რუს­მა ოკუ­პან­ტებ­მა ბერ­დი­ანსკში ორი მო­ზარ­დი ტიგ­რან ჰო­ვა­ნე­სი­ა­ნი და ნი­კი­ტა ხან­გა­ნო­ვი მოკ­ლეს. ოკუ­პან­ტე­ბი მათ მე­ლი­ტო­პო­ლის რკი­ნიგ­ზა­ზე დი­ვერ­სი­ის მომ­ზა­დე­ბა­ში ადა­ნა­შა­უ­ლებ­დნენ. უფ­ლე­ბა­დამ­ცვე­ლე­ბი აცხა­დე­ბენ, რომ მო­ზარ­დებს შე­მოდ­გო­მი­დან დევ­ნიდ­ნენ. რუს­მა სამ­ხედ­რო­ებ­მა ისი­ნი არა­ერ­თხელ აწა­მეს და მათი სიკ­ვდი­ლით დას­ჯის სი­მუ­ლა­ცი­აც მო­ა­წყვეს.

პარ­ტი­ზა­ნე­ბი ბერ­დი­ანსკში

აზო­ვის ზღვის სა­ნა­პი­რო­ზე მდე­ბა­რე ბერ­დი­ანსკი, ერთ-ერთი პირ­ვე­ლი ქა­ლა­ქი იყო, რო­მე­ლიც რუს­მა სამ­ხედ­რო­ებ­მა უკ­რა­ი­ნა­ში შეჭ­რი­დან მა­ლე­ვე და­ი­პყრეს.

ოკუ­პა­ცი­ის პირ­ველ თვე­ებ­ში ბერ­დი­ანსკის მო­სახ­ლე­ო­ბა ძი­რი­თა­დი საკ­ვე­ბი პრო­დუქ­ტე­ბის, ნაღ­დი ფუ­ლის და აუ­ცი­ლე­ბე­ლი მე­დი­კა­მენ­ტე­ბის ნაკ­ლე­ბო­ბას გა­ნიც­დი­და. სი­ტუ­ა­ცი­ის ოდ­ნავ "დას­ტა­ბი­ლუ­რე­ბის“ შემ­დეგ კი ქა­ლაქ­ში პარ­ტი­ზა­ნუ­ლი მოძ­რა­ო­ბა გა­აქ­ტი­ურ­და:

გა­სუ­ლი წლის სექ­ტემ­ბერ­ში, უც­ნობ­მა პი­რებ­მა სა­ო­კუ­პა­ციო ად­მი­ნის­ტრა­ცი­ის უფ­რო­სის მო­ად­გი­ლე ოლეგ ბო­ი­კო, მისი მე­უღ­ლე და მო­ად­გი­ლე მოკ­ლეს. ხოლო 13 დე­კემ­ბერს, პარ­ტი­ზა­ნებ­მა სატ­რანსფორ­მა­ტო­რო ქვე­სად­გუ­რი აა­ფეთ­ქეს, რო­მე­ლიც რუ­სე­თის სამ­ხედ­რო ყა­ზარ­მებს ენერ­გი­ით ამა­რა­გებ­და.

• ტიგ­რან ოჰა­ნე­სი­ა­ნი და ნი­კი­ტა ხან­გა­ნო­ვი

ტიგ­რა­ნი და ნი­კი­ტა 2006 წელს და­ი­ბად­ნენ. ორი­ვე მო­ზარ­დი ერ­თსა და იმა­ვე სკო­ლა­ში და­დი­ო­და.

”პრობ­ლე­მუ­რი მოს­წავ­ლე­ე­ბი არას­დროს ყო­ფი­ლან, საკ­მა­ოდ მშვი­დი და შრო­მის­მოყ­ვა­რე ბავ­შვე­ბი იყ­ვნენ”, - ამ­ბობს ტიგ­რა­ნი­სა და ნი­კი­ტას ყო­ფი­ლი მას­წავ­ლე­ბე­ლი.

