"ფრონტის ხაზზე აღმოსავლეთი საბრძოლო მოქმედებების ეპიცენტრად რჩება, ხოლო ბახმუტის მიმართულების საბრძოლო მოქმედებები გრძელდება" - ანა მალიარი უკრაინაში არსებულ ვითარებაზე
ბახმუტთან რუსეთის ფედერაცია რეზერვების შეკრებას ახდენს და ცდილობს დაკავებული პოზიციები შეინარჩუნოს, - ამის შესახებ ინფორმაციას უკრაინული მედია ავრცელებს.
"ფრონტის ხაზზე უკრაინის აღმოსავლეთი რჩება საბრძოლო მოქმედებების ეპიცენტრად, ხოლო ბახმუტის მიმართულების რამდენიმე უბანზე გრძელდება აქტიური საბრძოლო მოქმედებები“, - განაცხადა თავდაცვის მინისტრის მოადგილემ ანა მალიარმა.
მისივე თქმით, რუსეთის შეიარაღებული ძალები აგრძელებენ ძირითადი ძალების კონცენტრირებას ლიმანის, ბახმუტის, ავდეევკას და მარიინკას მიმართულებით, სადაც მიმდინარეობს მძიმე ბრძოლები. ასევე ყველა მიმართულებით რუსი სამხედროები აგრძელებენ საავიაციო, საარტილერიო და ნაღმსატყორცნის დარტყმების განხორციელებას.
"ამასთან, მტერი ვერ აღწევს დასახულ მიზნებს. ჩვენი დამცველები უმკლავდებიან შეტევებს", - განაცხადა მალიარმა.
"ამასთან, მტერი ცდილობას იერიშის მიტანას, მაგრამ ამაოდ. ამ დროს ჩვენ ბიჭებს უწევთ აქტიური საბრძოლო მოქმედებების განხორციელება ბახმუტის რამდენიმე უბანზე", - დასძინა უკრაინის თავდაცვის მინისტრის მოადგილემ.
მედიის მიერ გავრცელებული ინფორმაციით, გარდა ამისა, ზაპოროჟიეს მიმართულებით მოწინააღმდეგე ახორციელებს თავდაცვით მოქმედებებს, გრძელდება პოზიციური ბრძოლები.