მნიშვნელოვანი ინფორმაცია
13
აპრილიდღის ზოგადი ასტროლოგიური პროგნოზი
კვირა, მთვარის მეთექვსმეტე დღე დაიწყება 21:28-ზე, მთვარე 17:54-ზე გადაბრძანდება მორიელში
მშვიდობიანი საქმეები წარმატებით დასრულდება. კაპიტალდაბანდებებს მოერიდეთ. კარგი დღეა იურიდიული საკითხების მოსაგვარებლად, სასამართლო პროცესების დასაწყებად; შემოქმედებითი საქმიანობისთვის. გარშემო მყოფებთან ურთიერთობისას გამოიჩინეთ ტაქტი. უფროსს მნიშვნელოვან საკითხებზე საუბრისთვის ნუ შეხვდებით; წვრილ-წვრილი საკითხები მოაგვარეთ. კარგი დღეა დასვენების, მოგზაურობის, ფიზიკური დატვირთვისა და საოჯახო საქმეების შესრულებისთვის. მოერიდეთ ალკოჰოლის მიღებას, მოწევას; ცხარე და ცხიმიან საკვებს; ცხოველური საკვების მიღებას. ნებადართულია თევზი და სოკო. მოიმატებს სტრესული და სარისკო ქმედებების რაოდენობა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ეცვა ნარინჯისფერი ქურთუკი, გამვლელებს ცეცხლი სკუტერიდან გაუხსნა, ის ტუნისელია და... - რა არის ცნობილი ბრიუსელში მომხდარი თავდასხმის მოტივზე და ვინ იყო თავდამსხმელი?
10:55 / 17-10-2023
ბრიუსელის ცენტრში, 16 ოქტომბერს, საღამოს, შეიარაღებულმა პირმა ცეცხლი გახსნა. მომხდარის შედეგად ორი ადამიანი დაიღუპა. თავდამსხმელი ადგილიდან მიიმალა. ბოლო ინფორმაციით, ბრიუსელის პოლიციამ ეჭვმიტანილის პოვნა დღეს, 17 ოქტომბერს, დილით შეძლო და ცეცხლსასროლი იარაღიდან ესროლა, თუმცა უცნობია, სავარაუდო თავდამსხმელი დაჭრილია, თუ მკვდარი.
- როგორც ადგილობრივი მედია იტყობინება, თავდასხმაში ეჭვმიტანილი პირი კაფეში იმყოფებოდა, როცა მას სამართალდამცველებმა ესროლეს.
ბელგიელი პროკურორები სროლის შესახებ ინფორმაციას ადასტურებენ, თუმცა ჯერ არ შეუძლიათ დადასტურება, იყო თუ არა ეს მამაკაცი ნამდვილად ის ადამიანი, რომელმაც წუხელ ბრიუსელში მშვიდობიან მოქალაქეებს ცეცხლი გაუხსნა.
"შესაძლოა, საავადმყოფოსკენ მიმავალ გზაზე გარდაიცვალა", - აცხადებს ბელგიის შინაგან საქმეთა მინისტრი, ანელის ვერლინდენი. მისივე ცნობით, ამ ადამიანს აღმოაჩნდა ზუსტად ის იარაღი, რომლითაც თავდასხმა განხორციელდა. სავარაუდო მოტივად, ტერორიზმი სახელდება.
- როგორ მოხდა თავდასხმა?
შეიარაღებული პირი ბრიუსელის ცენტრში სკუტერით გადაადგილდებოდა, რა დროსაც გამვლელებს ცეცხლი გაუხსნა, თან ყვიროდა: "ალაჰ აკბარ!". შედეგად, შვედეთის ორი მოქალაქე დაიღუპა. დაშავდა ადგილობრივი ტაქსის მძღოლი, თუმცა მის სიცოცხლეს საფრთხე არ ემუქრება.
- სოციალურ ქსელებში გავრცელდა ფაქტის ამსახველი ვიდეოც, სადაც ჩანს ნარინჯისფერ ქურთუკში ჩაცმული მამაკაცი, რომელიც დიდი ზომის ცეცხლსასროლი იარაღიდან რამდენჯერმე ისვრის. გავრცელებული ინფორმაციით, მან დანაშაულის ადგილი სკუტერითვე დატოვა.
ყველაფერი ევროპის ჩემპიონატის საკვალიფიკაციო მატჩის დროს მოხდა მატჩი შვედეთსა და ბელგიას შორის, ჰეისელის სტადიონზე იმართებოდა, რომელიც ინციდენტის ადგილიდან რამდენიმე კილომეტრის მოშორებით მდებარეობს.
თამაში შეაჩერეს და სტადიონზე შეკრებილ 35 000 გულშემატკივარს ადგილზე დარჩენა ურჩიეს, უსაფრთხოების ზომებიდან გამომდინარე.
ბელგიის პრემიერ-მინისტრმა ალექსანდერ დე კრუმ ჟურნალისტებს განუცხადა, რომ დამნაშავე ტუნისელი მამაკაცია, რომელიც ბელგიაში არალეგალურად იმყოფებოდა.
"ყველაზე უკიდურესმა სისასტიკემ ორი ადამიანის სიცოცხლე ნაადრევად იმსხვერპლა. ჩვენი ფიქრები მსხვერპლებთან, მათ ახლობლებსა და ნათესავებთანაა. მწუხარებას გამოვთქვამთ მომხდარის გამო",- დასძინა დე კრუმ.
პოლიციის სპიკერმა, ერიკ ვან დუისმა ასევე თქვა, რომ გამოძიება "შესაძლო ტერორისტულ მოტივს" განიხილავს, მას შემდეგ, რაც სავარაუდო თავდამსხმელმა სოციალურ ქსელში ვიდეო გამოაქვეყნა, სადაც ის ამბობს, რომ "ისლამური სახელმწიფოსგანაა შთაგონებული."
ასევე საუბრობენ იმის შესახებ, რომ თავდამსხმელს შვედი ეროვნების ადამიანების მოკვლა სურდა. მან მიზანმიმართულად ესროლა იმ ადამიანებს, რომლებსაც შვედეთის ეროვნული ნაკრების ფორმა ეცვათ.
ბელგიის ანტიტერორისტულმა ცენტრმა განაცხადა, რომ დედაქალაში ტერორისტული განგაშის მეოთხე დონეა, რაც ნიშნავს, რომ საფრთხე უკიდურესად სერიოზულია. მანამდე ეს ნიშნული იყო - 2, რაც საშუალო დონის საფრთხეს გულისხმობს.
წყარო: france24
00:00 / 00:00
მკითხველის კომენტარები /
6 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქარიშხალი ამერიკის შეერთებულ შტატებში - უცხოური მედიების ცნობით, სტიქიურ მოვლენას, სულ მცირე, 24 ადამიანის სიცოცხლე ემსხვერპლა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
"ბრიუსელის პოლიციამ ეჭვმიტანილის პოვნა დღეს, 17 ოქტომბერს, დილით შეძლო და ცეცხლსასროლი იარაღიდან ესროლა, თუმცა უცნობია, სავარაუდო თავდამსხმელი დაჭრილია, თუ მკვდარი."
ნიკანდრო ქილია- მგონი მოვკალით, თქვენო ბრწყინვალებავ
გადადგეს ქართული ოცნების მთავრობა და კალაძე, ვერ იცავენ მოქალაქეებს. სად იყო ქართული პოლიცია ამ დროს? იმ დღეს საფრანგეთშიც რაღაცა მომხდარა, ვერსად ვერ აკონტროლებს ქართული პოლიცია სიტუაციას