მნიშვნელოვანი ინფორმაცია
23
აპრილიდღის ზოგადი ასტროლოგიური პროგნოზი
ხუთშაბათი, მთვარის ოცდამეექვსე დღე დაიწყება 05:06-ზე, მთვარე თევზებშია
საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. თავი შეიკავეთ მოწევისა და ალკოჰოლისგან. გაუფრთხილდით ფეხებს. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ეს ეხმარება იაპონიას, გაუმკლავდეს არაერთ ძლიერ მიწისძვრას, რომელიც გამანადგურებელი იქნებოდა ნაკლებად მომზადებული ქვეყნებისთვის" - როგორ აგებენ იაპონიაში მიწისძვრისადმი გამძლე შენობებს
12:46 / 09-02-2023
თურქეთსა და სირიაში მომხდარმა დამანგრეველმა მიწისძვრამ მთელ მსოფლიოს კიდევ ერთხელ აჩვენა, როგორი დაუცველია ადამიანი ამგვარი კატასტროფების დროს და დააფიქრა, თუ რა შეიძლება გაკეთდეს იმისთვის, რომ მსგავსი სიმძლავრის მიწისძვრის დროს მსხვერპლის რაოდენობა მინიმუმადე იქნას დაყვანილი.
სტიქიური უბედურებების მიმართ გამძლე ნაგებობების აშენება მსოფლიოს ერთ-ერთი მთავარი და რთული გამოწვევაა.
როცა ვსაუბრობთ შენობების გამძლეობაზე მიწისძვრის მიმართ, არის ქვეყანა, რომელიც ათწლეულებით უსწრებს დანარჩენ მსოფლიოს და ეს ქვეყანა იაპონიაა.
"მშენებლობის დროს იყენებენ თანამედროვე ინჟინერიის მიდგომებს. სწორედ ეს ეხმარება იაპონიას, რომ გაუმკლავდეს არაერთ ძლიერ მიწისძვრას, რომელიც გამანადგურებელი იქნებოდა ნაკლებად მომზადებული ქვეყნებისთვის", - ამბობენ სამშენებლო ინჟინერიის იაპონელი ექსპერტები.
- "იაპონია არის მსოფლიოში ყველაზე გამძლე შენობების სახლი - საიდუმლო კი ისაა, რომ ისინი აგებენ შენობებს, რომლებსაც შეუძლიათ "იცეკვონ, როდესაც მათ ქვეშ მიწა მოძრაობს", - წერს BBC.
ტოკიოში, ოსაკასა და იოკოჰამაში აგებული ცათამბჯენები ტოვებენ შთაბეჭდილებას, რომ ისეთივე ნაგებობებია, როგორც სტანდარტული, ჩვეულებრივი შენობები, თუმცა ასე არ არის.
- რატომ არის იაპონია მიწისძვრის მიმართ გამძლე შენობების აშენების თვალსაზრისით ლიდერი?
იდეა, რომ შეექმნათ მიწისძვრის მიმართ უფრო გამძლე კონსტრუქციები, ცხადია, აუცილებლობით გაჩნდა. იაპონიის არქიპელაგი წყნარი ოკეანის "ცეცხლოვან რგოლზე“ მდებარეობს, სადაც ევრაზიის, წყნარი ოკეანისა და ფილიპინების ტექტონიკური ფილები ერთმანეთის ქვეშაა და მათი მოძრაობა არქიპელაგზე არცთუ იშვიათად, მიწისძვრებს განაპირობებს.
იაპონიაში, წლების განმავლობაში, არაერთი დამანგრეველი მიწისძვრა ყოფილა. ერთ-ერთი ყველაზე უარესი 1923 წელს იყო, რიხტერის შკალის მიხედვით, მისმა სიმძლავრემ 7.9 მაგნიტუდა შეადგინა. მიწისძვრის შედეგად განადგურდა ტოკიო და იოკოჰამა. დაიღუპა 140 000-ზე მეტი ადამიანი. 2011 წლის ტოკოჰუს მიწისძვრა ცნობილია, როგორც ბოლო დროის ერთ-ერთი ყველაზე დამანგრეველი 9.0 მაგნიტუდის სიმძლავრის. მიწისძვრას მოჰყვა ცუნამი და საბოლოო ჯამში, მსხვერპლის რაოდენობამ 18 ათასს გადააჭარბა.
ეს იყო ერთი მრავალი სეისმური მოვლენიდან, რომელიც იაპონიას თავს ყოველწლიურად ატყდება. ისინი მანამდეც განსაკუთრებული წესების დაცვით აშენებდნენ შენობებს, თუმცა 2011 წლის მიწისძვრის შემდეგ, მშენებლობასთან დაკავშირებული მიდგომები კიდევ უფრო გამკაცრდა.
