მნიშვნელოვანი ინფორმაცია
13
აპრილიდღის ზოგადი ასტროლოგიური პროგნოზი
კვირა, მთვარის მეთექვსმეტე დღე დაიწყება 21:28-ზე, მთვარე 17:54-ზე გადაბრძანდება მორიელში
მშვიდობიანი საქმეები წარმატებით დასრულდება. კაპიტალდაბანდებებს მოერიდეთ. კარგი დღეა იურიდიული საკითხების მოსაგვარებლად, სასამართლო პროცესების დასაწყებად; შემოქმედებითი საქმიანობისთვის. გარშემო მყოფებთან ურთიერთობისას გამოიჩინეთ ტაქტი. უფროსს მნიშვნელოვან საკითხებზე საუბრისთვის ნუ შეხვდებით; წვრილ-წვრილი საკითხები მოაგვარეთ. კარგი დღეა დასვენების, მოგზაურობის, ფიზიკური დატვირთვისა და საოჯახო საქმეების შესრულებისთვის. მოერიდეთ ალკოჰოლის მიღებას, მოწევას; ცხარე და ცხიმიან საკვებს; ცხოველური საკვების მიღებას. ნებადართულია თევზი და სოკო. მოიმატებს სტრესული და სარისკო ქმედებების რაოდენობა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ხელისუფლებას ყველანაირი სამართლებრივი ბერკეტი გააჩნია ამ კანონის მისაღებად. ერთადერთი, რაც ამას ხელს შეუშლის, ხალხის ერთსულოვანი წინააღმდეგობაა" - ვახუშტი მენაბდე
19:13 / 06-03-2023
საქართველოს პარლამენტის იურიდიულ საკითხთა კომიტეტმა "ხალხის ძალის“ მიერ ინიცირებულ ე.წ. აგენტების შესახებ კანონპროექტებს მხარი დაუჭირა.
რა სამართლებივი პროცედურებია წინ და მოახერხებს თუ არა უმრავლესობა კანონად დაამტიცოს პროექტი, რომელის წინააღმდეგაც ხალხი ქუჩაში გამოვიდა - ამ კითხვზე პასუხის გაცემა კონსტიტუციონალისტ ვახუშტი მენაბდეს ვთხოვეთ.
მისი თქმით, ერთადერთი, რამაც შეიძლება ამ კანონის მიღებას ხელი შეუშალოს, ხალხის წინააღმდეგობაა. როგორც ის განმარტავს, ხელისუფლებას აქვს ყველანაირი სამართლებრივი ბერკეტი, ეს კანონი მიიღოს.
"პროცედურულად ახლა წინ გვაქვს ასეთ პროცესი; მას შემდეგ რაც იურდიულმა კოომიტეტმა მხარი დუჭირა კანონპროექტს, ამ კვირაში სავარაუდოდ, დასრულდება პლენარულ სხდომებზე მისი განხილვა, შემდეგ პროექტი გაიგზავნება ვენეციის კომისიაში, იქედან როცა გამოიგზავნება რეკომენდაციები, შემდგ დაიწყება პირველი და მეორე მოსმენით განხილვები და ,დიდი ალბათობით, პარლამენტი დაამტკიცებს კანონს.
ამის შემდეგ პრეზიდენტს შეუძლია, ვეტო დაადოს, თუმცა 76 ხმაა მის დასაძლევად საჭირო და უმრავლესობას ეს რესურსი აქვს პარლამენტში. საბოლოო ინსტანცია არის საკონსტიტუციო სასამართლოში გსაჩივრება. თუმცა ძალიან მეეჭვება საკონსტიტუციო სასამართომ ხელისუფლების ზეწოლას გაუძლოს და რამე განსხვავებული გადაწყვიტოს.
ასე, რომ ხელისფლებას ყველანაირი სამართლებრივი ბერკეტი გააჩნია ამ კანონის მისაღებად. ერთადერთი, რაც ამას ხელს შეუშლის, ხალხის ერთსულოვანი წინააღმდეგობაა" - აცხადებს AMBEBI.GE -სთან ვახუშტი მენაბდე.
ინფორმაციისთვის, კანონპროექტები წარდგენილია "ხალხის ძალიდან“ უმრავლესობის წევრი დეპუტატების: - სოზარ სუბარის, დიმიტრი ხუნდაძის, მიხეილ ყაველაშვილის, გურამ მაჭარაშვილის, დაჩი ბერაიას, ვიქტორ ჯაფარიძის, ეკა სეფაშვილის, დავით კაჭარავას და ზაალ მიქელაძის მიერ.
