მნიშვნელოვანი ინფორმაცია
13
აპრილიდღის ზოგადი ასტროლოგიური პროგნოზი
კვირა, მთვარის მეთექვსმეტე დღე დაიწყება 21:28-ზე, მთვარე 17:54-ზე გადაბრძანდება მორიელში
მშვიდობიანი საქმეები წარმატებით დასრულდება. კაპიტალდაბანდებებს მოერიდეთ. კარგი დღეა იურიდიული საკითხების მოსაგვარებლად, სასამართლო პროცესების დასაწყებად; შემოქმედებითი საქმიანობისთვის. გარშემო მყოფებთან ურთიერთობისას გამოიჩინეთ ტაქტი. უფროსს მნიშვნელოვან საკითხებზე საუბრისთვის ნუ შეხვდებით; წვრილ-წვრილი საკითხები მოაგვარეთ. კარგი დღეა დასვენების, მოგზაურობის, ფიზიკური დატვირთვისა და საოჯახო საქმეების შესრულებისთვის. მოერიდეთ ალკოჰოლის მიღებას, მოწევას; ცხარე და ცხიმიან საკვებს; ცხოველური საკვების მიღებას. ნებადართულია თევზი და სოკო. მოიმატებს სტრესული და სარისკო ქმედებების რაოდენობა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ევრაზიის შუა დერეფანი ბილიკიდან გზატკეცილად იქცა: "ბუნებრივად ვართ ხიდი აღმოსავლეთსა და დასავლეთს შორის" - რა განაცხადეს ალიევმა და ღარიბაშვილმა დავოსში?
19:09 / 19-01-2023
მიგვაჩნია, რომ უფრო მჭიდრო თანამშრომლობა უნდა გვქონდეს ყველა ქვეყანასთან ცენტრალურ აზიაში, კავკასიასა და ევროპაში, რათა აქტიურად ვიმუშაოთ საბაჟო ადმინისტრირების საკითხებზე, რომ ერთი ფანჯრის პრინციპით ვიმუშაოთ და ტარიფების პოლიტიკაც შეჯერებული გვქონდეს , - ამის შესახებ აზერბაიჯანის პრეზიდენტმა ილჰამ ალიევმა დავოსში მიმდინარე მსოფლიო ეკონომიკურ ფორუმზე აღმოსავლეთ-დასავლეთის დამაკავშირებელი შუა დერეფნის შესახებ საუბრისას განაცხადა, ფორუმის ფარგლებში გამართულ პანელურ დისკუსიაზე - "როგორ იქცა ევრაზიის შუა დერეფანი ბილიკიდან გზატკეცილად" . დისკუსიაში ასევე მონაწილეობდა საქართველოს პრემიერ-მინისტრი ირაკლი ღარიბაშვილი.
მისი თქმით, ყველა საჭირო ინფრასტრუქტურული ობიექტი მზადაა აზერბაიჯანში, რომ მეტი ტვირთბრუნვა გაატაროს და სამიზნე 25 მლნ ტონაა.
"შუა დერეფნის ერთ-ერთი უპირატესობა ის გახლავთ, რომ ქვეყნები, რომლებიც ამ ინიციატივაში მონაწილეობენ, დიდ პროექტს ქმნიან და ერთმანეთთან ძალიან კარგი ურთიერთობები აქვთ. ეს არის წარმატების წინაპირობა ნებისმიერი მრავალეროვნული ინიციატივის კონტექსტში. აზერბაიჯანს უბრწყინვალესი ურთიერთობები აქვს მეზობლებთან: დასავლეთით, საქართველოსთან და თურქეთთან, აღმოსავლეთით კი ცენტრალურ აზიასთან. ბუნებრივად ვართ ხიდი აღმოსავლეთსა და დასავლეთს შორის, ბოლო წლებში ინფრასტრუქტურაში დიდი კაპიტალდაბანდება გვაქვს. ასევე, უნდა ითქვას, რომ ყველა საჭირო ინფრასტრუქტურული ობიექტი მზადაა აზერბაიჯანში, რომ მეტი ტვირთბრუნვა მიიღოს და გაატაროს. 15 მილიონი ტონაა ჩვენი პორტების შესაძლებლობა. ამას ვაფართოებთ და ბიუჯეტში თანხები უკვე გავწერეთ - 25 მლნ ტონა იქნება ჩვენი სამიზნე. გვინდა, კიდევ უფრო მეტი საქონლის გატარება მოვახდინოთ, რადგან ტრანსპორტირება ტრადიციული მარშრუტით აღარ წარმოებს.
