"დღეს გავიგე, რომ 14 წლის აითაჯმა სამჯერ სცადა ქმრისგან გაქცევა... მაგრამ დედამისმა უკან მიაბრუნა" - რას წერს სამირა ბაირამოვა სასტიკად მოკლულ აითაჯ შახმაროვაზე
უფლებადამცველი სამირა ბაირამოვა სასტიკად მოკლული მოზარდის, 14 წლის აითაჯ შახმაროვას შესახებ სოციალურ ქსელში პოსტს აქვეყნებს.
"დღეს გავიგე, რომ მოტაცებულმა, 14 წლის აითაჯმა სამჯერ სცადა სახლიდან გაქცევა. ერთხელ სახლამდეც კი მოახერხა მიღწევა. მაშინ დედამისმა უკან, ქმრის სახლში დააბრუნა. მისი იძულებითი დანიშვნის მიზანი ბიჭის ოჯახის სიმდიდრე ყოფილა. აითაჯის ოჯახს ერთ დროს მარნეულში ქირითაც უცხოვრიათ," - წერს სამირა ბაირამოვა.
შეგახსენებთ, 6 ოქტომბერს საგარეჯოს მუნიციპალიტეტში მომხდარმა შემზარავმა მკვლელობამ ქვეყანა შეძრა. სოფელ ლამბალოში, 14 წლის გოგონა მასთან არარეგისტრირებულ ქორწინებაში მყოფმა 27 წლის ალიმ ასლანოვ-სადიგოვმა ცეცხლსასროლი იარაღით მოკლა და დანაშაულის ადგილიდან მიიმალა.
მოკლული გოგონა აითაჯ შახმაროვა წარმოშობით დმანისის სოფელ მამიშლოდან იყო. 10 ოქტომბერს ცნობილი გახდა, რომ პოლიციამ საგარეჯოში ძებნილი მამაკაცი დააკავა. შინაგან საქმეთა სამინისტროს ცნობით, დანაშაული 20 წლამდე ან უვადო თავისუფლების აღკვეთას ითვალისწინებს.
წაიკითხეთ ასევე:
- "ჩემი შვილი მოიტაცეს, ჩვენი თანხმობით არაფერი მომხდარა... მკვლელობამდე ხეზე მიაბა და ისე სცემა" - რას ჰყვება მოკლული 14 წლის გოგონას დედა?
- რა უნდა გაკეთდეს, რომ 14 წლის აითაჯის ტრაგედია არ განმეორდეს? - აზერბაიჯანელი გოგონები მძიმე ბედქვეშ: რა ზეწოლას განიცდიან თემისგან, ოჯახისგან და რატომ არ იცავს მათ სახელმწიფო?