ნი­კი­ტა ბერ­დი­ანსკში მშობ­ლებ­თან ერ­თად ცხოვ­რობ­და, ტიგ­რა­ნი კი - დე­დას­თან, მა­მი­ნაც­ვალ­თან, დას­თან და ბე­ბი­ას­თან ერ­თად. ტიგ­რა­ნის დას ჯან­მრთე­ლო­ბის სე­რი­ო­ზუ­ლი პრობ­ლე­მე­ბი ჰქონ­და, ამი­ტომ ბავ­შვის სამ­კურ­ნა­ლოდ ოჯა­ხი რე­გუ­ლა­რუ­ლად მი­ემ­გზავ­რე­ბო­და კი­ევ­ში.

მას შემ­დეგ, რაც რუ­სეთ­მა ბერ­დი­ანსკი და­ი­კა­ვა, კი­ევ­ში გამ­გზავ­რე­ბა ჯერ ძა­ლი­ან პრობ­ლე­მუ­რი, შემ­დეგ კი სრუ­ლი­ად შე­უძ­ლე­ბე­ლი გახ­და. გო­გო­ნას ჯან­მრთე­ლო­ბის­თვის ოჯახ­მა გერ­მა­ნი­ა­ში წას­ვლა და მკურ­ნა­ლო­ბის იქ გაგ­რძე­ლე­ბა გა­და­წყვი­ტა. თხოვ­ნის მი­უ­ხე­და­ვად, ტიგ­რან­მა წას­ვლა­ზე უარი თქვა და მშობ­ლი­ურ ქა­ლაქ­ში, ბე­ბი­ას­თან დარ­ჩა.

ტიგ­რა­ნის დედა ოქ­სა­ნა სტა­რო­ვე­რო­ვა, უკ­რა­ი­ნელ ჟურ­ნა­ლისტ ია­ნი­ნა სო­კო­ლო­ვას­თან სა­უბ­რი­სას ამ­ბობს, რომ ომის და­წყე­ბი­დან პირ­ველ დღე­ებ­ში ტიგ­რა­ნი მო­ხა­ლი­სე­თა შე­სარ­ჩევ საბ­ჭო­შიც კი წა­ვი­და, მაგ­რამ 15 წლის ბიჭს მი­ღე­ბა­ზე უარი უთხრეს.

• დი­ვერ­სი­ის საქ­მე

ახალ­გაზ­რდე­ბის პრობ­ლე­მე­ბი გა­სუ­ლი წლის 30 სექ­ტემ­ბერს და­ი­წყო. ღა­მით ტიგ­რა­ნის სახ­ლთან მან­ქა­ნე­ბის მთე­ლი კო­ლო­ნა გა­ჩერ­და - ჯი­პე­ბი, შე­ი­ა­რა­ღე­ბუ­ლი ხალ­ხი, ძაღ­ლე­ბი. ძებ­ნა მთე­ლი ღამე გაგ­რძელ­და.

უსაფრ­თხო­ე­ბის ძა­ლებ­მა ეს იმით ახ­სნეს, რომ სახ­ლში "სა­ში­ში ტე­რო­რის­ტი“ ცხოვ­რობ­და. ამ პრო­ცეს­ში სცე­მეს ტიგ­რა­ნის ბე­ბი­ას, მო­ზარდს კი თავ­ზე შავი ნა­ჭე­რი ჩა­მო­ა­ფა­რეს და გა­ურ­კვე­ვე­ლი მი­მარ­თუ­ლე­ბით წა­იყ­ვა­ნეს.

იმა­ვე დღეს ნი­კი­ტა ხან­გა­ნო­ვის სახ­ლში რუსი სამ­ხედ­რო­ე­ბი მი­ვიდ­ნენ, მაგ­რამ იქ ვე­რა­ვინ იპო­ვეს.

რამ­დე­ნი­მე დღის გან­მავ­ლო­ბა­ში ტიგ­რა­ნი ბერ­დი­ანსკის ცენ­ტრში, გრე­ჩეს­კა­ი­ას ქუ­ჩა­ზე მდე­ბა­რე პო­ლი­ცი­ის უზარ­მა­ზარ ოთხსარ­თუ­ლი­ან შე­ნო­ბა­ში ჰყავ­დათ და­კა­ვე­ბუ­ლი.

5 ოქ­ტომ­ბერს იგი მო­უ­ლოდ­ნე­ლად გა­ა­თა­ვი­სუფ­ლეს და და­ა­ვა­ლეს, რომ პრო­კუ­რა­ტუ­რა­ში ყო­ველ­დღი­უ­რად გა­მო­ცხა­დე­ბუ­ლი­ყო.