- როგორია იაპონური გამოცდილება?
იაპონიაში მიწისძვრის მიმართ მდგრადი შენობის აგების სტანდარტები შემდეგია:
პირველი დონე - ეს არის მინიმალური მოთხოვნა იაპონიაში მიწისძვრისადმი რეზისტენსული შენობის ასაგებად და ავალდებულებს მშენებელს, რომ კარკასი, კოჭები, სვეტები და კედლები იყოს მინიმალური სისქის, შენობა იყოს მსუბუქი, რათა გაუმკლავდეს რხევას.
მეორე დონე - ეს არის სტანდარტი, რომელსაც მაღალსართულიანი შენობების ასაგებად იყენებენ. ასეთ დროს იყენებენ ე.წ. დემპერებს, რომლებიც წარმოადგენს საძირკვლამდე და სართულებს შორის განლაგებულ ერთგვარ ამორტიზატორებს, რაც შთანთქავს მიწისძვრის ენერგიას. უფრო მარტივად თუ ვიტყვით, მათზე გადადის მიწისძვრის ძალა, ხოლო შენობა ხდება უფრო მეტად დაცული.
მესამე დონე - ეს არის მიწისძვრის მიმართ მდგრადი შენობის ასაგებად ყველაზე ძვირადღირებული სტანდარტი. ამ შემთხვევაში შენობის სტრუქტურა იზოლირებულია მიწისგან ტყვიის, ფოლადის, ან რეზინის ფენებით. ეს ფენა შენობისგან დამოუკიდებლად, მიწასთან ერთად მოძრაობს მიწისძვრის დროს, სიმძლავრე მასზე გადადის, ხოლო შენობა დაცულია.
მიწისძვრისადმი მდგრადი შენობების ძირითადი მახასიათებლები:
შენობის ადგილმდებარეობისა და დანიშნულებიდან გამომდინარე, იაპონელ არქიტექტორებს შეუძლიათ აირჩიონ თუ როგორი მეთოდით ააგებენ. ძირითადი მახასიათებლები კი ასეთია:
- შენობის ბირთვში ფოლადის გამოყენება - დასავლურ ქვეყნებში შენობების ბირთვი რკინაბეტონისაა
- იყენებენ "დემპერებს", ფოლადის კოჭებსა და სვეტებს - ბეტონის სვეტებისგან განსხვავებით.
- შენობის დონეებს შორის დამონტაჟებულია "დემპერები"
- აგებენ ბადისებრი კონსტრუქციით, რომლებიც ხელს უწყობს შენობის სიმყარეს.
იმისათვის, რომ გაუძლოს მიწისძვრის წარმოუდგენელ ძალებს, შენობებმა უნდა აითვისონ რაც შეიძლება მეტი სეისმური ენერგია.
"როდესაც სტრუქტურას შეუძლია აღიქვას მიწისძვრის მთელი ძალა, ის არ დაინგრევა“, ამბობს ტოკიოს უნივერსიტეტის ასოცირებული პროფესორი, ინჟინერი, ჯუნ სატო. მისივე განმარტებით ეს ყველაზე კარგად მიიღწევა შენობების სეისმური იზოლაციის შედეგად.
იხილეთ ასევე:
- "მიწისძვრა ძლიერი იყო, მაგრამ მხოლოდ მისი ძალა არ იწვევს ამგვარ განადგურებას" - რატომ იყო თურქეთის მიწისძვრა ასეთი დამანგრეველი?
- "თბილისში აშენებული შენობა 8 ბალზე გათვლილი უნდა იყოს... მუშაობა მიმდინარეობს ახალ ნორმებზე" - რას აცხადებს სეისმოლოგი ზურა ჯავახიშვილი
მკითხველის კომენტარები /
34 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ემუქრება თუ არა საფრთხე ევროკავშირთან უვიზო მიმოსვლის შეჩერებას ?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ძალიან კარგია როდესაც სხვის გამოცდილებას გაიზიარებ. ისე კი საინტერესო იქნება იაპონელი მშენებლების გამოცდილების გაზიარება. ამაში სასირცხვილო არაფერია, ასე რომ თამამად ქართველო მშენებლებო და არქიტექტორებო, საქართველოში ცხოვრება უნდა იყოს საიმედო და კარგი.
10 წლის წინ რო მიწისძვრა და ცუნამი იყო იაპონიაში მგონი სუ სადღაც 20 ადამიანი ემსხვერპლა. სხვაგან რო მომხდარიყო, ასი ათასობით იქნებოდა მსხვერპლი. იაპონია სხვა ჩამოსხმის ქვეყანაა. სხვა ისტორიით, ქცევით, ტრადიციებით, წესრიგით. ზედაპირული ლაპარაკი არ გამოვა, თუ ვინმეს უნდა მას გაუთანაბრდეს.