!["როცა ადამიანს შეუძლია, პატიმარ ქალს [მზია ამაღლობელს] ცილისწამებით შეეხოს, არაკაცობაა" - ანდრო ჭიჭინაძე ირაკლი კობახიძეზე](https://cdn.ambebi.ge/media/__thumbs__/images/2025/04-24/chichinadze10-51179.webp)
მნიშვნელოვანი ინფორმაცია
25
აპრილიდღის ზოგადი ასტროლოგიური პროგნოზი
პარასკევი, მთვარის ოცდამეშვიდე დღე დაიწყება 05:13-ზე, მთვარე 11:20-ზე ესტუმრება ვერძს
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის. მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად, ყვავილების დასარგავად; ქორწინებისა და ნიშნობისათვის. თავის ტკივილი რომ აირიდოთ, არ გადაიღალოთ გონებრივი სამუშაოთი. მოერიდეთ დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
თურქული სერიალების ვარსკვლავი - ბრძოლა მავნე ჩვევასთან, საყვარელი ქალი და ათობით ჯილდო: ვინ არის ერკან პეტეკაია, რომელსაც ფანები თურქ რიჩარდ გირს უწოდებენ
19:36 / 01-02-2023
მაღალი და ელეგანტური, ბუნებით - ხალისიანი და გადასაღებ მოედანზე კოლეგების თქმით, მკაცრი და სამართლიანი - ეს ერკან პეტეკაიაა, თურქული კინოს ერთ-ერთ ყველაზე მაღალანაზღაურებადი მამაკაცი მსახიობი.
მისი მონაწილეობით ამჟამად ქართულ არხებზე ორი სერიალი "დაკარგული დრო“ და "ნამსხვრევები“ გადის. თაყვანისმცემლები მას თურქულ რიჩარდ გირადაც მოიხსენიებენ.
პოპულარობა გასული საუკუნის ოთხმოცდაათიან წლებში მოიპოვა. 2015 და 2016 წლებში თურქეთის საუკეთესო მსახიობის წოდება მიიღო. 2018 წელს დაჯილდოვდა საუკეთესო მსახიობი მამაკაცის ჯილდოთი ახლო აღმოსავლეთში. ერკან პეტეკაია ერთადერთი თურქი არტისტია, რომელსაც 32 ჯილდო აქვს მიღებული სერიალ "დაკარგულ დროში" შესრულებული როლისთვის..
სიმაღლეში 1 მეტრი 89 სანტიმეტრია, გასული წლის დეკემბერში 52 წელი შეუსრულდა. თავისი ხანგრძლივი კარიერის განმავლობაში ითამაშა ათობით პოპულარულ თურქულ ფილმსა და სერიალში.
- ერკან პეტეკაიას ბავშვობა და ახალგაზრდობა
მომავალი მსახიობი თურქეთის პატარა ქალაქ ჩერმიკში დაიბადა. მალე ოჯახმა გადაწყვიტა პერსპექტიული ცხოვრების საძიებლად ქალაქ ანკარაში გადასულიყო. ბიჭი კარგად სწავლობდა, მაგრამ თავისი გარეგნობა არასოდეს აკმაყოფილებდა, პირიქით, თვლიდა, რომ ძალიან ცუდად გამოიყურებოდა. უნივერსიტეტში დრამის ფაკულტეტზე ჩააბარა, იცოდა, რომ მსახიობობა მისი ბედი იყო.
ჯერ კიდევ სტუდენტობისას მან მოახერხა თავისი პატარა პირველი კინოროლის მიღება. 1993 წელს, სწავლის დასრულების შემდეგ, სტამბოლის სახელმწიფო თეატრში დაიწყო მუშაობა. პარალელურად თამაშობდა პატარა როლებს ფილმებსა და სატელევიზიო შოუებში, მაგრამ პოპულარობა შორს იყო.
პირველი სამსახიობო წარმატება ერკანთან 1998 წელს მოვიდა, როდესაც მთავარი როლი მიიღო სერიალში "ნათელი დღეები“. ერკან პეტეკაიას სამსახიობო გზა გრძელი და რთული იყო, განსხვავებით სხვა ცნობილი ადამიანებისგან. მომდევნო წლებში მთავარი როლის მიღება ვერ შეძლო, მაგრამ მას ყოველთვის სთავაზობდნენ მეორეხარისხოვან როლებს.
და აი, ისიც, დადგა დრო, როდესაც მისი ვარკვლავი ამობრწყინდა. 2008 წელს ერკან პატეკაიამ მიიღო მთავარი როლი პოპულარულ სატელევიზიო სერიალში "დაკარგული დრო“. სერიალი ათეულობით ქვეყანაში აჩვენეს.
ამ როლს მოჰყვა უამრავი შეთავაზება. თამაშობდა როგორც დადებით, ისე უარყოფით პერსონაჟებს.
- პირადი ცხოვრება
2003 წელს მამაკაცმა თავისი ცხოვრების ქალი იპოვა. დიდემა პეტეკაია გახდა ქალი, რომელმაც ერკანს მთელი ცხოვრება მიუძღვნა. წყვილს ერთი ვაჟი ჰყავს და ბედნიერად ცხოვრობენ. მსახიობი მეუღლესთან ერთად ხშირად ჩნდება სხვადასხვა ღონისძიებაზე.
- საინტერესო ფაქტები
ერკან პეტეკაია ცრუმორწმუნეა და თილისმის სახით, ყოველთვის ატარებს ბეჭედს, გიშრის თვლით.
დაოჯახების შემდეგ ის მუდმივად უარს ამბობს ინტიმური სცენების თამაშზე. თუმცა თურქული სერიალების ფანებმა იციან, რომ ინტიმური სცენები თურქულ სერიალებში კოცნას და ჩახუტებას არ სცდება.
"ჩვენ მუსულმანურ ქვეყანაში ვცხოვრობთ და ჩვენი წესები, რელიგია და ტრადიცია არ მაძლევს იმის უფლებას, რომ გრძნობები ყველას სანახავად გამოვხატო...“- ამბობს მამაკაცი.
რამდენიმე წლის წინ მსახიობის ოჯახი დანგრევის პირას იყო, როდესაც ერკანი ალკოჰოლზე დამოკიდებული გახდა. საბოლოოდ არჩევანის გაკეთება ალკოჰოლსა და ოჯახს შორის მოუწია და მავნე სენი დაძლია.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიუ ჯერსიში მასშტაბურ ტყის ხანძარს ებრძვიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
