მნიშვნელოვანი ინფორმაცია
24
აპრილიდღის ზოგადი ასტროლოგიური პროგნოზი
ხუთშაბათი, მთვარის ოცდამეექვსე დღე დაიწყება 05:06-ზე, მთვარე თევზებშია
საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. თავი შეიკავეთ მოწევისა და ალკოჰოლისგან. გაუფრთხილდით ფეხებს. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
როგორ დაიცვათ და მოუაროთ თქვენს ლეპტოპს - პრაქტიკული რჩევები ქართველი ვლოგერისგან
12:47 / 29-12-2022
ჭანჭიკით დამაგრებული ლეპტოპი თუ გინახავთ? ალბათ, არა. მე კი უკვე რამდენიმე წელია, სწორედ ჭანჭიკებით დამაგრებულ ლეპტოპს ვიყენებ.
რამდენიმე წლის წინ, როდესაც ჩემი ახალი ნოუთბუქი დიდი ფიქრისა და არჩევის შედეგად შევიძინე, მისთვის პრაქტიკულის ნაცვლად, ლამაზი ჩანთის ყიდვა გადავწყვიტე. ჰოდა, ერთ დღესაც, მანქანის უეცარი დამუხრუჭების დროს უკანა სავარძლიდან გადმომივარდა და გამიტყდა. ხელოსანმა მისი ჭანჭიკებით დამაგრება შემომთავაზა. რა თქმა უნდა, ეს ფაქტი არ მესიამოვნა, მაგრამ სხვა გზა არ მქონდა. მას შემდეგ, უკვე რამდენიმე წელია, ჭანჭიკებიანი ლეპტოპი მაქვს.
ჩემს მსგავსად, ბევრი ფიქრობს, რომ კომპიუტერების დაცვა მხოლოდ სისტემური პრობლემებისგან არის საჭირო და მის ფიზიკურ დაცვას დიდ ყურადღებას არ აქცევს. თუმცა, ვლოგერი ნიკა ბაქრაძე, რომელიც მომხმარებელს თავისი ვლოგების საშუალებით ტექნიკის სწორად შერჩევასა და მოვლაში ეხმარება, ფიქრობს, რომ მომხმარებლებმა აუცილებლად უნდა ისარგებლონ ისეთი სერვისით, როგორიცაა მოწყობილობის დაცვა შემთხვევითი დაზიანებისგან.
გთავაზობთ ცნობილი ვლოგერის პრაქტიკულ რჩევებს, როგორ მოუაროთ თქვენს მოწყობილობას, რომ დიდხანს გემსახუროთ და ასევე როგორც დაიცვათ ის სხვადასხვა დაზიანებისგან.
- პირველი და მთავარი წესი ჩანთის სწორად შერჩევაა. ის უნდა იყოს ზუსტად თქვენი ლეპტოპის ზომის შესაბამისი, ჰქონდეს დამცავი ფენები, ძირი აუცილებლად იყოს რბილი, დამტენისა და სხვა აქსესუარებისთვის ჰქონდეს ცალკე განყოფილება. გარდა ამისა, ჩანთა უნდა იყოს წყალგამძლე, რომ წვიმიან ამინდში ქუჩაში მოხვედრის დროს, დასველებისგან დაცული იყოს. შეიძლება ფიქრობთ, რომ ეს უსაფრთხოების ზედმეტი წესებია და თქვენ მსგავს სიტუაციაში არ აღმოჩნდებით, მაგრამ არავინ იცის, როდის სად მოხვდებით.
- კიდევ ერთი მნიშვნელოვანი წესი გახლავთ ლეპტოპის სათანადოდ წმენდა. აბა, გაიხსენეთ, ბოლოს როდის გაწმინდეთ თქვენი კომპიუტერი გულდასმით? ეს უბრალოდ ხელის გადასმასა და მტვრის მოშორებას არ გულისხმობს. ლეპტოპს პერიოდულად სათანადოდ წმენდა სჭირდება. თუ მასზე დაგროვებულ მტვერს ყურადღებას არ მიაქცევთ, ის შეიძლება ვენტილატორებში დაგროვდეს, გაგრილება არასაკმარისად მოხდეს და კომპიუტერის გადახურება გამოიწვიოს.
- გამოიყენეთ ზედაპირის დამცავები და სტიკერები. ისინი ლეპტოპს დაიცავს არა მხოლოდ ნაკაწრებისა და ფიზიკური დაზიანებისგან, არამედ ჭუჭყისგანაც.
- აუცილებლად ისარგებლეთ მოწყობილობის დამატებითი გარანტიით, რომელიც ლეპტოპის მექანიკური დაზიანების დროს შეკეთებას გულისხმობს. სტატისტიკის თანახმად, ნოუთბუქის ან პლანშეტის შეძენიდან პირველი 3 წლის განმავლობაში მომხმარებელთა უმრავლესობას ერთხელ მაინც უწევს ისეთი შემთხვევითი დაზიანების შეკეთება, რაც სტანდარტულ საგარანტიო მომსახურებაში არ შედის.
ნიკას რჩევების გათვალისწინებისა და იმის მიუხედავად, რომ ლეპტოპს შეიძლება ძალიან კარგადაც ვუვლიდეთ, ვწმენდდეთ მას პერიოდულად და შესაბამისი ჩანთითა და სტიკერებით ვიცავდეთ, ის მაინც შეიძლება დაზიანდეს. მასზე წყლისა თუ ყავის გადასხმისგან, ან მოულოდნელი დავარდნისგან არავინ არის დაცული. სწორედ ასეთი შემთხვევებისთვის არსებობს შემთხვევითი დაზიანებისგან დაცვის სერვისი.
აღნიშნულ სერვისს საქართველოში მომხმარებლებს Lenovo სთავაზობს. შემთხვევითი დაზიანებისგან დაცვა (ADP) შესაძლებლობას გაძლევთ, თავიდან აიცილოთ როგორც გაუთვალისწინებელი შემთხვევების შედეგად ნოუთბუქის ან პლანშეტის ფიზიკური დაზიანებით გამოწვეული ზედმეტი უსიამოვნება, ასევე - ზედმეტი დანახარჯები. შემთხვევითი დაზიანებისგან დაცვის სერვისი საკმაოდ ძვირადღირებულ შეკეთების სერვისს ან სულაც ახალი მოწყობილობის შეძენას თავიდან აგარიდებთ. ის გაუთვალისწინებელი დანახარჯების 28%-დან 80%-მდე დაზოგვის საშუალებას იძლევა. მომსახურების ფარგლებში დაზიანებულ ლეპტოპის შეკეტება ავტორიზებულ სერვის ცენტრში უფასოდ მოხდება. ხოლო თუ კომპიუტერული ტექნიკა შეკეთებას არ ექვემდებარება, მაშინ ის ახლით იცვლება. Lenovo - ს დამატებითი გარანტიის შეძენა Lenovo-ს ავტორიზებული პარტნიორის - „ალტას“ მაღაზიებშია შესაძლებელი.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ემუქრება თუ არა საფრთხე ევროკავშირთან უვიზო მიმოსვლის შეჩერებას ?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
