"შეწყვიტეთ სიკვდილით დასჯა" - ულამაზესი ირანელი მოდელის პროტესტი ირანის დიქტატურას და კაბა მარყუჟით: ფოტოები კანის კინოფესტივალიდან
კანის კინოფესტივალი პოპულარული ადამიანების მხრიდან წელს არაერთი პოლიტიკურ განცხადების გაკეთების ადგილი იყო. უკრაინელი მოდელის, ალინა ბაიკოვას შემდეგ, საზოგადოების ყურადღება ირანელმა მოდელმა, მაჰლაღა ჯაბერიმ მიიქცია.
33 წლის ჯაბერი წითელ ხალიჩაზე შავი ელეგანტური კაბით წარსდგა, რომლის საყელოც კისერზე მარყუჟის სახით იყო მიმაგრებული. მოდელმა ამით ირანში სიკვდილით დასჯის კანონი გააპროტესტა. მოდელის თქმით, სურდა მოდის საშუალებით, სამოსის გამოყენებით პოლიტიკური განცხადება გაეკეთებინა.
"გვსურდა, რომ მიგვეპყრო მედიის ყურადღება იმ უსამართლობისკენ, რაც ირანში ხდება. სამწუხაროდ, კანის კინოფესტივალზე არ არის დაშვებული პოლიტიკური განცხადებების გაკეთება, ამიტომ ეს გადაწყვეტილება მივიღე", - წერს მოდელი "ინსტაგრამზე".
ნორვეგიაში არსებული ირანის ადამიანის უფლებათა დაცვის ჯგუფის ინფორმაციით, ირანში ბოლო 18 დღის განმავლობაში სულ მცირე, 90 ადამიანი დასაჯეს სიკვდილით. ამის გამო, ბოლო ხუთი წლის განმავლობაში მაისს ყველაზე სისხლიანი თვე ეწოდა.
მოამზადა: ანი შავიშვილმა
ნახეთ ასევე: