"კვარადონას" დიეგოს გოლი გააქვს..." და "ნაპოლის" უცხოპლანეტელები" - რას წერს ცნობილი იტალიური გამოცემა La Gazzetta dello Sport - ი?
"კვარადონას" დიეგოს გოლი გააქვს: მოიპოვებს ბურთს, ატყუებს 3 მოწინააღმდეგეს და ურტყამს მარჯვენა ფეხით. საოცარი გოლი"სასუოლოს" კარში - ის იღებს ბურთს და ისე ყრის აქეთ-იქით მოწინააღმდეგეებს, როგორც ბოულინგის კეგლებს", - დაწერა ერთ-ერთმა წამყვანმა იტალიურმა გაზეთმა La Gazzetta dello Sport - მა "ფეისბუქის" ოფიციალურ გვერდზე, მას მერე, რაც "ნაპოლის" ქართველმა გარემარბმა 17 თებერვალს, "სასოულოს" კარში, მე-12 წუთზე ულამაზესი გოლი გაიტანა.
გამოცემის "ფეისბუქგვერდი" იქვე აქვეყნებს კარიკატურას: "კვარავაჯო" ხატავს.
გამოცემის 18 თებერვლის ნომერში პირველ გვერდზე, სწორედ ოსიმენი და ხვიჩა კვარცხელია მოხვდნენ წარწერით:
"ნაპოლის" უცხოპლანეტელები".
გაზეთი კიდევ ერთ კარიკატურას აქვეყნებს და წერს:
"ცისფერი ნაყინი - ტკბილი ნეაპოლიტანელებისთვის და მწარე მათი მდევრებისთვის. სერია А - ში ტემპერატურა -18 -დე დაეცა. ხვიჩა კვარაცხელია, ვიქტორ ოსიმენი და ლუჩანო სპალეტი: გემოს სამი ხელოვანი, რომლებიც თავისი ხელოვნებით დიდ სიამოვნება ანიჭებენ ნეაპოლიტანელებს 15 აგვისტოდან დღემდე. მას მერე, რაც "ნაპოლი" 18 ქულით უსწრებს "ინტერს", ის წყვეტს ოცნებას და იწყებს რეალურად ფიქრს იმაზე, რომ მალე შეიძლება მიპოვოს სკუდეტო, რომელიც დიეგო მარადონას შემდეგ გუნდს არ მოუგია".
შეგახსენებთ, 17 თებერვალს იტალიის სერია A-ს 23-ე ტურის შეხვედრაში, ხვიჩა კვარაცხელიას "ნაპოლი" გასვლაზე “სასუოლოს” დაუპირისპირდა და 0:2 სძლია.
"ნაპოლი" სკუდეტოს" მოგებისკენ გზას წარმატებით აგრძელებს. მომავალ კვირაში კი გუნდს ჩემპიონთა ლიგის თამაში ელის - 22 თებერვალს ის ფრანკფურტის "აინტრახტს" დაუპირისპირდება.
იხილეთ ასევე: