24
აპრილიდღის ზოგადი ასტროლოგიური პროგნოზი
ვფიქრობ, რომ თუ მიხეილ სააკაშვილი პატიმრობაში მოკვდება, რამდენიმე პირის წინააღმდეგ სანქციები გარდაუვალი იქნება. ეს ქართველ პოლიტიკოსებს დიდ თავის ტკივილს გაუჩენს , - ამის შესახებ ე.წ. „მაგნიტსკის სიის“ ერთ-ერთმა ავტორმა, ბილ ბროუდერმა „ტვ პირველთან“ ინტერვიუს დროს განაცხადა.
როგორც ბროუდერმა აღნიშნა, რაც უფრო მეტი ინფორმაციაა იმის შესახებ, მიხეილ სააკაშვილს აწამებენ, უფრო სავარაუდოა, რომ შეიქმნას დროებითი ე.წ. "სააკაშვილის სია“, სადაც შევლენ ის ადამიანები, რომლებიც ამ ქმედებაში იღებენ მონაწილეობას.
"იმედი მაქვს, რომ ადამიანები, რომლებიც ახლა გადაწყვეტილებებს იღებენ, შეწყვეტენ ასეთ ქმედებას, რადგან თუ სააკაშვილი მოკვდება, მათ მძიმე ცხოვრება ელოდებათ. აშკარაა, რომ მიხეილ სააკაშვილს აწამებენ. ეს ფოტოებიდანაც ჩანს, არაა საჭირო იყო სამედიცინო ექსპერტი, რომ ეს დაინახო. უფრო საინტერესო ის არის, თუ ვინ არის პასუხისმგებელი, რადგან პროკურორები აფერხებენ მის თხოვნას მიიღოს სამედიცინო მკურნალობა, ციხის ექიმებიც, ალბათ ჩართული არიან არასათანადო აქტივობაში და მთავრობის წარმომადგენლები, რომლებიც გასცემენ ბრძანებებს. რაც მეტია ასეთი ინფორმაცია, მით უფრო სავარაუდოა, რომ შევქმნათ დროებით, როგორც ჩვენ ვეძახით, „სააკაშვილის სია“, სადაც შევიყვანთ იმ ადამიანებს, რომლებიც ამას აკეთებენ. ეს დაუჯერებლად ბოროტული ქმედებაა. ეს ჰუმანიტარული საკითხია და ყოველდღიურად ჩვენ ვისმენთ საქართველოს მთავრობისგან, რომ ჯიუტად არ ათავისუფლებენ და არ აგზავნიან მას სამკურნალოდ ევროპაში. ამგვარად, საქართველო ანადგურებს მის რეპუტაციას საერთაშორისო დონეზე.
მიხეილ სააკაშვილი წინ აღუდგა პუტინს 2008 წელს, როდესაც ის შემოიჭრა საქართველოში. მან პერსონალური ვენდეტა განახორციელა მიხეილ სააკაშვილის წინააღმდეგ. არსებობენ ადამიანები საქართველოს მთავრობაში, რომელთაც პუტინი მოსწონთ. ახლა კი აშკარაა, რომ ვითარება ნორმალური გზით არ მიდის. ჩემი აზრით, ამ ყველაფრის მიღმა ვლადიმერ პუტინი დგას. ის ცდილობს შური იძიოს მიხეილ სააკაშვილზე, რომელიც მას უპატივცემლოდ მოექცა. ასევე ეს არის მესიჯი ვლადიმერ ზელენსკისთვის - „აი, რა დაგემართება შენც მომავალში“. ამიტომ, ეს არ უნდა დავუშვათ.
საქართველოს შიდა პოლიტიკაში ექსპერტი არ ვარ, ამიტომ სპეკულირებას ვერ მოვახდენ იმაზე, თუ ვინ დგას ამის უკან. რისი თქმაც შემიძლია არის ის, რომ მთავრობამ ის საზღვარგარეთ სამკურნალოდ უნდა გაუშვას სათანადო მკურნალობის მისაღებად. თუ ამ გზას არ აირჩევენ, მაშინ თავადვე მოაწერენ ხელს ძალაუფლების დაკარგვას. დასავლეთთან მიმართებით მათ პრობლემები ათეულობით წლის განმავლობაში ექნებათ, მათ შორის სანქციების თვალსაზრისით“, - განაცხადა ბილ ბროუდერმა.
ბერიას გავს
ამერიკაში დაბადებული, ამჟამად დიდი ბრიტანეთის მოქალაქე, პოლიტიკოსი, ინვესტორი და ფინანსისტი ბილ ბროუდერი პირდაპირ ემუქრება დღევანდელ ხელისუფლების წარმომადგენლებს ძალაუფლების დაკარგვაში და დასავლეთთან პრობლემების გაჩენას ათეულობით წლის განმავლობაში, მათ შორის სანქციების თვალსაზრისით!?...
ეს ვაჟბატონი სააკაშვილის მიმართებით საკუთარ დასკვნებს მისი ფოტოებით აკეთებს!?....
მოკლედ რომ ვთქვათ დასავლეთის რიგი პოლიტიკოსების, საზოგადოებრივი მოღვაწეებისა და სააკაშვილის ოჯახის მიერ დაფინანსებული პირებისაგან მიდის ტოტალური და ორკესტრირებული ზეწოლა, მათ შორის დაშინება...
ეყოფათ კი გამძლეობა, მხნეობა და პრინციპულობა ხელისუფლების პირველ პირებს დაიცვან საკუთარი ქვეყნის მართლმსაჯულების მიერ გამოტანილი განაჩენი?
ახლა ამას დაემატა დღევანდელი ხელისუფლების იმიჯი, რომელსაც ბრალს დებენ რუსეთისადმი კოლობორაციულ დამოკიდებულებაში, თითქოსდა ასრულებენ პუტინის განკარგულებას!!??....
პირდაპირ საოცრებები ხდება!!!!!
- 2008 წლამდე სააკაშვილი ჩახუტებული რომ იყო პუტინთან არ გახსოვთ?
- ალბათ ისიც გემახსოვრებათ როცა სააკაშვილი ამბობდა რა პრობლემაო რუსეთის ბაზების ყოფნა საქართველოს ტერიტორიაზეო!
- მაღალი რანგის ქართველ ოფიცრებს რომ აგზავნიდა მოსკოვში სწავლება - გადამზადებაზე ესეც გემახსოვრებათ...
- 2008 წლის ომის შემდეგ რუსეთისათვის ჩაბარებული ქვეყნის ტერიტორიები და სტრატეგიული ობიექტები?