გა­თა­ვი­სუფ­ლე­ბის შემ­დეგ ტიგ­რან­მა ოჯახს უთხრა, რომ პა­ტიმ­რო­ბის დროს მას ელექტრო­შო­კით აწა­მებ­დნენ. ტიგ­რა­ნის გა­თა­ვი­სუფ­ლე­ბი­დან მა­ლე­ვე, სამ­ხედ­რო­ებ­მა ნი­კი­ტაც და­ა­კა­ვეს და მა­მას­თან ერ­თად პო­ლი­ცი­ის გან­ყო­ფი­ლე­ბა­ში წა­იყ­ვა­ნეს. და­კი­თხეს და გა­ა­თა­ვი­სუფ­ლეს - ასე­ვე პრო­კუ­რა­ტუ­რა­ში გა­მო­ცხა­დე­ბის ვალ­დე­ბუ­ლე­ბით. ბი­ჭე­ბის სახ­ლებს რე­გუ­ლა­რუ­ლად ჩხრეკ­დნენ, მაგ­რამ ბრა­ლი ოფი­ცი­ა­ლუ­რად რამ­დე­ნი­მე თვის გან­მავ­ლო­ბა­ში არ წა­უ­ყე­ნე­ბი­ათ.

• გამ­გზავ­რე­ბის მცდე­ლო­ბა

დე­კემ­ბერ­ში მო­ზარ­დებს უთხრეს, რომ აღი­ა­რე­ბი­თი ჩვე­ნე­ბის სა­ნაც­ვლოდ გა­ა­თა­ვი­სუფ­ლებ­დნენ. მა­ლე­ვე, RIA Novosti - მ გა­მო­აქ­ვეყ­ნა ვი­დეო, ტიგ­რა­ნი­სა და ნი­კი­ტას ბუნ­დო­ვა­ნი სა­ხე­ე­ბით, რო­მელ­შიც ბი­ჭე­ბი რკი­ნიგ­ზა­ზე დი­ვერ­სი­ის მო­წყო­ბას აღი­ა­რებ­დნენ.

იან­ვარ­ში ტიგ­რა­ნის მთე­ლი ოჯა­ხი გერ­მა­ნი­ი­დან მის წა­საყ­ვა­ნად დაბ­რუნ­და. ბერ­დი­ანსკში რამ­დე­ნი­მე დღის გა­ტა­რე­ბის შემ­დეგ, რუ­სე­თის გავ­ლით, ისევ უკან უნდა დაბ­რუ­ნე­ბუ­ლიყ­ვნენ.

როს­ტოვ­ში სა­ზღვრის გა­დაკ­ვე­თის შემ­დეგ, მათი მან­ქა­ნა ტა­გან­როგ­ში რუ­სე­თის საგ­ზაო პო­ლი­ცი­ამ გა­ა­ჩე­რა - ტიგ­რა­ნი მან­ქა­ნი­დან გად­მო­იყ­ვა­ნეს და პო­ლი­ცი­ის გან­ყო­ფი­ლე­ბა­ში გა­და­იყ­ვა­ნეს, სა­დაც ხუთი სა­ა­თის გან­მავ­ლო­ბა­ში კი­თხავ­დნენ. შემ­დეგ კი დე­დას­თან ერ­თად როს­ტო­ვის ოლ­ქის სა­სა­ზღვრო გამ­შვებ პუნ­ქტთან მი­იყ­ვა­ნეს და დო­ნეც­კის თვით­გა­მო­ცხა­დე­ბუ­ლი რეს­პუბ­ლი­კის წარ­მო­მად­გენ­ლებს გა­დას­ცეს. ოჯა­ხი მა­რი­უ­პოლ­ში წა­იყ­ვა­ნეს, ისევ გა­ჩხრი­კეს და შემ­დეგ ბერ­დი­ანსკში და­აბ­რუ­ნეს. უმ­ცრო­სი შვი­ლე­ბი ბე­ბი­ას ჩა­ა­ბა­რეს, ტიგ­რა­ნი კი დე­დას­თან და მა­მი­ნაც­ვალ­თან ერ­თად სა­კან­ში გა­მო­კე­ტეს. სა­ბო­ლო­ოდ, ტიგ­რა­ნის გარ­და, ქა­ლა­ქი­დან გას­ვლის უფ­ლე­ბა ყვე­ლას მი­ე­ცა.

24 მა­ისს ბი­ჭებს ბრა­ლი წა­რუდ­გი­ნეს. საბ­რალ­დე­ბო დას­კვნა­ში ნათ­ქვა­მია, რომ გა­სუ­ლი წლის სექ­ტემ­ბერ­ში მო­ზარ­დებ­მა, უკ­რა­ი­ნის შე­ი­ა­რა­ღე­ბუ­ლი ძა­ლე­ბის მხარ­და­სა­ჭე­რად, სარ­კი­ნიგ­ზო ხა­ზე­ბი და­ა­ზი­ა­ნეს.

არას­რულ­წლო­ვა­ნებს ად­ვო­კა­ტე­ბი და­უ­ნიშ­ნეს. ტიგ­რა­ნის ოჯა­ხის თქმით, ერთ-ერთი მათ­გა­ნი ახალ­გაზ­რდებს და­ნა­შა­უ­ლის აღი­ა­რე­ბის­კენ მო­უ­წო­დებ­და. ახ­ლობ­ლე­ბი ცდი­ლობ­დნენ ეპო­ვათ და­მო­უ­კი­დე­ბე­ლი ად­ვო­კა­ტე­ბი, მაგ­რამ ამ საქ­მე­ზე მუ­შა­ო­ბას არა­ვინ თან­ხმდე­ბო­და - რეპ­რე­სი­ე­ბის ქვეშ მოქ­ცე­ვის რის­კი ძა­ლი­ან დიდი იყო.

ტიგ­რა­ნი­სა და ნი­კი­ტას საქ­მის სა­სა­მარ­თლო­ში წარ­დგე­ნის პერ­სპექ­ტი­ვამ გა­აძ­ლი­ე­რა უკ­რა­ი­ნე­ლი უფ­ლე­ბა­დამ­ცვე­ლე­ბის ძა­ლის­ხმე­ვა, რომ­ლე­ბიც ამ საქ­მეს თვალს ადევ­ნებ­დნენ. მათი წყა­ლო­ბით, მო­ზარ­დე­ბის ბედი ევ­რო­პა­სა და შე­ერ­თე­ბულ შტა­ტებ­ში გახ­და ცნო­ბი­ლი.

• სრო­ლა შმი­დტის პარკთან

ტიგ­რა­ნი და ნი­კი­ტა ყო­ველ­დღე აგ­რძე­ლებ­დნენ პრო­კუ­რა­ტუ­რა­ში გა­მო­ცხა­დე­ბას. ივ­ნის­ში, ტიგ­რა­ნის სახ­ლში შე­ი­ა­რა­ღე­ბუ­ლი ეს­კორ­ტი მი­ვი­და. მაგ­რამ ბიჭ­მა ნი­კი­ტას­თან ერ­თად გაქ­ცე­ვა მო­ა­ხერ­ხა. ისი­ნი გარ­კვე­უ­ლი პე­რი­ო­დის გან­მავ­ლო­ბა­ში ემა­ლე­ბოდ­ნენ სა­ო­კუ­პა­ციო პო­ლი­ცი­ას.

24 ივ­ნისს, და­ახ­ლო­ე­ბით 19:17 სა­ათ­ზე ბერ­დი­ანსკის მცხოვ­რებ­ლებ­მა სრო­ლის ხმა გა­ი­გეს. ხმე­ბი ქა­ლა­ქის ცენ­ტრში მდე­ბა­რე ყვე­ლა­ზე დიდ, ლე­ი­ტე­ნანტ შმი­დტის სა­ხე­ლო­ბის პარკში გა­ის­მა.

სრო­ლა­ში მო­ნა­წი­ლე პი­რის აღ­წე­რი­ლო­ბა ად­გი­ლობ­რივ ტე­ლეგ­რამ­ში გავ­რცელ­და: "კაცი (შე­საძ­ლოა სამ­ხედ­რო), შავგვრე­მა­ნი, და­ბა­ლი, ყა­ვის­ფე­რი პე­რან­გით.“

ერთი სა­ა­თის შემ­დეგ ოკუ­პან­ტე­ბის პრო­პა­გან­დის­ტულ ერთ-ერთ "ტე­ლეგ­რა­მარხზე" მომ­ხდა­რის შე­სა­ხებ ინ­ფორ­მა­ცია გავ­რცელ­და:

