ლუიშ ფიგუს მოდელი ცოლი და ულამაზესი ქალიშვილები - პორტუგალიელი ვარსკვლავის ოჯახი, რომლის მიმართ საზოგადოება აღფრთოვანებას არ მალავს (ფოტოები)
ვეტერან ფეხბურთელ ლუიშ ფიგუს ფეხბურთის ექსპერტები ხშირად ასახელებენ ყველა დროს საუკეთესო ფეხბურთელებს შორის. ფიგუს პერსონა დღემდე ინარჩუნებს აქტუალობას და მედიის ინტერესი კვლავ დიდია მიუხედავად იმისა, რომ საფეხბურთო კარიერა წლების წინ დაასრულა.
ამჯერად ყურადღებას ფიგუს ოჯახი იპყრობს. მისი შვილების ფოტოები სოციალურ ქსელში ვირუსულად გავრცელდა და საზოგადოება აღფრთოვანებას არ მალავს.
პორტუგალიელი ვარსკვლავი დაქორწინებულია შვედ მოდელზე, ელენ სვედინზე.
წყვილს სამი ქალიშვილი ჰყავს, დანიელა, მარტინა და სტელა.
ფეხბურთელის ულამაზესი ქალიშვილები, დედის მსგავსად, მოდელები არიან, თუმცა მოდელობა მათთვის არ არის ძირითადი პროფესია და სამივე მათგანისთვის სხვა სფეროებია პრიორიტეტული.
დანიელა 23 წლისაა, მარტინა - 20 წლის, ხოლო სტელა - 17-ის. დები ჰგვანან ერთმანეთს. ოდნავ განსხვავებულია უმცროსი და სტელა, რომლის ვიზუალშიც უფრო მეტადაა მამის გარეგნობის შტრიხები. აღსანიშნავია, რომ საკმაოდ დიდი გამოწვევაა ჰელენ სვედინის გარჩევა უფროსი ქალიშვილებისგან. 47 წლის შვედი მოდელი ისე გამოიყურება, თითქოს მარადიული ახალგაზრდობის ელექსირი იპოვა.
ფიგუს უფროსი ქალიშვილი, დანიელა ფიგუ, დედის მსგავსად, გატაცებულია მოდით და ძალიან აქტიურია სოციალურ ქსელებში, თუმცა ამის გარდა, სწავლობს ბიოსამედიცინო ფაკულტეტზე.
რაც შეეხება მარტინა ფიგუს, მან უკვე გადადგა პირველი ნაბიჯები სამოდელო კარიერაში და გეგმავს, რომ ამ სფეროში იყოს წარმატებული.
ოჯახის ყველაზე უმცროსი წევრი, რომელიც მამას ძალიან ჰგავს, ლუიშ ფიგუს საუკეთესო მეგობარია. ამ ზაფხულს პაპარაცებმა ისინი იბიცაზე ერთად გადაიღეს. მაშინ როცა ოჯახის დანარჩენ წევრებს სხვა საქმეები ჰქონდათ, სტელა მამასთან ერთად ატარებდა არდადეგებს.