23
აპრილიდღის ზოგადი ასტროლოგიური პროგნოზი
ალბათ გახსოვთ ახალი წლის დღეებში სოციალურ ქსელში სადღესასწაულოდ ლამაზად გაფორმებული თბილისის ზაქარიაძის ქუჩის ფოტოები რომ გავრცელდა. ის ნაძვის ხეები და დეკორაციები ზაქარიაძის ქუჩის მოსახლეობამ ერთობლივად, საკუთარი ძალებით გაკეთეს. ამ ქუჩას ყველაზე სუფთა ქუჩის სტატუსიც აქვს მინიჭებული.
"ზედიზედ ორჯერ 2021 წელსა და 2022-ში გავიმარჯვეთ. ყველაზე ლამაზი და სუფთა ქუჩის სტატუსი მოვიპოვეთ. დაგვაჯილდოვეს. არ გვეგონა, თუ ასეთი მასშტაბური კონკურსი და საინტერესო ჟიური იქნებოდა“ - გვითხრა ამ საქმის ორგანიზატორმა, სულისჩამდგმელმა და ერთ-ერთი კორპუსის თავმჯდომარემ ლევან მშვილდაძემ. მნიშვნელოვანია, რომ მთელი ქუჩა ყოველთვის სიხარულით ერთვება ქუჩის გალამაზების ნებისმიერ აქტივობაში.
ზაქარიაძის ქუჩის მოსახლეობამ ამჯერად 22 აპრილს დედამიწის დღე აღნიშნა. ქუჩის მაცხოვრებლებმა საკუთარი ტერიტორია ტრადიციულად თვითონ გაამწვანეს. დედამიწის დღისადმი მიძღვნილი კონცერტიც გამართეს. იყო ცეკვა, სიმღერა და მხიარულება.
"ამ დღეს შევუერთდით 200 ქვეყანას და მსოფლიოს ვუთხარით, რომ დედამიწაზე არის ერთი პატარა ქვეყანა საქართველო, სადაც არის ერთი ქალაქი თბილისი და ამ თბილისში ერთი პატარა ქუჩაა, სადაც დიდი სიყვარულია. მინდა, ყველას ვთხოვო, თუ არ შეგიძლიათ დაგვეხმაროთ დასუფთავებაში, გალამაზებაში, დაგვეხმარებით იმაში, რომ სიგარეტის ნამწვავს მაინც არ დააგდებთ.
არ დააბინძურებთ, ეს უკვე დახმარებაა. დღეს ყველაზე დიდი დეფიციტი რაც არის, ეს არის ურთიერთობა. ამ დღის მიზანია, მეზობლები ერთმანეთს მეტად დაუახლოვდნენ... მოვაწყვეთ ასევე შემოქმედი და ხელოვანი ადამიანების ნამუშევრების გამოფენაც. ეს იმისთვის, რომ რაღაც ფორმით ყველა ყოფილიყო ამ ყველაფერში ჩართული. თბილისის მერია მხარში დაგვიდგა, მაგრამ ძირითადად ჩვენ გავაკეთეთ გამოფენა-გაყიდვა, დახლები, ბანერი, კონცერტი, სამეგობრო და სამეზობლო ვიყავით ამაში ჩართული. ეს ურთიერთობაა, სიყვარულია, რაც ამ ქალაქს დღეს აკლია. ადრე იყო ხოლმე ეს მიდგომა - ქუჩაში ბავშვებს არ უშვებდნენ იმ მოტივით, რომ ქუჩა ცუდია. ჩვენი ქუჩის ღონისძიებით, ქუჩის მუსიკოსებით ვფიქრობთ, რომ ბევრი რამ ვთქვით“ - გვითხრა ლევან მშვილდაძემ.
