუქტურა - აკაპულკოში ამბობენ, რომ ასეთი რამ არ ახსოვს (ფოტოები)
მექსიკის ქალაქ აკაპულკოში ქარიშხალი ოტისის შედეგად სულ მცირე 48 ადამიანი დაიღუპა, ექვსი კი დაკარგულად ითვლება.
ქარიშხალმა ელექტროენერგიის გარეშე დატოვა თითქმის 900 ათასი ადამიანი, დააზიანა 270 ათასზე მეტი სახლი და 600-მდე სასტუმრო, განადგურდა ინფრასტრუქტურა.
მხოლოდ დაზღვეულთა ზარალი 15 მილიარდ დოლარად არის შეფასებული.
ოტისმა აკაპულკოს 266 კმ/სთ სიჩქარით გადაუარა. ის არის ისტორიაში ყველაზე ძლიერი ქარიშხალი წყნარი ოკეანის აღმოსავლეთით, რაც კი მასზე დაკვირვების განმავლობაში მომხდარა. სინოპტიკოსებმა ამის პროგნოზირება ვერ შეძლეს.
"გვპირდებიან, რომ ელექტროენერგიას სამშაბათამდე აღადგენენ, ხოლო იმ მოქალაქეებს, რომელთა საცხოვრებელი სახლები დაზღვეული არ არის, იაფი სესხების გაცემას დაპირდნენ", - აცხადებს მოქალაქე მედიასთან.
აკაპულკოს მოსახლეობა მთავრობას არასაკმარის დახმარებაში ადანაშაულებს. ქარიშხლის შემდეგ ქალაქში წყლის, საკვებისა და საწვავის მარაგი ამოიწურა, რამაც კრიმინალი გაზარდა. რამდენიმე დღის შემდეგ, ხელისუფლებამ განაცხადა, რომ მათ დაახლოებით 17 000 ჯარისკაცი გაგზავნეს დაზარალებულ რეგიონში წესრიგის შესანარჩუნებლად და ტონობით საკვების გასანაწილებლად.
Associated Press-ის მიერ გამოკითხულმა ექსპერტებმა ზუსტად არ იციან, რატომ მოიმატა ქარიშხალმა მოულოდნელად, მაგრამ ამბობენ, რომ მთავარი ფაქტორი წყალის გათბობა უნდა იყოს.
მსოფლიო ოკეანეების წყალი თბება ნაწილობრივ ელ-ნინიოს ფენომენის გამო და ნაწილობრივ ადამიანის მავნე აქტივობების გამო, რაც ხელს უწყობს იმ ფაქტს, რომ ოკეანეები უფრო და უფრო მეტ სითბოს შთანთქავენ.
იხილეთ ასევე: