მნიშვნელოვანი ინფორმაცია
13
აპრილიდღის ზოგადი ასტროლოგიური პროგნოზი
კვირა, მთვარის მეთექვსმეტე დღე დაიწყება 21:28-ზე, მთვარე 17:54-ზე გადაბრძანდება მორიელში
მშვიდობიანი საქმეები წარმატებით დასრულდება. კაპიტალდაბანდებებს მოერიდეთ. კარგი დღეა იურიდიული საკითხების მოსაგვარებლად, სასამართლო პროცესების დასაწყებად; შემოქმედებითი საქმიანობისთვის. გარშემო მყოფებთან ურთიერთობისას გამოიჩინეთ ტაქტი. უფროსს მნიშვნელოვან საკითხებზე საუბრისთვის ნუ შეხვდებით; წვრილ-წვრილი საკითხები მოაგვარეთ. კარგი დღეა დასვენების, მოგზაურობის, ფიზიკური დატვირთვისა და საოჯახო საქმეების შესრულებისთვის. მოერიდეთ ალკოჰოლის მიღებას, მოწევას; ცხარე და ცხიმიან საკვებს; ცხოველური საკვების მიღებას. ნებადართულია თევზი და სოკო. მოიმატებს სტრესული და სარისკო ქმედებების რაოდენობა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ისევ არ მჯერა, რომ სულ მალე ჩემს წიგნს შევეხები, გადავშლი, წავიკითხავ" - გაიცანით "გახდი ბესტსელერის ავტორის" გამარჯვებული ანი ბალიაშვილი
12:09 / 15-06-2023
მწერლების შემოქმედებაზე მუდმივად აისახებოდა ის რეალობა, რომელშიც ისინი ცხოვრობდნენ და ასე ხდება დღესაც. თანამედროვე ავტორების ნამუშევრებში პირდაპირ თუ ირიბად იკვეთება ის სირთულეები და პრობლემები, რომელიც საზოგადოების წინაშე დგას.
„პალიტრა L-ის“ კონკურსის „გახდი ბესტსელერის ავტორის“ გამარჯვებულების ნამუშევრები ყოველწლიურად ამის მაგალითია. 2023 წლის რჩეულთა შორის მოხვდა ავტორი, რომლის რომანიც უმძიმეს თემას - ფემიციდს ეხმაურება. ჟიურის წევრი და მწერალი დიანა ანფიმიადი გვიამბობს, რომ წიგნი არის ერთგვარი მანიფესტი, როგორ გადარჩა ძალადობის მსხვერპლი ქალი და რა გამოსავალი შეიძლება ნახონ ასეთ მდგომარეობაში მყოფმა სხვა ადამიანებმა. მწერალი კონკურსის გამარჯვებულთან ერთად წიგნის რედაქტირების პროცესშია და როგორც AMBEBI.GE-სთან საუბარში აღნიშნა, შემოდგომიდან მკითხველი აქტუალურ საკითხზე მომზადებულ საინტერესო ნამუშევარს იხილავს.
ვინ არის წიგნის ავტორი, რომელმაც ჟიურის აზრით კარგად შეძლო მთელი იმ სირთულეების წარმოჩენა, რის წინაშეც ძალადობის მსხვერპლი ქალები დგანან?
ეს 22 წლის ანი ბალიაშვილია, ორი შვილის დედა და სტუდენტი, რომელიც თსუ-ის იურიდიული ფაკულტეტზე სწავლობს. მისი კარიერა კი ამ ეტაპზე დაკავშირებულია სოციალური მედიის მენეჯმენტთან, დაინტერესებულია მწერლობით.
„ამჟამად ჩემი პროფესიისგან განსხვავებულ სფეროში ვმუშაობ. სოციალური პლატფორმები, მისი თავისებურებები, ქოფირაითინგი, დიზაინი... ეს საქმე საკმაოდ საინტერესო აღმოჩნდა ჩემთვის“, - გვიამბობს ის.
კითხვაზე, როდის დაინტერესდა წერით, გვიამბობს, რომ ზოგადად, ლიტერატურისა და წერის მიმართ ძლიერი სიყვარულის გამო, ყოველთვის აქტიურად იყო ჩართული ღონისძიებებში, შემოქმედებით საღამოებში და ბოლოს კონკურსში მონაწილეობის მიღების დროც დადგა.