უკვე ვნახეთ, რომ ჩვენკენ დიდი მოცულობის ტვირთი წამოვიდა, ეს მხოლოდ და მხოლოდ დასაწყისია ამ პროცესის. ასევე, მიმდინარე წლიდან დავიწყეთ ნავთობის ტრანზიტული გატარება ყაზახეთიდან არა მხოლოდ თურქმენეთის მიმართულებით. ამ დერეფანს დიდი პოტენციალი აქვს ჰიდრო ნახშირბადის გატარების. ამიტომ მიგვაჩნია, რომ უფრო მჭიდრო თანამშრომლობა უნდა გვქონდეს ყველა ქვეყანასთან ცენტრალურ აზიაში, კავკასიასა და ევროპაში, რათა აქტიურად ვიმუშაოთ საბაჟო ადმინისტრირების საკითხებზე, რომ ერთი ფანჯრის პრინციპით ვიმუშაოთ ყველა ამ ქვეყანამ და ტარიფების პოლიტიკაც შეჯერებული გვქონდეს. იმიტომ, რომ ეს არა მარტო მიმზიდველი უნდა იყოს სხვა მარშრუტების ჩახსნის ხარჯზე, არამედ ჩვენთვის კომერციულადაც მიმზიდველი უნდა იყოს“, - განაცხადა ილჰამ ალიევმა.
"უკრაინაში მიმდინარე ომი კატასტროფული ომია მთელი რეგიონისთვის, ჩვენც გვეხება. მგონი, ამ ომმა დაგვანახა, რომ ქვეყნებმა და ერებმა ეკონომიკის დივერსიფიკაცია უნდა მოახდინონ", - განაცხადა ირაკლი ღარიბაშვილმა დისკუსიის მიმდინარეობისას.
მისი თქმით, საქართველო პარტნიორებთან ერთად დიდ მნიშვნელობას ანიჭებს როგორც საგზაო ინფრასტრუქტურის, ასევე პორტების განვითარებას.
"ომამდე ქვეყნები ყურადღებას აქცევდნენ შუა დერეფანს, მაგრამ ომის შემდეგ ყურადღება გააქტიურდა და გაიზარდა. ამიტომ, როგორც პრეზიდენტმა ილჰამ ალიევმა ბრძანა, მეც გავიმეორებ, ბრწყინვალე ურთიერთობები გვაქვს აზერბაიჯანთან, ყაზახეთთან, თურქეთთან, ჩვენ სტრატეგიული პარტნიორობა გაგვაჩნია. ჩვენი ქიმიური ნივთიერებების სახით შერწყმა ძალიან კარგია. ჩვენ ამ ეტაპზე დიდ კაპიტალდაბანდებას ვახდენთ ინფრასტრუქტურაზე. მინდა ვახსენო, რომ ჩვენი გზატკეცილები, რომელიც შენდება, 2024 წლის ბოლოსთვის უნდა დასრულდეს. 2,3 მილიარდი დოლარი ჩაიდო ამ საგზაო ინფრასტრუქტურის მშენებლობაში. ეს ხელს შეუწყობს ტრანსპორტირების მიმართულებას“,- განაცხადა ღარიბაშვილმა.
მან საპორტო ინფრასტრუქტურის განვითარებაზეც ისაუბრა და ანაკლიის ღრმაწყლოვანი პორტი ახსენა.
"ერთი კონკრეტული ანაკლიის ღრმაწყლოვანი პორტი მინდა ვახსენო. ჩვენ გადავწყვიტეთ, რომ საქართველოს მთავრობა დაიწყებს ამ პორტის მშენებლობას, ამ კონსორციუმის 51% იქნება საქართველოს მთავრობის მფლობელობაში, 49% კი გამოცხადდება საერთაშორისო ტენდერზე. ჩვენ საუბარი გვაქვს ბევრ პოტენციურ ინვესტორთან ამ მიმართულებით. რატომ ვაკეთებთ ამას და რატომ გვინდა ამ პორტის მშენებლობა, მოგახსენებთ. პრეზიდენტმა ალიევმა ბრძანა, რომ მზარდია პოტენციალი პორტებში. საქართველოს 550 ტონა შეუძლია გაატაროს, 200-ზე მეტი ბათუმში, ეს არ არის საკმარისი. მინდა, ეს პროექტი შესაძლებლობების გაზრდის მიზნით განვახორციელოთ.