პარლამენტში თავდაპირველად "უცხოური გავლენის გამჭვირვალობის შესახებ“ კანონპროექტი დარეგისტრირდა. აღნიშნული კანონპროექტი "გამჭვირვალობის უზრუნველყოფის მიზნით“, უცხოური გავლენის აგენტებად ისეთი არასამეწარმეო (არაკომერციული) იურიდიული პირებისა და მედიასაშუალებების რეგისტრაციას ითვალისწინებს, რომელთა შემოსავლის გარკვეული მოცულობა (20%-ზე მეტი) უცხოეთიდან არის მიღებული.
კანონპროექტის მიხედვით, ყველა, ვინც "უცხოური გავლენის აგენტად“ მოიაზრება, საჯარო რეესტრში სავალდებულო წესით ამავე სახელწოდების ბაზაში უნდა დარეგისტრირდეს. რეგისტრაციის დროს აუცილებელი იქნება მიღებული შემოსავლების ასახვა. ამავდროულად, ორგანიზაციებს საფინანსო დეკლარაციის ყოველწლიურად შევსების ვალდებულება ექნებათ.
კანონპროექტი "უცხოური გავლენის აგენტის გამოსავლენად" იუსტიციის სამინისტროს უფლებამოსილებას ანიჭებს ნებისმიერ დროს კვლევა ჩაატაროს და საკითხის შესწავლა-მონიტორინგი განახორციელოს.
ამავე პროექტით, მონიტორინგის დაწყების საფუძველი იქნება იუსტიციის სამინისტროს შესაბამისი უფლებამოსილი პირის გადაწყვეტილება და იუსტიციის სამინისტროსთვის წარდგენილი წერილობითი განცხადება, რომელიც "კონკრეტულ უცხოური გავლენის აგენტთან დაკავშირებულ სათანადო მინიშნებას შეიცავს“.
უცხოური გავლენის აგენტად რეგისტრაციისთვის თავის არიდება ან დეკლარაციის შეუვსებლობა გამოიწვევს ორგანიზაციის დაჯარიმებას 25 ათასი ლარის ოდენობით. პროექტით ასევე გათვალისწინებულია შემდეგი სახის ჯარიმები: - იუსტიციის სამინისტროს ვებ-გვერდზე დაშვებიდან 10 სამუშაო დღის ვადაში, თუ ორგანიზაცია არ შეავსებს განაცხადის ფორმას - 10 ათასი ლარი; დოკუმენტებში ხარვეზების განსაზღვრულ ვადაში არგამოსწორების შემთხვევაში - 10 ათასი ლარი; კანონით გათვალისწინებული სამართალდარღვევის ერთი თვის შემდეგ ჩადენა - 20 ათასი ლარი.
რაც შეეხება რიგით მეორე - "უცხოელი აგენტების რეგისტრაციის შესახებ“ კანონპროექტს, აღნიშნული პროექტის გათვალისწინებით, უცხოეთის აგენტად რეგისტრაციის ვალდებულება ნებისმიერ ფიზიკურ და იურიდიულ პირს ექნება, რომელიც დაფინანსებას უცხოეთიდან იღებს.
"უცხოელი აგენტების რეგისტრაციის შესახებ“ კანონით გათვალისწინებული ვალდებულების შეუსრულებლობა ან არაჯეროვნად შესრულება გამოიწვევს სისხლის სამართლის პასუხისმგებლობას და იქნება დასჯადი ჯარიმით ან თავისუფლების აღკვეთით - 5 წლამდე ვადით.
პროექტის თანახმად, სუბიექტები, რომლებიც კანონპროექტით დადგენილ უცხოური ძალის აგენტის კრიტერიუმებს აკმაყოფილებენ, ვალდებული ხდებიან, გენერალურ პროკურორს მიმართონ და უცხოური ძალის აგენტად დარეგისტრირება მოითხოვონ.
აღნიშნული კანონის მოქმედება არ გავრცელდება დიპლომატებზე, კონსულებზე და დიპლომატიური სამსახურისა და საკონსულო დაწესებულების თანამშრომლებზე. კანონი ასევე არ შეეხება უცხო ქვეყნის თანამდებობის პირებს, პირს, რომელიც საქველმოქმედო საქმიანობას ეწევა და პირს, "რომელიც რელიგიურ, საგანმანათლებლო, მეცნიერულ, აკადემიურ ან სახელოვნებო საქმიანობას კეთილსინდისიერად ეწევა“.
ასევე იხილეთ:
მკითხველის კომენტარები /
15 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქარიშხალი ამერიკის შეერთებულ შტატებში - უცხოური მედიების ცნობით, სტიქიურ მოვლენას, სულ მცირე, 24 ადამიანის სიცოცხლე ემსხვერპლა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ფაქტი ის არის რომ ხალხი ამას არ აპროტესტებს და სწორადაც იქცევა
ხალხი არ ვართ, ვისაც გამჭირვალობა გვინდა? ვისაც გვინდა ვიცოდეთ, ვინ ასრულებს სხვა ქვეყნის დავალებებს, და ვინ ჩვენი ქვეყნის?