მნიშვნელოვანი ინფორმაცია
23
აპრილიდღის ზოგადი ასტროლოგიური პროგნოზი
ოთხშაბათი, მთვარის ოცდამეხუთე დღე დაიწყება 04:59-ზე, მთვარე 09:03-ზე გადავა თევზების ზოდიაქოში
ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. ამ დღის რთული ორგანოა ყურები, მოერიდეთ მათ გახვრეტას, ოპერაციას, გაწმენდას. არ გირჩევთ ოპერაციის ჩატარებას ღვიძლზე, ფეხებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ინალ არძინბას მორიგი სამიზნე: "ე.წ. საგარეო საქმეთა მინისტრმა დიპლომატიური სამსახურების გეგმაზომიერი განადგურება დაიწყო..."
09:58 / 03-03-2023
ოკუპირებულ აფხაზეთის ე.წ. საგარეო საქმეთა მინისტრს დიპლომატიური სამსახურების მიზანმიმართულ შემცირებაში ადანაშაულებენ. ე.წ. საელჩოს ყოფილი თანამშრომლის, ტატიანა გულიას თქმით, ის ინალ არძინბას მიერ განხორციელებულ შემცირებაში მოჰყვა. მისივე თქმით, არძინბამ ამ სამსახურის გეგმაზომიერი განადგურება დაიწყო...
გულიას მტკიცებით, ის აფხაზეთის ე.წ. საჯარო უწყებებში 1992 წლიდან მუშაობს, შემდეგ უკვე, რუსეთის საელჩოში, მრჩეველი-თანაშემწის თანამდებობაზე მუშაობდა, თუმცა ინალ არძინბას ბრძანებით გაათავისუფლეს...
მისივე თქმით, საელჩოში ვითარება მას შემდეგ გამწვავდა, რაც ბჟანიას პრეზიდენტობის პერიოდში ელჩი, იგორ ახბა გაათავისუფლეს.
"ამას მოჰყვა, საელჩოს პერიოდული განადგურება, ფინანსური პრობლემები, სხვადასხვა თანამდებობებზე პირადი ნაცნობობის ფონზე შერჩეული ადამიანების უწესრიგო დანიშვნა, თვითნებური გათავისუფლებები, მათ შორის, რუსული სტრუქტურებიდან, რამაც შესაძლოა, მნიშვნელოვნად დააზიანოს აფხაზეთის იმიჯი" - მიაჩნია გულიას.
ინალ არძინბა ე.წ. საგარეო საქმეთა მინისტრის პოსტზე 2021 წლის 17 ნოემბერს დაინიშნა. ის, აფხაზეთის ე.წ. პირველი პრეზიდენტის ვლადისლავ არძინბას ნათესავია, რამაც თავდაპირველად აფხაზეთის მოსახლეობის ნაწილში სიმპათიები აღძრა, თუმცა მალევე გასაგები გახდა, რომ ის კრემლის უკონკურენტო კადრი იყო, რამაც აფხაზებში შიში და აგრესია გამოიწვია.
საინფორმაციო სააგენტო Аиашара-ს ცნობით, აფხაზეთის ე.წ. საგარეო საქმეთა სამინისტროში მიმდინარე პროცესებზე კომენტარს არ აკეთებენ.
"მათ მხოლოდ მოკლედ უპასუხეს - უკომენტაროდ. ეს მაშინ, როდესაც მინისტრი საუბრობს ყველაფერზე, მსოფლიოში მიმდინარე გლობალურ პროცესებზე, ტურიზმზე, ინვესტიციებზე... როგორც ჩანს, პატრიოტიზმი ახლა უაზრო ინტერვიუების რაოდენობაში, პიჯაკების ხარისხში, სახელმწიფო სიმბოლოების ბოროტად გამოყენებაში, რუსეთის საგარეო საქმეთა სამინისტროს შეხვედრების გაშუქებაში და რუსეთთან დაკავშირებით დასავლეთის რეაქციებში გამოიხატება... ქულების მოპოვების მცდელობისას ახალგაზრდა საგარეო საქმეთა მინისტრს ავიწყდება, რომ ის აფხაზეთის მთავრობის წევრია და ემსახურება აფხაზეთის ხალხს. ვიდრე ამას ადგილობრივი მოსახლეობა გააცნობიერებს, აფხაზეთის საგარეო საქმეთა სამინისტრო შეგნებულად მოიშორებს სამშობლოს ნამდვილ პატრიოტებს" - წერს გამოცემა.