”და­ახ­ლო­ე­ბით სა­ღა­მოს 7 სა­ათ­ზე, რო­დე­საც მო­სახ­ლე­ო­ბა ოჯა­ხებ­თან ერ­თად ქა­ლა­ქის სა­ნა­პი­რო­ზე ის­ვე­ნებ­და, ორმა ტე­რო­რის­ტმა ავ­ტო­მა­ტი­დან ცე­ცხლი გახ­სნა. ტე­რო­რის­ტე­ბი გა­ა­ნად­გუ­რეს“, გან­ცხა­დე­ბა­ში და­სახ­ლე­ბუ­ლი იყო ერთ-ერთი მოკ­ლუ­ლის სა­ხე­ლიც - "ტიგ­რან ოჰა­ნე­სი­ა­ნი, რო­მე­ლიც ადრე და­კა­ვე­ბუ­ლი იყო ან­ტი­რუ­სუ­ლი საქ­მი­ა­ნო­ბის­თვის“. უკ­რა­ი­ნულ­მა მე­დი­ამ მა­შინ­ვე ივა­რა­უ­და, რომ მე­ო­რე მოკ­ლუ­ლი შე­საძ­ლოა მისი თა­ნაკ­ლა­სე­ლი და მე­გო­ბა­რი, ნი­კი­ტა ხან­გა­ნო­ვი ყო­ფი­ლი­ყო.

• "ეს სიკ­ვდი­ლია, ბი­ჭე­ბო"

იმა­ვე სა­ღა­მოს, ტიგ­რა­ნის გარ­დაც­ვა­ლე­ბამ­დე რამ­დე­ნი­მე წუ­თით ადრე ჩა­წე­რი­ლი ვი­დეო გავ­რცელ­და.

ჩა­ნა­წერ­ში ახალ­გაზ­რდა, ია­რა­ღით ხელ­ში, ამ­ბობს: "ეს ყვე­ლა­ფე­რი სიკ­ვდი­ლია, ბი­ჭე­ბო. მშვი­დო­ბით! დი­დე­ბა უკ­რა­ი­ნას!"

• "მე­მარ­ჯვე­ნე­ე­ბი“

მო­ზარ­დე­ბის და­ღუპ­ვის შე­სა­ხებ პირ­ვე­ლა­დი ცნო­ბე­ბი­დან მა­ლე­ვე, ინ­ტერ­ნეტ­ში კი­დევ რამ­დე­ნი­მე შე­ტყო­ბი­ნე­ბა გა­მოჩ­ნდა, რომ­ლე­ბიც, სა­ვა­რა­უ­დოდ, ტიგ­რან­მა სიკ­ვდი­ლამ­დე ჩა­წე­რა. მათ­მა ში­ნა­არსმა ახ­ლობ­ლე­ბი და უფ­ლე­ბა­დამ­ცვე­ლე­ბი გა­ა­ო­ცა.

ერთ-ერთ მათ­გან­ში ტიგ­რა­ნი ამ­ბობს:

"გა­მარ­ჯო­ბა, ძმაო. რამ­დე­ნი­მე რუსი მოვ­კა­ლით“. მე­ო­რე­ში გვეს­მის სი­ტყვე­ბი: "აქ ავ­ტო­მა­ტი მაქვს, სის­ხლი მომ­დის, და­ვი­ჭე­რი...“

ბი­ჭე­ბის ახ­ლობ­ლე­ბი და დამ­ცვე­ლე­ბი ამ­ბო­ბენ, რომ მათ­გან მე­მარ­ჯვე­ნე შე­ხე­დუ­ლე­ბე­ბი არას­დროს მო­უს­მე­ნი­ათ. მით უფრო გა­საკ­ვი­რია, რომ სიკ­ვდი­ლამ­დე ნა­ხევ­რად სო­მე­ხი ტიგ­რა­ნი თეთ­რი რა­სის უპი­რა­ტე­სო­ბის შე­სა­ხებ სა­უბ­რობ­და. არა­ნა­ი­რი სხვა მტკი­ცე­ბუ­ლე­ბა იმი­სა, რომ ტიგ­რა­ნი და ნი­კი­ტა რო­მე­ლი­მე ულტრა­მე­მარ­ჯვე­ნე ორ­გა­ნი­ზა­ცი­ას­თან თა­ნამ­შრომ­ლობ­დნენ, არ არ­სე­ბობს.

