რომის პაპს ოპერაციას ჩაუტარებენ
რომის პაპს დღეს Gemelli-ს საავადმყოფოში მუცლის ღრუს ოპერაცია ჩაუტარდება. ვატიკანის ინფორმაციით, 86 წლის ფრანცისკე კლინიკაში გუშინ გადაიყვანეს და იქ კიდევ რამდენიმე დღეს დაჰყოფს. ფრანცისკე საავადმყოფოს მე-10 სართულზე, სპეციალურ ლუქსში დარჩება.
პაპს წინა კვირას ჩატარებულ ყოველკვირეულ აუდიენციაზე მომავალი ოპერაციის შესახებ არაფერი უხსენებია.
ვატიკანის განცხადებაში ნათქვამია, რომ ოპერაცია აუცილებელი იყო, რათა თიაქარისთვის მიეხედათ..
პაპს ბოლო წლების განმავლობაში ჯანმრთელობის პრობლემები აქვს.
2021 წლის ივლისში მას მსხვილი ნაწლავის ოპერაცია ჩაუტარდა. ამ წლის დასაწყისში, 86 წლის ფრანცისკემ ფილტვის ინფექციის გამო საავადმყოფოში 5 დღე გაატარა, წინა თვეში კი სიცხის გამო მოუწია ღვთისმსახურების გაცდენა.
წყარო: reuters
მოამზადა: ანა სიბოშვილმა