- ადგილობრივები სოციალურ ქსელებში წერენ, რომ ინალ არძინბა და მისი გუნდი კრემლის ნარატივს წმინდად მიჰყვებიან და ცდილობენ, ქვეყანაში ევროპული და დასავლური კი არა, ყველაფერი აფხაზური მოსპონ.
"ეს ყველაფერი რისკის ზღვარზე თამაშს ჰგავს. როდესაც ომი დასრულდა, გულია ყველა შესაძლო თუ შეუძლებელ ბერკეტს იყენებდა, რომ აფხაზეთის ხმა მსოფლიოს გაეგო... როდესაც იმ მძიმე წლებში, ბევრი აფხაზეთიდან შორს, თბილ და მყუდრო ადგილებში გარბოდა, ეს ქალი ცდილობდა ყველას ნაცვლად ელაპარაკა...
თუ ადრე მხოლოდ ვვარაუდობდით, ახლა მგონი, ყველანი ერთად ვხედავთ, რომ ეს ყველაფერი წმენდას ჰგავს, ცდილობენ ყველაფერს, რაც აქამდე უშიშრობისა და ურყეობის მაგალითად გვქონდა, ჩამოგვაშორონ. ძალზე მნიშვნელოვანი კითხვა მაქვს, ბატონებო, თქვენ მართლა აფხაზეთს და აფხაზ ხალხს ემსახურებით?! მრცხვენია თქვენს გამო!" - ამბობს ადგილობრივი ნიზფა არშბა.
"რატომ უნდა გვინიშნავდნენ კრემლის კადრს ისე, თითქოს ეს ნორმაა? ახლა ირკვევა, რომ მოსკოვი კიდევ ერთ კადრს გვიმზადებს - მალე პოლიტიკურ ცხოვრებაში აქტიურად ჩაერთვება მოსკოვის სახელმწიფოს უნივერსიტეტის ფრიადოსანი სტუდენტი ედგარ გვაზავა, რომელიც ამჟამად ინალ არძინბას თანაშემწეა. ირკვევა, რომ რუსეთი მას მინისტრად გვიმზადებს, არძინბას კი პრეზიდენტად... ეს კი ნიშნავს, რომ ყველაფრის, ყველანაირი აღიარება, სტატუსი, კანონები მხოლოდ ქაღალდზე იქნება.
შესაბამისად, გასაკვირი არ არის, ქალბატონი გულიას და მისი კოლეგების გათავისუფლება - ფინანსური შემცირება ლოგიკურია, რა საჭიროა ხარჯი, დამატებითი უწყებები და კადრები, თუკი კრემლიდან წამოსულ დირექტივებს უსიტყვოდ შეასრულებს?!" - წერს აქტივისტი ანა ანქვაბი.
მთავარი ფოტო: სპუტნიკი
მკითხველის კომენტარები /
10 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვატიკანი რომის პაპს, ფრანცისკეს ემშვიდობება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ერთი გულიაა "აფხაზი" და მეორე გვაზავა. ისე ავტორ, რაში გვაინტერესებს ამ ტატიანას ამბავი, რომელსაც პრო-აფსუური ხედვა აქვს? იქნებ ხელმოწერები შევაგროვოთ რომ ინალამ ისევ აღადგინოს სამსახურში. ერთისაც დედაც და მეორესაც და იმათიც ვინც აფხაზეთის მითიურ "დამოუკიდებლობას" უჭერს მხარს. სულ გადაუჭამიათ ერთმანეთი, სულ ერთ ადგილზე მკიდია. აფხაზეთი კი იყო და არის საქართველო
ეს იქაური კობახიძეა?!?