• გარ­დაც­ვა­ლე­ბის მი­ზე­ზი

სა­ო­კუ­პა­ციო ხე­ლი­სუფ­ლე­ბის მიერ გავ­რცე­ლე­ბუ­ლი ვერ­სია ბი­ჭე­ბის გარ­დაც­ვა­ლე­ბის მი­ზე­ზად თვით­მკვლე­ლო­ბას ასა­ხე­ლებს.

მათი თქმით, ტიგ­რან ოჰა­ნე­სი­ან­მა დაჭ­რა სა­მარ­თალ­დამ­ცვე­ლი და მოკ­ლა მშვი­დო­ბი­ა­ნი მო­ქა­ლა­ქე. ამის შემ­დეგ ეს­რო­ლა ნი­კი­ტას, შემ­დეგ კი თავი მო­იკ­ლა.

თვით­მკვლე­ლო­ბის ვერ­სი­ის გა­ა­ნა­ლი­ზე­ბი­სას, ად­ვო­კა­ტი ან­დრეი ია­კოვ­ლე­ვი მი­უ­თი­თებს ტიგ­რა­ნი­სა და ნი­კი­ტას ცხედ­რე­ბის ფო­ტო­ებ­ზე. მისი თქმით, ტიგ­რანს ჭრი­ლო­ბა გუ­ლის არე­ში აქვს მი­ყე­ნე­ბუ­ლი.

ად­ვო­კა­ტი მი­იჩ­ნევს, რომ რუ­სე­თის ხე­ლი­სუფ­ლე­ბა ახლა ყვე­ლაფ­რის ფა­სად ცდი­ლობს და­მა­ლოს, რა მოხ­და 24 ივ­ნი­სის სა­ღა­მოს, ბერ­დი­ანსკის ცენ­ტრში.

პრობ­ლე­მა ის არის, რომ მოკ­ლუ­ლი ტიგ­რა­ნი­სა და ნი­კი­ტას ცხედ­რე­ბი ახ­ლობ­ლე­ბის­თვის ჯერ არ გა­და­უ­ცი­ათ. პირ­ვე­ლი ინ­ფორ­მა­ცი­ით, მო­ზარ­დე­ბი 29 ივ­ნისს უნდა და­ეკ­რძა­ლათ, მაგ­რამ მორ­გმა, უბ­რა­ლოდ, უარი თქვა და­ღუ­პულ­თა ახ­ლობ­ლე­ბის­თვის ცხედ­რე­ბის გა­და­ცე­მა­ზე.

30 ივ­ნისს, უკ­რა­ი­ნე­ლი უფ­ლე­ბა­დამ­ცვე­ლე­ბის თქმით, მო­ზარ­დე­ბის ცხედ­რე­ბი მე­ლი­ტო­პოლ­ში, და­მა­ტე­ბით ექ­სპერ­ტი­ზა­ზე გა­და­ას­ვე­ნეს.

უფ­ლე­ბა­დამ­ცვე­ლე­ბი, რომ­ლე­ბიც არას­რულ­წლო­ვა­ნე­ბის საქ­მეს ბო­ლომ­დე იკ­ვლევ­დნენ, აპი­რე­ბენ და­მო­უ­კი­დებ­ლად შე­აგ­რო­ვონ მტკი­ცე­ბუ­ლე­ბე­ბი მათი გარ­დაც­ვა­ლე­ბის გა­რე­მო­ე­ბე­ბის და­სად­გე­ნად.

ნი­კი­ტა­სა და ტიგ­რა­ნის დაკ­რძალ­ვის თა­რი­ღი ჯერ დად­გე­ნი­ლი არ არის. ორი დღის წინ გავ­რცე­ლე­ბუ­ლი ინ­ფორ­მა­ცი­ის თა­ნახ­მად, მათი ცხედ­რე­ბი ოჯა­ხის­თვის ჯერ კი­დევ არ გა­და­უ­ცი­ათ. უკ­რა­ი­ნე­ლე­ბი მო­ზარ­დე­ბის­თვის ეროვ­ნუ­ლი გმი­რის სტა­ტუ­სის მი­ნი­ჭე­ბას ითხო­ვენ.