„ჩემი წიგნის სიუჟეტი ქალთა მიმართ ძალადობას ეხება და არის ერთგვარი პროტესტი იმ სამყაროში, სადაც ქალებს დღესაც უწევთ გადარჩენისთვის ბრძოლა. თავდაპირველად, როდესაც ამ კონკურსის შესახებ გავიგე, მინდოდა, ჩემი ბავშვობის ოცნება ამესრულებინა და საკუთარი სახელი და გვარი დამენახა წიგნის ყდაზე, თუმცა შემდეგ ყველაფერი შეიცვალა. წერის პროცესში მივხვდი, რომ ხმა უნდა მიმეწვდინა იმ ადამიანებისთვის, რომლებსაც ეს ყველაზე მეტად სჭირდებათ. ეს კონკურსი კი ამისთვის მართლაც იდეალური საშუალებაა“, -აღნიშნა „გახდი ბესტსელერის ავტორის“ გამარჯვებულმა.
ანი ბალიაშვილის ნამუშევარმა ჟიურის აღიარება მიიღო. ის შედეგების გამოცხადების შემდეგ საკუთარ ემოციებს გვიზიარებს:
„ძალიან მოულოდნელი იყო, როდესაც გავიგე მათი ვინაობა და მახსოვს, გონებაში მთელი დღე მიტრიალებდა „ასეთი დონის მწერლებს ნამდვილად მოეწონათ ჩემი ნაწარმოები? სიზმარში ვარ?“ ეს იყო უდიდესი მოტივაცია და საკუთარ შესაძლებლობებში დარწმუნება.
მივცემ საკუთარ თავს იმის თქმის უფლებას, რომ ეს არის წიგნი, რომელიც ერთი ამოსუნთქვით იკითხება. ამიტომაც ვრცლად არ მოვყვები მის შინაარსზე. მხოლოდ იმას ვიტყვი, რომ მასში უამრავი ადამიანი ამოიცნობს საკუთარ თავს, შეხვდებიან ნაცნობ ტკივილებს და იგრძნობენ, რომ ვიღაცას მათიც ესმის. ეს ნაწარმოები არის ჩემი და არამხოლოდ ჩემი ხმა, რომელიც აუცილებლად უნდა გაიგონ სხვებმაც და მოიკრიბონ ძალები, რომ თავადაც ალაპარაკდნენ!“, - გამარტავს ავტორი.
როგორც AMBEBI.GE-ს უამბო, კონკურსში მონაწილეობისას ოჯახისგან ძლიერ მხარდაჭერას გრძნობდა, რაც დაძაბულობასთან გამკლავებაში ეხმარებოდა:
„ამ კონკურსის მიმდინარეობისას ჩემთვის უდიდესი მნიშვნელობა ჰქონდა ჩემს ოჯახს, რომელიც მუდმივად იზიარებდა ჩემს ემოციებს და მაძლევდა ენერგიას, რომელიც მეხმარებოდა დაძაბულობასა და ნერვიულობასთან გამკლავებაში... აქ აუცილებლად უნდა ვახსენო დედაჩემი. ადამიანი, რომელსაც არასდროს ეპარება ეჭვი ჩემში, მაშინაც კი, როდესაც მე თვითონაც არ ვარ დარწმუნებული ჩემს შესაძლებლობებში. უზომოდ მადლიერი ვარ, რომ გვერდით ასეთი ადამიანები მყავს“,- იხსენებს ის.
ანი ბალიაშვილი წიგნის რედაქტირების პროცესში მწერალ დიანა ანფიმიადთან მიღებულ გამოცდილებასაც გვიზიარებს. მისი თქმით, ეს პროცესი მისთვის, როგორც დამწყები ავტორისთვის უმნიშვნელოვანესი იყო:
„ეს არის უდიდესი გამოცდილება. ქალბატონ დიანასთან მუშაობის პროცესში სრულიად სხვა თვალით შევხედე საკუთარ ნაწერს და თითქოს უფრო ობიექტური გავხდი, რაც მეხმარება იმაში, რომ რეალურად დავინახო რაზე მჭირდება მუშაობა. ვგრძნობ, რომ გავიზარდე და ძალიან მახარებს ეს ფაქტი“, - აღნიშნა მან.
კონკურსის „გახდი ბესტსელერის ავტორი 2023“ გამარჯვებულთა ნამუშევრებს მკითხველთა ფართო წრეები წლის ბოლოს გაეცნობიან, მანამდე კი თითოეული მათგანი მენტორთან ერთად ნამუშევრების სრულყოფაზე მუშაობს.
R
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქარიშხალი ამერიკის შეერთებულ შტატებში - უცხოური მედიების ცნობით, სტიქიურ მოვლენას, სულ მცირე, 24 ადამიანის სიცოცხლე ემსხვერპლა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
