რატომ ამბობენ მსხვილი რუსული კომპანიები სოხუმის აეროპორტის აღდგენაზე უარს?
უმსხვილესი რუსული აეროპორტული ჰოლდინგები, მათ შორის, "რეგიონების აეროპორტები", "აეროდონამიკა" და "ნოვაპორტი“, ასევე მოსკოვური "შერემეტიევო" და "ვნუკოვო" უარს აცხადებენ ე.წ აფხაზეთის რესპუბლიკის დედაქალაქის სოხუმის აეროპორტის რეკონსტრუქციაზე.
"ვედომოსტში“ აეროპორტების წარმომადგენლები აცხადებენ, რომ ჯერ ჯერობთ საერთოდ არ არსებობს სოხუმში შესაძლო მგზავრთნაკადის ცნება. უცნობია, რომელი ავიაკომპანიები გადაწყვეტენ იფრინონ არაღიარებულ რესპუბლიკაში და რამდენად აწყობთ მსგავსი რეისების განხორციელება.
"ვედომოსტის" კიდევ ერთი წყარო მეორე მიზეზად სამშენებლო მასალის ტრანსპორტირების სირთულეებზე საუბრობს, რადგან აფხაზეთში ისინი არ იწარმოება და აეროპორტის მშენებლებს მოუწევთ დამატებითი ხარჯი გაიღონ.
რა პირობებია სოხუმის აეროპორტის მშენებლობის კონკურსში?
მშენებლობის კონკურსში გამარჯვებულ კომპანიასთან გაფრომდება 49 წლიანი თანამშრომლობის შეთანხმება. აეროპორტმა რეგულარული რეისების მიღება არა უგვიანეს 2025 წლის 31 მარტს უნდა შეძლოს. ინვესტორმა მშენებლობაში მინიმუმ 8 მილიარდი რუბლი უნდა ჩადოს. ადრე ეკონომიკის განვითარების სამინისტრომ აფხაზეთთან ურთიერთშეთანხმების საფუძველზე შეიმუშავა კრიტერიუმები, თუ რის მიხედვით შეეძლოთ რუსულ კომპანიებს სოხუმში აეროპორტის მშენებლობაში გამოცხადებულ კონკურსში მონაწილეობის მიღება. ამ კრიტერიუმებს აკმაყოფილებს უმსხვილესი აეროპორტული ჰოლდინგები და ორი კომპანია, რომელიც აქამდე აეროპორტის ბიზნესში შემჩნეული არ იყო - "დარტი" და "ინფრასტრუქტურული განვითარება". ამ უკანასკნელის ერთადერთი მფლობელი რაშიდ რაშიდოვიჩ ნურგალიევია.
ვინ არის რაშიდ ნურგალიევი? - ის რუსეთის შინაგან საქმეთა ყოფილი მინისტრის რაშიდ ნურგალიევის ერთ-ერთი ვაჟია. რაშიდი ამჟამად რუსეთის ფედერაციის სუაფრთხოების საბჭოს პირველი მოადგილის პოსტზეა. ეკონომიკური განვითარების სამინისტრომ უარი განაცხადა, იმ მონაწილეების მონაცემების გასაჯაროვებაზე, რომლებიც სოხუმში აეროპორტის მშენებლობის კონკურსში მონაწილეობას იღებენ...წყარო
მოამზადა: ანრი კურტანიძემ
წაიკითხეთ ასევე: