!["როცა ადამიანს შეუძლია, პატიმარ ქალს [მზია ამაღლობელს] ცილისწამებით შეეხოს, არაკაცობაა" - ანდრო ჭიჭინაძე ირაკლი კობახიძეზე](https://cdn.ambebi.ge/media/__thumbs__/images/2025/04-24/chichinadze10-51179.webp)
25
აპრილიდღის ზოგადი ასტროლოგიური პროგნოზი
"ილიას სახელმწიფო უნივერსიტეტის“ რექტორი ნინო დობორჯგინიძე სოციალურ ქსელში განცხადებას ავრცელებს. რექტორი ეხმაურება "რუსთავი 2"-ზე გასულ სიუჟეტს, რომელშიც ის მოიხსენიეს, როგორც ნასამართლევი და უნივერსიტეტის ბიუჯეტის არამიზნობრივ ხარჯვასა და ნეპოტიზმში დაადანაშაულეს.
რაც შეეხება ნასამართლეობის თემას, ნინო დობორჯგინიძე წერს, რომ 2010 წელს მართლაც ავარიაში მოყვა, რის შედეგადაც მისი ერთადერთი დისშვილი დაიღუპა. რექტორის თქმით, უნივერსიტეტზე ფინანსური საფუძვლით თავდასხმის მიზეზი არ არსებობდა და ახლა გამოიკვეთა, რომ რეალური მიზანი "მისი ფსიქოლოგიური განადგურება და უნივერსიტეტის, როგორც გამორჩეული ევროპული სივრცის, დაზიანებაა".
ნინო დობორჯგინიძე:
"2010 წელს ნამდვილად შემემთხვა უმძიმესი ავარია, რომლის დროს დაიღუპა ჩემი ერთადერთი დისშვილი. ამ ამბავმა არა მარტო ჩემი, არამედ მთელი ჩემი ოჯახის, მათ შორის პატარა ბავშვების ცხოვრება შეცვალა.
იმედი მაქვს, ისინი ამ ბინძურ სიუჟეტს ვერ/არ ნახავენ, თვალს აარიდებენ. პირადად მე ამის შეხსენება არ მჭირდება, მე ამაში ვცხოვრობ 2010 წლის აგვისტოდან ყოველ წამს.
დღევანდელი სიუჟეტით ბოლოსდაბოლოს გაირკვა რეალური მიზეზი, რატომ დაესხნენ თავს ილიას უნივერსიტეტს. არანაირი ფინანსური საფუძველი რომ არ არსებობდა, თავადაც კარგად იცოდნენ.
ეს წინასწარი მოსამზადებელი ფაზა იყო ჩემი ფსიქოლოგიური განადგურებისთვის და ამით უნივერსიტეტის, როგორც გამორჩეული ევროპული სივრცის, დაზიანებისთვის.“
ეს ტრაგედიაც მაძლევს ძალას, ბევრად უფრო მეტზე ვიფიქრო, ვიდრე ჩემი საკუთარი პრობლემებია. რასაც დღეს ილიას უნივერსიტეტი აკეთებს, ის ყველას გვჭირდება, ქართულ საზოგადოებას სჭირდება და თუნდაც ასეთი არაადამიანური თავდასხმა ვერ შემიშლის ხელს, გავაგრძელო საქმიანობა, როგორც პროფესორმა და როგორც ამ უნივერსიტეტის რექტორმა".
სიუჟეტის მიხედვით, ილიაუნის რექტორს სტუდენტების გარკვეული ჯგუფი თანხის არამიზნობრივ ხარჯვასა და ნეპოტიზმში სდებს ბრალს. ორგანიზაცია „სტუდენტები სამართლიანობისთვის“ წარმომადგენლების თქმით, ნინო დობორჯგინიძე წარსულში ნასამართლევია და მას არ აქვს "მორალური და იურიდიული უფლება", იყოს უნივერსიტეტის რექტორი.
ვერ მივხვდი, რადგან დისშვილი იყო ამით რა? ამიხსნას, ჩემი შვილი რომ მოეკლა ტრაგედია არ იქნებოდა? ასეთ შემთხვევაში ტრაგედიით არ იცხოვრებდა? მაინტერესებს, რა მიუსაჯეს?
რექტორთან რა უნდათ ,როცა გენპროკურორი ჰყავდათ ნასამართლევი