ასევე მინდა ვახსენო, რომ აზერბაიჯანთან ერთად, ჩვენ სხვადასხვა ინიციატივას ვახორციელებთ, მათ შორის არის შავი ზღვის წყალქვეშა ელექტრონული კაბელი. ესეც საინტერესო ინიციატივაა, ამას ვაკეთებთ აზერბაიჯანთან, რუმინეთთან, უნგრეთთან ერთად. ეს ინიციატივა მხარდაჭერილია ევროკავშირის მიერ. სექტემბერში, ბუქარესტში ხელი მოვაწერეთ ურთიერთგაგების მემორანდუმს, ოთხივე ქვეყანა განახორციელებს ამ პროექტს და ინვესტირებას ჩადებს ამ ამბიციურ პროექტში. ეს ძალიან საინტერესო ინიციატივაა. ამიტომ, მზად უნდა ვიყოთ, რომ გაიზრდება საქონელბრუნვა ამ დერეფანში. ეს მარშრუტი ყველაზე მოკლეა ევროპასა და მწარმოებლებს შორის. მაგალითად, ჩინეთიდან მომავალი მატარებელი, რომელიც საქართველოს გაივლის, 15 მაქსიმუმ 10 დღეში შემოვა საქართველოში. ამიტომ, ეს საინტერესო, მნიშვნელოვანი დერეფანია“, - განაცხადა ღარიბაშვილმა.
ირაკლი ღარიბაშვილის განცხადებით, საქართველოს ერთ-ერთი საუკეთესო ბიზნესკლიმატი გააჩნია ბიზნესის კეთების სიმარტივის კუთხით და თან პირველ ათეულშია.
"პირველ ოცეულშიც ვართ ეკონომიკური თავისუფლების და ა.შ. სხვა რეიტინგის და ინდექსების კონტექსტში. ასევე მინდა ვთქვა, რომ ოთხი თავისუფალი სამრეწველო-ეკონომიკური ზონა გვაქვს საქართველოში, ეს არის იშვიათი შესაძლებლობა უცხოური კომპანიებისთვის, რომ ჩამოვიდნენ, შექმნან საწარმოები, ჩადონ ინვესტიციები აზერბაიჯანში, საქართველოში და თან ამის დაკავშირება გვინდა განახლებად ენერგიასთან. საქართველო მდიდარია ჰიდროელექტრორესურსებით. ჩვენ შევიმუშავეთ სტრატეგია, სადაც დიდი ინვესტიციები გვაქვს განზრახული განახლებად ენერგიაში, მზის, ქარის და ა.შ. გვინდა ეს იაფი ენერგია და ჩვენი, სტრატეგიული, ძალიან მნიშვნელოვანი ადგილმდებარეობა გამოვიყენოთ. ეს ყველაფერი ჯამში ხელს შეუწყობს ბიზნესის კეთებას, ინვესტორებისთვის იქნება მომგებიანი.
გვქონდა შეხვედრა ყაზახეთში, სადაც ხელი მოვაწერეთ ე.წ. საგზაო რუკას იმაზე თუ როგორ შევუწყოთ ხელი ამ მიმართულებას, როგორ მოვხსნათ ბარიერები და მიმაჩნია, რომ შევთანხმდებით მომდევნო ნაბიჯებზე.“, - განაცხადა ირაკლი ღარიბაშვილმა.
მკითხველის კომენტარები /
9 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქარიშხალი ამერიკის შეერთებულ შტატებში - უცხოური მედიების ცნობით, სტიქიურ მოვლენას, სულ მცირე, 24 ადამიანის სიცოცხლე ემსხვერპლა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მადლობა წინა მთავრობებს ასეთი პროექტების შესრულებისათვის ,აბა თქვენ იცით ჯერ მეტროს მესამე ხაზი,მერე ახალი ნავთობსადენი>>>>
დავოსის თავყრილობა, ერთ-ერთი მწარე მასონის, შვაბის საკუთრებაა!!! და ესენი რას დაცუნცულებენ იქ, ყოველ წელს??? ააა, ალბათ ქართველების მძიმე ყოფაზე წუხან, გლობალისტი მასონებიი!:))